ஶ்ரீ லக்ஷ்மீந்ருஸிம்ஹ ஷோட³ஶோபசார பூஜா

|| ஶ்ரீ லக்ஷ்மீந்ருஸிம்ஹ ஷோட³ஶோபசார பூஜா ||

புந꞉ ஸங்கல்பம் –
பூர்வோக்த ஏவம் கு³ண விஶேஷண விஶிஷ்டாயாம் ஶுப⁴ திதௌ² ஶ்ரீ லக்ஷ்மீ ஸமேத ந்ருஸிம்ஹ ஸ்வாமிந꞉ அநுக்³ரஹப்ரஸாத³ ஸித்³த்⁴யர்த²ம் ஶ்ரீ லக்ஷ்மீந்ருஸிம்ஹ ஸ்வாமிந꞉ ப்ரீத்யர்த²ம் புருஷ ஸூக்த விதா⁴நேந த்⁴யாந ஆவாஹநாதி³ ஷோட³ஶோபசார பூஜாம் கரிஷ்யே ।

ப்ராணப்ரதிஷ்ட² –
ஓம் அஸு॑நீதே॒ புந॑ர॒ஸ்மாஸு॒ சக்ஷு॒:
புந॑: ப்ரா॒ணமி॒ஹ நோ᳚ தே⁴ஹி॒ போ⁴க³᳚ம் ।
ஜ்யோக்ப॑ஶ்யேம॒ ஸூர்ய॑மு॒ச்சர᳚ந்த॒
மநு॑மதே ம்ரு॒ட³யா᳚ ந꞉ ஸ்வ॒ஸ்தி ॥
அ॒ம்ருதம்॒ வை ப்ரா॒ணா அ॒ம்ருத॒மாப॑:
ப்ரா॒ணாநே॒வ ய॑தா²ஸ்தா²॒நமுப॑ஹ்வயதே ॥
ஸாங்க³ம் ஸாயுத⁴ம் ஸவாஹநம் ஸஶக்திம் ஸபரிவாரஸமேதம் ஶ்ரீலக்ஷ்மீ ஸஹித ந்ருஸிம்ஹ ஸ்வாமிநம் ஆவாஹயாமி ஸ்தா²பயாமி பூஜயாமி ॥
ஸ்தி²ரோ ப⁴வ வரதோ³ ப⁴வ ஸுமுகோ² ப⁴வ ஸுப்ரஸந்நோ ப⁴வ ஸ்தி²ராஸநம் குரு ப்ரஸீத³ ப்ரஸீத³ ।

ஸ்வாமின் ஸர்வஜக³ந்நாத² யாவத்பூஜாவஸாநகம் ।
தாவத்த்வம் ப்ரீதிபா⁴வேந பி³ம்பே³(அ)ஸ்மின் ஸந்நிதி⁴ம் குரு ॥

த்⁴யாநம் –
லக்ஷ்மீஶோபி⁴தவாமபா⁴க³மமலம் ஸிம்ஹாஸநே ஸுந்த³ரம்
ஸவ்யே சக்ரத⁴ரம் ச நிர்ப⁴யகரம் வாமேந சாபம் வரம் ।
ஸர்வாதீ⁴ஶக்ருதாந்தபத்ரமமலம் ஶ்ரீவத்ஸவக்ஷ꞉ஸ்த²லம்
வந்தே³ தே³வமுநீந்த்³ரவந்தி³தபத³ம் லக்ஷ்மீந்ருஸிம்ஹம் விபு⁴ம் ॥
ஓம் ஶ்ரீ லக்ஷ்மீந்ருஸிம்ஹாய நம꞉ த்⁴யாயாமி த்⁴யாநம் ஸமர்பயாமி ।

ஆவாஹநம் –
ஸ॒ஹஸ்ர॑ஶீர்ஷா॒ புரு॑ஷ꞉ ।
ஸ॒ஹ॒ஸ்ரா॒க்ஷ꞉ ஸ॒ஹஸ்ர॑பாத் ।
ஸ பூ⁴மிம்॑ வி॒ஶ்வதோ॑ வ்ரு॒த்வா ।
அத்ய॑திஷ்ட²த்³த³ஶாங்கு³॒லம் ॥
ஆக³ச்ச² தே³வதே³வேஶ தேஜோராஶே ஜக³த்பதே ।
க்ரியமாணாம் மயா பூஜாம் க்³ருஹாண ஸுரஸத்தமே ॥
ஓம் ஶ்ரீ லக்ஷ்மீந்ருஸிம்ஹாய நம꞉ ஆவாஹயாமி ।

