ஶ்ரீ ந்ருஸிம்ஹ ம்ருத்யுஞ்ஜய ஸ்தோத்ரம்

|| ஶ்ரீ ந்ருஸிம்ஹ ம்ருத்யுஞ்ஜய ஸ்தோத்ரம் ||

மார்கண்டே³ய உவாச ।
நாராயணம் ஸஹஸ்ராக்ஷம் பத்³மநாப⁴ம் புராதநம் ।
ப்ரணதோ(அ)ஸ்மி ஹ்ருஷீகேஶம் கிம் மே ம்ருத்யு꞉ கரிஷ்யதி ॥ 1 ॥

கோ³விந்த³ம் புண்ட³ரீகாக்ஷமநந்தமஜமவ்யயம் ।
கேஶவம் ச ப்ரபந்நோ(அ)ஸ்மி கிம் மே ம்ருத்யு꞉ கரிஷ்யதி ॥ 2 ॥

வாஸுதே³வம் ஜக³த்³யோநிம் பா⁴நுவர்ணமதீந்த்³ரியம் ।
தா³மோத³ரம் ப்ரபந்நோ(அ)ஸ்மி கிம் மே ம்ருத்யு꞉ கரிஷ்யதி ॥ 3 ॥

ஶங்க²சக்ரத⁴ரம் தே³வம் ச²ந்நரூபிணமவ்யயம் ।
அதோ⁴க்ஷஜம் ப்ரபந்நோ(அ)ஸ்மி கிம் மே ம்ருத்யு꞉ கரிஷ்யதி ॥ 4 ॥

வாராஹம் வாமநம் விஷ்ணும் நரஸிம்ஹம் ஜநார்த³நம் ।
மாத⁴வம் ச ப்ரபந்நோ(அ)ஸ்மி கிம் மே ம்ருத்யு꞉ கரிஷ்யதி ॥ 5 ॥

புருஷம் புஷ்கரம் புண்யம் க்ஷேமபீ³ஜம் ஜக³த்பதிம் ।
லோகநாத²ம் ப்ரபந்நோ(அ)ஸ்மி கிம் மே ம்ருத்யு꞉ கரிஷ்யதி ॥ 6 ॥

பூ⁴தாத்மாநம் மஹாத்மாநம் ஜக³த்³யோநிமயோநிஜம் ।
விஶ்வரூபம் ப்ரபந்நோ(அ)ஸ்மி கிம் மே ம்ருத்யு꞉ கரிஷ்யதி ॥ 7 ॥

ஸஹஸ்ரஶிரஸம் தே³வம் வ்யக்தாவ்யக்தம் ஸநாதநம் ।
மஹாயோக³ம் ப்ரபந்நோ(அ)ஸ்மி கிம் மே ம்ருத்யு꞉ கரிஷ்யதி ॥ 8 ॥

இத்யுதீ³ரிதமாகர்ண்ய ஸ்தோத்ரம் தஸ்ய மஹாத்மந꞉ ।
அபயாதஸ்ததோ ம்ருத்யுர்விஷ்ணுதூ³தைஶ்ச பீடி³த꞉ ॥ 9 ॥

இதி தேந ஜிதோ ம்ருத்யுர்மார்கண்டே³யேந தீ⁴மதா ।
ப்ரஸந்நே புண்ட³ரீகாக்ஷே ந்ருஸிம்ஹே நாஸ்தி து³ர்லப⁴ம் ॥ 10 ॥

ம்ருத்யுஞ்ஜயமித³ம் புண்யம் ம்ருத்யுப்ரஶமநம் ஶுப⁴ம் ।
மார்கண்டே³யஹிதார்தா²ய ஸ்வயம் விஷ்ணுருவாச ஹ ॥ 11 ॥

ய இத³ம் பட²தே ப⁴க்த்யா த்ரிகாலம் நியத꞉ ஶுசி꞉ ।
நாகாலே தஸ்ய ம்ருத்யு꞉ ஸ்யாந்நரஸ்யாச்யுதசேதஸ꞉ ॥ 12 ॥

ஹ்ருத்பத்³மமத்⁴யே புருஷம் புராணம்
நாராயணம் ஶாஶ்வதமாதி³தே³வம் ।
ஸஞ்சிந்த்ய ஸூர்யாத³பி ராஜமாநம்
ம்ருத்யும் ஸ யோகீ³ ஜிதவாம்ஸ்ததை³வ ॥ 13 ॥

இதி ஶ்ரீநரஸிம்ஹபுராணே ஸப்தமோ(அ)த்⁴யாயே மார்கண்டே³ய ப்ரோக்த ம்ருத்யுஞ்ஜய ஸ்தோத்ரம் ।

Found a Mistake or Error? Report it Now