|| ಶ್ರೀ ನರಹರ್ಯಷ್ಟಕಂ ||
ಯದ್ಧಿತಂ ತವ ಭಕ್ತಾನಾಮಸ್ಮಾಕಂ ನೃಹರೇ ಹರೇ |
ತದಾಶು ಕಾರ್ಯಂ ಕಾರ್ಯಜ್ಞ ಪ್ರಳಯಾರ್ಕಾಯುತಪ್ರಭ || ೧ ||
ರಟತ್ಸಟೋಗ್ರ ಭ್ರುಕುಟೀಕಠೋರಕುಟಿಲೇಕ್ಷಣ |
ನೃಪಂಚಾಸ್ಯ ಜ್ವಲಜ್ಜ್ವಾಲೋಜ್ಜ್ವಲಾಸ್ಯಾರೀನ್ ಹರೇ ಹರ || ೨ ||
ಉನ್ನದ್ಧಕರ್ಣವಿನ್ಯಾಸ ವಿವೃತಾನನ ಭೀಷಣ |
ಗತದೂಷಣ ಮೇ ಶತ್ರೂನ್ ಹರೇ ನರಹರೇ ಹರ || ೩ ||
ಹರೇ ಶಿಖಿಶಿಖೋದ್ಭಾಸ್ವದುರಃ ಕ್ರೂರನಖೋತ್ಕರ |
ಅರೀನ್ ಸಂಹರ ದಂಷ್ಟ್ರೋಗ್ರಸ್ಫುರಜ್ಜಿಹ್ವ ನೃಸಿಂಹ ಮೇ || ೪ ||
ಜಠರಸ್ಥ ಜಗಜ್ಜಾಲ ಕರಕೋಟ್ಯುದ್ಯತಾಯುಧ |
ಕಟಿಕಲ್ಪತಟಿತ್ಕಲ್ಪವಸನಾರೀನ್ ಹರೇ ಹರ || ೫ ||
ರಕ್ಷೋಧ್ಯಕ್ಷಬೃಹದ್ವಕ್ಷೋರೂಕ್ಷಕುಕ್ಷಿವಿದಾರಣ |
ನರಹರ್ಯಕ್ಷ ಮೇ ಶತ್ರುಪಕ್ಷಕಕ್ಷಂ ಹರೇ ದಹ || ೬ ||
ವಿಧಿಮಾರುತಶರ್ವೇಂದ್ರಪೂರ್ವಗೀರ್ವಾಣಪುಂಗವೈಃ |
ಸದಾ ನತಾಂಘ್ರಿದ್ವಂದ್ವಾರೀನ್ ನರಸಿಂಹ ಹರೇ ಹರ || ೭ ||
ಭಯಂಕರೋರ್ವಲಂಕಾರ ವರಹುಂಕಾರಗರ್ಜಿತ |
ಹರೇ ನರಹರೇ ಶತ್ರೂನ್ ಮಮ ಸಂಹರ ಸಂಹರ || ೮ ||
ವಾದಿರಾಜಯತಿಪ್ರೋಕ್ತಂ ನರಹರ್ಯಷ್ಟಕಂ ನವಮ್ |
ಪಠನ್ನೃಸಿಂಹಕೃಪಯಾ ರಿಪೂನ್ ಸಂಹರತಿ ಕ್ಷಣಾತ್ || ೯ ||
ಇತಿ ಶ್ರೀಮದ್ವಾದಿರಾಜ ಪೂಜ್ಯಚರಣ ವಿರಚಿತಂ ಶ್ರೀ ನರಹರ್ಯಷ್ಟಕಮ್ |
Found a Mistake or Error? Report it Now