ஆஸநம் –
புரு॑ஷ ஏ॒வேத³க்³ம் ஸர்வம்᳚ ।
யத்³பூ⁴॒தம் யச்ச॒ ப⁴வ்யம்᳚ ।
உ॒தாம்ரு॑த॒த்வஸ்யேஶா॑ந꞉ ।
ய॒த³ந்நே॑நாதி॒ரோஹ॑தி ॥
நாநா ரத்நஸமாயுக்தம் கார்தஸ்வரவிபூ⁴ஷிதம் ।
ஆஸநம் தே³வதே³வேஶ ப்ரீத்யர்த²ம் ப்ரதிக்³ருஹ்யதாம் ॥
ஓம் ஶ்ரீ லக்ஷ்மீந்ருஸிம்ஹாய நம꞉ நவரத்நக²சித ஸுவர்ண ஸிம்ஹாஸநம் ஸமர்பயாமி ।

பாத்³யம் –
ஏ॒தாவா॑நஸ்ய மஹி॒மா ।
அதோ॒ ஜ்யாயாக்³॑ஶ்ச॒ பூரு॑ஷ꞉ ।
பாதோ³᳚(அ)ஸ்ய॒ விஶ்வா॑ பூ⁴॒தாநி॑ ।
த்ரி॒பாத³॑ஸ்யா॒ம்ருதம்॑ தி³॒வி ॥
க³ங்கா³தி³ ஸர்வதீர்தே²ப்⁴ய꞉ மயா ப்ரார்த²நயாஹ்ருதம் ।
லக்ஷ்மீந்ருஸிம்ஹ பாத்³யர்த²ம் இத³ம் தோயம் க்³ருஹாண போ⁴꞉ ॥
ஓம் ஶ்ரீ லக்ஷ்மீந்ருஸிம்ஹாய நம꞉ பாத³யோ꞉ பாத்³யம் ஸமர்பயாமி ।

அர்க்⁴யம் –
த்ரி॒பாதூ³॒ர்த்⁴வ உதை³॒த்புரு॑ஷ꞉ ।
பாதோ³᳚(அ)ஸ்யே॒ஹா(ஆ)ப⁴॑வா॒த்புந॑: ।
ததோ॒ விஷ்வ॒ங்வ்ய॑க்ராமத் ।
ஸா॒ஶ॒நா॒ந॒ஶ॒நே அ॒பி⁴ ॥
நமஸ்தே தே³வதே³வேஶ நமஸ்தே த⁴ரணீத⁴ர ।
நமஸ்தே கமலாகாந்த க்³ருஹாணார்க்⁴யம் நமோ(அ)ஸ்து தே ॥
ஓம் ஶ்ரீ லக்ஷ்மீந்ருஸிம்ஹாய நம꞉ ஹஸ்தயோ꞉ அர்க்⁴யம் ஸமர்பயாமி ।

ஆசமநீயம் –
தஸ்மா᳚த்³வி॒ராட³॑ஜாயத ।
வி॒ராஜோ॒ அதி⁴॒ பூரு॑ஷ꞉ ।
ஸ ஜா॒தோ அத்ய॑ரிச்யத ।
ப॒ஶ்சாத்³பூ⁴மி॒மதோ²॑ பு॒ர꞉ ॥
கர்பூரவாஸிதம் தோயம் மந்தா³கிந்ய꞉ ஸமாஹ்ருதம் ।
ஆசம்ய தாம் ஜக³ந்நாத² மயா த³த்தம் ஹி ப⁴க்தித꞉ ॥
ஓம் ஶ்ரீ லக்ஷ்மீந்ருஸிம்ஹாய நம꞉ முகே² ஆசமநீயம் ஸமர்பயாமி ।

