|| ஶ்ரீ நரஹர்யஷ்டகம் ||
யத்³தி⁴தம் தவ ப⁴க்தாநாமஸ்மாகம் ந்ருஹரே ஹரே ।
ததா³ஶு கார்யம் கார்யஜ்ஞ ப்ரளயார்காயுதப்ரப⁴ ॥ 1 ॥
ரடத்ஸடோக்³ர ப்⁴ருகுடீகடோ²ரகுடிலேக்ஷண ।
ந்ருபஞ்சாஸ்ய ஜ்வலஜ்ஜ்வாலோஜ்ஜ்வலாஸ்யாரீந் ஹரே ஹர ॥ 2 ॥
உந்நத்³த⁴கர்ணவிந்யாஸ விவ்ருதாநந பீ⁴ஷண ।
க³ததூ³ஷண மே ஶத்ரூந் ஹரே நரஹரே ஹர ॥ 3 ॥
ஹரே ஶிகி²ஶிகோ²த்³பா⁴ஸ்வது³ர꞉ க்ரூரநகோ²த்கர ।
அரீந் ஸம்ஹர த³ம்ஷ்ட்ரோக்³ரஸ்பு²ரஜ்ஜிஹ்வ ந்ருஸிம்ஹ மே ॥ 4 ॥
ஜட²ரஸ்த² ஜக³ஜ்ஜால கரகோட்யுத்³யதாயுத⁴ ।
கடிகல்பதடித்கல்பவஸநாரீந் ஹரே ஹர ॥ 5 ॥
ரக்ஷோத்⁴யக்ஷப்³ருஹத்³வக்ஷோரூக்ஷகுக்ஷிவிதா³ரண ।
நரஹர்யக்ஷ மே ஶத்ருபக்ஷகக்ஷம் ஹரே த³ஹ ॥ 6 ॥
விதி⁴மாருதஶர்வேந்த்³ரபூர்வகீ³ர்வாணபுங்க³வை꞉ ।
ஸதா³ நதாங்க்⁴ரித்³வந்த்³வாரீந் நரஸிம்ஹ ஹரே ஹர ॥ 7 ॥
ப⁴யங்கரோர்வலங்கார வரஹுங்காரக³ர்ஜித ।
ஹரே நரஹரே ஶத்ரூந் மம ஸம்ஹர ஸம்ஹர ॥ 8 ॥
வாதி³ராஜயதிப்ரோக்தம் நரஹர்யஷ்டகம் நவம் ।
பட²ந்ந்ருஸிம்ஹக்ருபயா ரிபூந் ஸம்ஹரதி க்ஷணாத் ॥ 9 ॥
இதி ஶ்ரீமத்³வாதி³ராஜ பூஜ்யசரண விரசிதம் ஶ்ரீ நரஹர்யஷ்டகம் ।
Found a Mistake or Error? Report it Now
