|| ஶ்ரீ மாதங்கீ³ ஸ்தோத்ரம் 1 ||
ஈஶ்வர உவாச ।
ஆராத்⁴ய மாதஶ்சரணாம்பு³ஜே தே
ப்³ரஹ்மாத³யோ விஸ்த்ருதகீர்திமாபு꞉ ।
அந்யே பரம் வா விப⁴வம் முநீந்த்³ரா꞉
பராம் ஶ்ரியம் ப⁴க்திப⁴ரேண சாந்யே ॥ 1
நமாமி தே³வீம் நவசந்த்³ரமௌளே-
-ர்மாதங்கி³நீம் சந்த்³ரகலாவதம்ஸாம் ।
ஆம்நாயப்ராப்திப்ரதிபாதி³தார்த²ம்
ப்ரபோ³த⁴யந்தீம் ப்ரியமாத³ரேண ॥ 2 ॥
விநம்ரதே³வாஸுரமௌளிரத்நை-
-ர்நீராஜிதம் தே சரணாரவிந்த³ம் ।
ப⁴ஜந்தி யே தே³வி மஹீபதீநாம்
வ்ரஜந்தி தே ஸம்பத³மாத³ரேண ॥ 3 ॥
க்ருதார்த²யந்தீம் பத³வீம் பதா³ப்⁴யா-
-மாஸ்பா²லயந்தீம் க்ருதவல்லகீம் தாம் ।
மாதங்கி³நீம் ஸத்³த்⁴ருத³யாம் தி⁴நோமி
லீலாம்ஶுகாம் ஶுத்³த⁴நிதம்ப³பி³ம்பா³ம் ॥ 4 ॥
தாலீத³ளேநார்பிதகர்ணபூ⁴ஷாம்
மாத்⁴வீமதோ³த்³கூ⁴ர்ணிதநேத்ரபத்³மாம் ।
க⁴நஸ்தநீம் ஶம்பு⁴வதூ⁴ம் நமாமி
தடில்லதாகாந்திமநர்க்⁴யபூ⁴ஷாம் ॥ 5 ॥
சிரேண லக்ஷ்யம் நவலோமராஜ்யா
ஸ்மராமி ப⁴க்த்யா ஜக³தாமதீ⁴ஶே ।
வலித்ரயாட்⁴யம் தம மத்⁴யமம்ப³
நீலோத்பலாம்ஶுஶ்ரியமாவஹந்த்யா꞉ ॥ 6 ॥
காந்த்யா கடாக்ஷை꞉ கமலாகராணாம்
கத³ம்ப³மாலாஞ்சிதகேஶபாஶம் ।
மாதங்க³கந்யாம் ஹ்ருதி³ பா⁴வயாமி
த்⁴யாயேயமாரக்தகபோலபி³ம்ப³ம் ॥ 7 ॥
பி³ம்பா³த⁴ரந்யஸ்தலலாமவஶ்ய-
-மாலீலலீலாலகமாயதாக்ஷம் ।
மந்த³ஸ்மிதம் தே வத³நம் மஹேஶி
ஸ்துத்யாநயா ஶங்கரத⁴ர்மபத்நீம் ॥ 8 ॥
மாதங்கி³நீம் வாக³தி⁴தே³வதாம் தாம்
ஸ்துவந்தி யே ப⁴க்தியுதா மநுஷ்யா꞉ ।
பராம் ஶ்ரியம் நித்யமுபாஶ்ரயந்தி
பரத்ர கைலாஸதலே வஸந்தி ॥ 9 ॥
உத்³யத்³பா⁴நுமரீசிவீசிவிளஸத்³வாஸோ வஸாநாம் பராம்
கௌ³ரீம் ஸங்க³திபாநகர்பரகராமாநந்த³கந்தோ³த்³ப⁴வாம் ।
கு³ஞ்ஜாஹாரசலத்³விஹாரஹ்ருத³யாமாபீநதுங்க³ஸ்தநீம்
மத்தஸ்மேரமுகீ²ம் நமாமி ஸுமுகீ²ம் ஶாவாஸநாஸேது³ஷீம் ॥ 10 ॥
இதி ஶ்ரீருத்³ரயாமளே மாதங்கீ³ ஸ்தோத்ரம் ।
Found a Mistake or Error? Report it Now