மது⁴பர்கம் –
நம꞉ ஶ்ரீ வாஸுதே³வாய தத்த்வஜ்ஞாநஸ்வரூபிணே ।
மது⁴பர்கம் க்³ருஹாணேத³ம் ஶ்ரீலக்ஷ்மீபதயே நம꞉ ॥
ஓம் ஶ்ரீ லக்ஷ்மீந்ருஸிம்ஹாய நம꞉ மது⁴பர்கம் ஸமர்பயாமி ।

பஞ்சாம்ருத ஸ்நாநம் –
த³தி⁴ க்ஷீராஜ்ய மது⁴பி⁴꞉ ஶர்கரா ப²லமிஶ்ரிதம் ।
பஞ்சாம்ருதஸ்நாநமித³ம் க்³ருஹாண புருஷோத்தம ॥
ஓம் ஶ்ரீ லக்ஷ்மீந்ருஸிம்ஹாய நம꞉ பஞ்சாம்ருத ஸ்நாநம் ஸமர்பயாமி ।

ஶுத்³தோ⁴த³க ஸ்நாநம் –
யத்புரு॑ஷேண ஹ॒விஷா᳚ ।
தே³॒வா ய॒ஜ்ஞமத॑ந்வத ।
வ॒ஸ॒ந்தோ அ॑ஸ்யாஸீ॒தா³ஜ்யம்᳚ ।
க்³ரீ॒ஷ்ம இ॒த்⁴மஶ்ஶ॒ரத்³த⁴॒வி꞉ ॥
ஸுக³ந்த⁴புஷ்பஸம்யுக்தம் பவித்ரம் விமலம் ஜலம் ।
ஸ்நாநார்த²ம் ஹி மயாநீதம் ஸ்வீகுருஷ்வ மஹாமதே ॥

ஆபோ॒ ஹிஷ்டா² ம॑யோ॒பு⁴வ॒ஸ்தா ந॑ ஊ॒ர்ஜே த³॑தா⁴தந ।
ம॒ஹேரணா॑ய॒ சக்ஷ॑ஸே ।
யோ வ॑: ஶி॒வத॑மோ ரஸ॒ஸ்தஸ்ய॑ பா⁴ஜயதே॒ ஹ ந॑: ।
உ॒ஶ॒தீரி॑வ மா॒த॑ர꞉ ।
தஸ்மா॒ அர॑ங்க³மாமவோ॒ யஸ்ய॒ க்ஷயா॑ய॒ ஜிந்வ॑த² ।
ஆபோ॑ ஜ॒நய॑தா² ச ந꞉ ।

ஓம் ஶ்ரீ லக்ஷ்மீந்ருஸிம்ஹாய நம꞉ ஶுத்³தோ⁴த³க ஸ்நாநம் ஸமர்பயாமி ।
ஸ்நாநாநந்தரம் ஶுத்³த⁴ ஆசமநீயம் ஸமர்பயாமி ।

வஸ்த்ரம் –
ஸ॒ப்தாஸ்யா॑ஸந்பரி॒த⁴ய॑: ।
த்ரி꞉ ஸ॒ப்த ஸ॒மித⁴॑: க்ரு॒தா꞉ ।
தே³॒வா யத்³ய॒ஜ்ஞம் த॑ந்வா॒நா꞉ ।
அப³॑த்⁴ந॒ந்புரு॑ஷம் ப॒ஶும் ॥
தப்தகாஞ்சநஸங்காஶம் பீதாம்ப³ரமித³ம் ஹரே ।
ஸங்க்³ருஹாண ஜக³ந்நாத² நாராயண நமோ(அ)ஸ்து தே ॥
ஓம் ஶ்ரீ லக்ஷ்மீந்ருஸிம்ஹாய நம꞉ வஸ்த்ரயுக்³மம் ஸமர்பயாமி ।

