Sri Matangi Stotram 3

namāmi varadāṁ dēvīṁ sumukhīṁ sarvasiddhidām |
sūryakōṭinibhāṁ dēvīṁ vahnirūpāṁ vyavasthitām || 1 ||

raktavastra nitambāṁ ca raktamālyōpaśōbhitām |
guñjāhārastanāḍhyāntāṁ paraṁ jyōti svarūpiṇīm || 2 ||

māraṇaṁ mōhanaṁ vaśyaṁ stambhanākarṣadāyinī |
muṇḍakartriṁ śarāvāmāṁ paraṁ jyōti svarūpiṇīm || 3 ||

svayambhukusumaprītāṁ r̥tuyōninivāsinīm |
śavasthāṁ smēravadanāṁ paraṁ jyōti svarūpiṇīm || 4 ||

rajasvalā bhavēnnityaṁ pūjēṣṭaphaladāyinī |
madyapriyaṁ ratimayīṁ paraṁ jyōti svarūpiṇīm || 5 ||

śiva viṣṇu virañcināṁ sādyāṁ buddhipradāyinīm |
asādhyaṁ sādhinīṁ nityāṁ paraṁ jyōti svarūpiṇīm || 6 ||

rātrau pūjā baliyutāṁ gōmāṁsa rudhirapriyām |
nānālaṅkāriṇīṁ raudrīṁ piśācagaṇasēvitām || 7 ||

ityaṣṭakaṁ paṭhēdyastu dhyānarūpāṁ prasannadhīḥ |
śivarātrau vratērātrau vārūṇī divasē:’pivā || 8 ||

paurṇamāsyāmamāvasyāṁ śanibhaumadinē tathā |
satataṁ vā paṭhēdyastu tasya siddhi padē padē || 9 ||

iti ēkajaṭā kalpalatikā śivadīkṣāyāntargataṁ śrī mātaṅgī stōtram ||

Found a Mistake or Error? Report it Now