ஶ்ரீ நாகே³ஶ்வர ஸ்துதி꞉

ஶ்ரீ நாகே³ஶ்வர ஸ்துதி꞉

யோ தே³வ꞉ ஸர்வபூ⁴தாநாமாத்மா ஹ்யாராத்⁴ய ஏவ ச ।
கு³ணாதீதோ கு³ணாத்மா ச ஸ மே நாக³꞉ ப்ரஸீத³து ॥ 1 ॥

ஹ்ருத³யஸ்தோ²(அ)பி தூ³ரஸ்த²꞉ மாயாவீ ஸர்வதே³ஹிநாம் ।
யோகி³நாம் சித்தக³ம்யஸ்து ஸ மே நாக³꞉ ப்ரஸீத³து ॥ 2 ॥

ஸஹஸ்ரஶீர்ஷ꞉ ஸர்வாத்மா ஸர்வாதா⁴ர꞉ பர꞉ ஶிவ꞉ ।
மஹாவிஷஸ்யஜநக꞉ ஸ மே நாக³꞉ ப்ரஸீத³து ॥ 3 ॥

காத்³ரவேயோமஹாஸத்த்வ꞉ காலகூடமுகா²ம்பு³ஜ꞉ ।
ஸர்வாபீ⁴ஷ்டப்ரதோ³ தே³வ꞉ ஸ மே நாக³꞉ ப்ரஸீத³து ॥ 4 ॥

பாதாலநிலயோ தே³வ꞉ பத்³மநாப⁴ஸுக²ப்ரத³꞉ ।
ஸர்வாபீ⁴ஷ்டப்ரதோ³ யஸ்து ஸ மே நாக³꞉ ப்ரஸீத³து ॥ 5 ॥

நாக³நாரீரதோ த³க்ஷோ நாரதா³தி³ ஸுபூஜித꞉ ।
ஸர்வாரிஷ்டஹரோ யஸ்து ஸ மே நாக³꞉ ப்ரஸீத³து ॥ 6 ॥

ப்ருதா³குதே³வ꞉ ஸர்வாத்மா ஸர்வஶாஸ்த்ரார்த²பாரக³꞉ ।
ப்ராரப்³த⁴பாபஹந்தா ச ஸ மே நாக³꞉ ப்ரஸீத³து ॥ 7 ॥

லக்ஷ்மீபதே꞉ ஸபர்யங்க꞉ ஶம்போ⁴꞉ ஸர்வாங்க³பூ⁴ஷண꞉ ।
யோ தே³வ꞉ புத்ரதோ³ நித்யம் ஸ மே நாக³꞉ ப்ரஸீத³து ॥ 8 ॥

ப²ணீஶ꞉ பரமோதா³ர꞉ ஶாபபாபநிவாரக꞉ ।
ஸர்வபாபஹரோ யஸ்து ஸ மே நாக³꞉ ப்ரஸீத³து ॥ 9 ॥

ஸர்வமங்க³ளதோ³ நித்யம் ஸுக²தோ³ பு⁴ஜகே³ஶ்வர꞉ ।
யஶ꞉ கீர்திம் ச விபுலாம் ஶ்ரியமாயு꞉ ப்ரயச்ச²து ॥ 10 ॥

மநோவாக்காயஜநிதம் ஜந்மஜந்மாந்தரார்ஜிதம் ।
யத்பாபம் நாக³தே³வேஶ விளயம் யாது ஸம்ப்ரதி ॥ 11 ॥

நீரோக³ம் தே³ஹபுஷ்டிம் ச ஸர்வவஶ்யம் த⁴நாக³மம் ।
பஶுதா⁴ந்யாபி⁴வ்ருத்³தி⁴ம் ச யஶோவ்ருத்³தி⁴ம் ச ஶாஶ்வதம் ॥ 12 ॥

பரவாக் ஸ்தம்பி⁴நீம் வித்³யாம் வாக்³மித்வம் ஸூக்ஷ்மபு³த்³தி⁴தாம் ।
புத்ரம் வம்ஶகரம் ஶ்ரேஷ்ட²ம் தே³ஹி மே ப⁴க்தவத்ஸல ॥ 13 ॥

இதி ஶ்ரீ நாகே³ஶ்வர ஸ்துதி꞉ ॥

Found a Mistake or Error? Report it Now