யஜ்ஞோபவீதம் –
தம் ய॒ஜ்ஞம் ப³॒ர்ஹிஷி॒ ப்ரௌக்ஷந்॑ ।
புரு॑ஷம் ஜா॒தம॑க்³ர॒த꞉ ।
தேந॑ தே³॒வா அய॑ஜந்த ।
ஸா॒த்⁴யா ருஷ॑யஶ்ச॒ யே ॥
ப்³ரஹ்மவிஷ்ணுமஹேஶஶ்ச நிர்மிதம் ப்³ரஹ்மஸூத்ரகம் ।
உபவீதம் மயா த³த்தம் க்³ருஹாண கமலாபதி꞉ ॥
ஓம் ஶ்ரீ லக்ஷ்மீந்ருஸிம்ஹாய நம꞉ யஜ்ஞோபவீதம் ஸமர்பயாமி ।

க³ந்த⁴ம் –
தஸ்மா᳚த்³ய॒ஜ்ஞாத்ஸ॑ர்வ॒ஹுத॑: ।
ஸம்ப்⁴ரு॑தம் ப்ருஷதா³॒ஜ்யம் ।
ப॒ஶூக்³ஸ்தாக்³ஶ்ச॑க்ரே வாய॒வ்யாந்॑ ।
ஆ॒ர॒ண்யாந்க்³ரா॒ம்யாஶ்ச॒ யே ॥
சந்த³நம் ஶீதளம் தி³வ்யம் கஸ்தூரீ குங்குமம் ததா² ।
த³தா³மி தவ ப்ரீத்யர்த²ம் ந்ருஸிம்ஹ பரமேஶ்வர꞉ ॥
ஓம் ஶ்ரீ லக்ஷ்மீந்ருஸிம்ஹாய நம꞉ தி³வ்ய ஶ்ரீ சந்த³நம் ஸமர்பயாமி ।

ஆப⁴ரணம் –
தஸ்மா᳚த்³ய॒ஜ்ஞாத்ஸ॑ர்வ॒ஹுத॑: ।
ருச॒: ஸாமா॑நி ஜஜ்ஞிரே ।
ச²ந்தா³க்³ம்॑ஸி ஜஜ்ஞிரே॒ தஸ்மா᳚த் ।
யஜு॒ஸ்தஸ்மா॑த³ஜாயத ॥
பூ⁴ஷணாநி விசித்ராநி ஹேமரத்நமயாநி ச ।
க்³ருஹாண பு⁴வநாதா⁴ர பு⁴க்திமுக்திப²லப்ரத³ ॥
ஓம் ஶ்ரீ லக்ஷ்மீந்ருஸிம்ஹாய நம꞉ ஸர்வாப⁴ரணாநி ஸமர்பயாமி ।

புஷ்பாணி –
தஸ்மா॒த³ஶ்வா॑ அஜாயந்த ।
யே கே சோ॑ப⁴॒யாத³॑த꞉ ।
கா³வோ॑ ஹ ஜஜ்ஞிரே॒ தஸ்மா᳚த் ।
தஸ்மா᳚ஜ்ஜா॒தா அ॑ஜா॒வய॑: ॥
மால்யாதீ³நி ஸுக³ந்தா⁴நி மால்யதாதீ³நி வை ப்ரபோ⁴ ।
மயாஹ்ருதாநி பூஜார்த²ம் புஷ்பாணி ப்ரதிக்³ருஹ்யதாம் ॥
ஓம் ஶ்ரீ லக்ஷ்மீந்ருஸிம்ஹாய நம꞉ நாநாவித⁴ பரிமள பத்ர புஷ்பாணி ஸமர்பயாமி ।

அதா²ங்க³ பூஜ –
ஓம் ந்ருஸிம்ஹாய நம꞉ பாதௌ³ பூஜயாமி ।
ஓம் கராளாய நம꞉ கு³ள்பௌ² பூஜயாமி ।
ஓம் விக்ருதாய நம꞉ ஜாநுநீ பூஜயாமி ।
ஓம் நகா²ங்குராய நம꞉ ஜங்கை⁴꞉ பூஜயாமி ।
ஓம் ப்ரஹ்லாத³வரதா³ய நம꞉ ஊரூம் பூஜயாமி ।
ஓம் ஶ்ரீமதே நம꞉ கு³ஹ்யம் பூஜயாமி ।
ஓம் அப்ரமேயபராக்ரமாய நம꞉ ஜக⁴நம் பூஜயாமி ।
ஓம் ப⁴க்தாநாமப⁴யப்ரதா³ய நம꞉ கடிம் பூஜயாமி ।
ஓம் குக்ஷிஸ்தா²கி²லபு⁴வநாய நம꞉ உத³ரம் பூஜயாமி ।
ஓம் ஸர்வரக்ஷாய நம꞉ ஹ்ருத³யம் பூஜயாமி ।
ஓம் கபிலாய நம꞉ ப்ருஷ்ட²தே³ஹம் பூஜயமி ।
ஓம் ஶங்க²சக்ரக³தா³ஶார்ங்க³பாணயே நம꞉ பா³ஹூன் பூஜயாமி ।
ஓம் ஸ்தூ²லக்³ரீவாய நம꞉ கண்ட²ம் பூஜயாமி ।
ஓம் ஜ்வாலாமுகா²ய நம꞉ வக்த்ரம் பூஜயாமி ।
ஓம் தீக்ஷ்ணத³ம்ஷ்ட்ராய நம꞉ த³ந்தான் பூஜயாமி ।
ஓம் ப்³ரஹ்மண்யாய நம꞉ நாஸிகாம் பூஜயாமி ।
ஓம் ப⁴க்தவத்ஸலாய நம꞉ ஶ்ரோத்ரே பூஜயாமி ।
ஓம் ஸோமஸூர்யாக்³நிலோசநாய நம꞉ நேத்ரௌ பூஜயாமி ।
ஓம் உக்³ராய நம꞉ லலாடம் பூஜயாமி ।
ஓம் ஹ்ருஷீகேஶாய நம꞉ ஶிர꞉ பூஜயாமி ।
ஓம் ஶ்ரீ லக்ஷ்மீந்ருஸிம்ஹாய நம꞉ ஸர்வாண்யங்கா³நி பூஜயாமி ॥

அஷ்டோத்தரஶதநாமாவளீ –

ஶ்ரீ ந்ருஸிம்ஹ அஷ்டோத்தரஶதநாமாவளீ பஶ்யது ।

தூ⁴பம் –
யத்புரு॑ஷம்॒ வ்ய॑த³து⁴꞉ ।
க॒தி॒தா⁴ வ்ய॑கல்பயன் ।
முக²ம்॒ கிம॑ஸ்ய॒ கௌ பா³॒ஹூ ।
காவூ॒ரூ பாதா³॑வுச்யேதே ॥
வநஸ்பத்யுத்³ப⁴வோ தி³வ்யோ க³ந்தா⁴த்³யோ க³ந்த⁴ உத்தம꞉ ।
நரஸிம்ஹ மஹீபாலோ து⁴போ(அ)யம் ப்ரதிக்³ருஹ்யதாம் ॥
ஓம் ஶ்ரீ லக்ஷ்மீந்ருஸிம்ஹாய நம꞉ தூ⁴பம் ஸமர்பயாமி ।

தீ³பம் –
ப்³ரா॒ஹ்ம॒ணோ᳚(அ)ஸ்ய॒ முக²॑மாஸீத் ।
பா³॒ஹூ ரா॑ஜ॒ந்ய॑: க்ரு॒த꞉ ।
ஊ॒ரூ தத³॑ஸ்ய॒ யத்³வைஶ்ய॑: ।
ப॒த்³ப்⁴யாக்³ம் ஶூ॒த்³ரோ அ॑ஜாயத ॥
ப⁴க்த்யா தீ³பம் ப்ரயச்சா²மி தே³வாய பரமாத்மநே ।
த்ராஹி மாம் நரகாத்³கோ⁴ராத் தி³வ்ய ஜ்யோதிர்நமோ(அ)ஸ்து தே ॥
ஓம் ஶ்ரீ லக்ஷ்மீந்ருஸிம்ஹாய நம꞉ தீ³பம் ஸமர்பயாமி ।

நைவேத்³யம் –
ச॒ந்த்³ரமா॒ மந॑ஸோ ஜா॒த꞉ ।
சக்ஷோ॒: ஸூர்யோ॑ அஜாயத ।
முகா²॒தி³ந்த்³ர॑ஶ்சா॒க்³நிஶ்ச॑ ।
ப்ரா॒ணாத்³வா॒யுர॑ஜாயத ॥
நைவேத்³யம் க்³ருஹ்யதாம் தே³வ ப⁴க்திம் மே அசலாம் குரு ।
ஈப்ஸிதம் மே வரம் தே³ஹி இஹத்ர ச பராம் க³திம் ॥
ஶ்ரீந்ருஸிம்ஹ நமஸ்துப்⁴யம் மஹாநைவேத்³யமுத்தமம் ।
ஸங்க்³ருஹாண ஸுரஶ்ரேஷ்ட² பு⁴க்திமுக்திப்ரதா³யகம் ॥
ஓம் ஶ்ரீ லக்ஷ்மீந்ருஸிம்ஹாய நம꞉ நைவேத்³யம் ஸமர்பயாமி ।

ஓம் பூ⁴ர்பு⁴வ॒ஸ்ஸுவ॑: । தத்ஸ॑வி॒துர்வரே᳚ண்யம்॒ ப⁴ர்கோ³॑ தே³॒வஸ்ய॑ தீ⁴மஹி ।
தி⁴யோ॒ யோ ந॑: ப்ரசோ॒த³யா᳚த் ॥

ஸத்யம் த்வா ருதேந பரிஷிஞ்சாமி ।
(ஸாயங்காலே – ருதம் த்வா ஸத்யேந பரிஷிஞ்சாமி)
அம்ருதமஸ்து । அ॒ம்ரு॒தோ॒ப॒ஸ்தர॑ணமஸி ।
ஓம் ப்ரா॒ணாய॒ ஸ்வாஹா᳚ । ஓம் அ॒பா॒நாய॒ ஸ்வாஹா᳚ ।
ஓம் வ்யா॒நாய॒ ஸ்வாஹா᳚ । ஓம் உ॒தா³॒நாய॒ ஸ்வாஹா᳚ ।
ஓம் ஸ॒மா॒நாய॒ ஸ்வாஹா᳚ ।
மத்⁴யே மத்⁴யே பாநீயம் ஸமர்பயாமி ।
அ॒ம்ரு॒தா॒பி॒தா⁴॒நம॑ஸி । உத்தராபோஶநம் ஸமர்பயாமி ।
ஹஸ்தௌ ப்ரக்ஷாலயாமி । பாதௌ³ ப்ரக்ஷாலயாமி ।
ஶுத்³தா⁴சமநீயம் ஸமர்பயாமி ।

தாம்பூ³லம் –
நாப்⁴யா॑ ஆஸீத³॒ந்தரி॑க்ஷம் ।
ஶீ॒ர்ஷ்ணோ த்³யௌ꞉ ஸம॑வர்தத ।
ப॒த்³ப்⁴யாம் பூ⁴மி॒ர்தி³ஶ॒: ஶ்ரோத்ரா᳚த் ।
ததா²॑ லோ॒காக்³ம் அ॑கல்பயன் ॥
பூகீ³ப²ல ஸமாயுக்தம் நாக³வல்லீத³ளைர்யுதம் ।
யேலா லவங்க³ ஸம்யுக்தம் தாம்பூ³லம் தே³வ க்³ருஹ்யதாம் ॥
ஓம் ஶ்ரீ லக்ஷ்மீந்ருஸிம்ஹாய நம꞉ தாம்பூ³லம் ஸமர்பயாமி ।

நீராஜநம் –
வேதா³॒ஹமே॒தம் புரு॑ஷம் ம॒ஹாந்தம்᳚ ।
ஆ॒தி³॒த்யவ॑ர்ணம்॒ தம॑ஸ॒ஸ்து பா॒ரே ।
ஸர்வா॑ணி ரூ॒பாணி॑ வி॒சித்ய॒ தீ⁴ர॑: ।
நாமா॑நி க்ரு॒த்வா(அ)பி⁴॒வத³॒ந்॒ யதா³ஸ்தே᳚ ॥
கர்பூரகம் மஹாராஜ ரம்போ⁴த்³பூ⁴தம் ச தீ³பகம் ।
மங்க³ளார்த²ம் மஹீபால ஸங்க்³ருஹாண ஜக³த்பதே ॥
ஓம் ஶ்ரீ லக்ஷ்மீந்ருஸிம்ஹாய நம꞉ கர்பூர நீராஜநம் ஸமர்பயாமி ।
நீராஜநாநந்தரம் ஶுத்³தா⁴சமநீயம் ஸமர்பயாமி । நமஸ்கரோமி ।

மந்த்ரபுஷ்பம் –

[ மந்த்ரபுஷ்பம் பஶ்யது ॥ ]

தா⁴॒தா பு॒ரஸ்தா॒த்³யமு॑தா³ஜ॒ஹார॑ ।
ஶ॒க்ர꞉ ப்ரவி॒த்³வாந்ப்ர॒தி³ஶ॒ஶ்சத॑ஸ்ர꞉ ।
தமே॒வம் வி॒த்³வாந॒ம்ருத॑ இ॒ஹ ப⁴॑வதி ।
நாந்ய꞉ பந்தா²॒ அய॑நாய வித்³யதே ॥
ஓம் வ॒ஜ்ர॒ந॒கா²ய॑ வி॒த்³மஹே॑ தீக்ஷ்ணத³॒க்³ம்ஷ்ட்ராய॑ தீ⁴மஹி ।
தந்நோ॑ நாரஸிக்³ம்ஹ꞉ ப்ரசோ॒த³யா᳚த் ॥
ஓம் ஶ்ரீ லக்ஷ்மீந்ருஸிம்ஹாய நம꞉ ஸுவர்ண தி³வ்ய மந்த்ரபுஷ்பம் ஸமர்பயாமி ।

ஆத்மப்ரத³க்ஷிண நமஸ்காரம் –
யாநிகாநி ச பாபாநி ஜந்மாந்தரக்ருதாநி ச ।
தாநி தாநி ப்ரணஶ்யந்தி ப்ரத³க்ஷிண பதே³ பதே³ ॥
பாபோ(அ)ஹம் பாபகர்மா(அ)ஹம் பாபாத்மா பாபஸம்ப⁴வ ।
த்ராஹிமாம் க்ருபயா தே³வ ஶரணாக³தவத்ஸலா ॥
அந்யதா² ஶரணம் நாஸ்தி த்வமேவ ஶரணம் மம ।
தஸ்மாத்காருண்ய பா⁴வேந ரக்ஷ ரக்ஷ ரமாபதே ॥
ஓம் ஶ்ரீ லக்ஷ்மீந்ருஸிம்ஹாய நம꞉ ஆத்மப்ரத³க்ஷிண நமஸ்காரான் ஸமர்பயாமி ।

ஸாஷ்டாங்க³ நமஸ்காரம் –
நம꞉ ஸர்வஹிதார்தா²ய ஜக³தா³தா⁴ரஹேதவே ।
ஸாஷ்டாங்கோ³(அ)யம் ப்ரணாமஸ்தே ப்ரயத்நேந மயாக்ருத꞉ ॥
உரஸா ஶிரஸா த்³ருஷ்ட்யா மநஸா வசஸா ததா² ।
பத்³ப்⁴யாம் கராப்⁴யாம் ஜாநுப்⁴யாம் ப்ரணாமோஷ்டாங்க³ம் உச்யதே ॥
ஓம் ஶ்ரீ லக்ஷ்மீந்ருஸிம்ஹாய நம꞉ ஸாஷ்டாங்க³ நமஸ்காராம் ஸமர்பயாமி ।

ஸர்வோபசாரா꞉ –
ஓம் ஶ்ரீ லக்ஷ்மீந்ருஸிம்ஹாய நம꞉ ச²த்ரம் ஆச்சா²த³யாமி ।
ஓம் ஶ்ரீ லக்ஷ்மீந்ருஸிம்ஹாய நம꞉ சாமரைர்வீஜயாமி ।
ஓம் ஶ்ரீ லக்ஷ்மீந்ருஸிம்ஹாய நம꞉ ந்ருத்யம் த³ர்ஶயாமி ।
ஓம் ஶ்ரீ லக்ஷ்மீந்ருஸிம்ஹாய நம꞉ கீ³தம் ஶ்ராவயாமி ।
ஓம் ஶ்ரீ லக்ஷ்மீந்ருஸிம்ஹாய நம꞉ ஆந்தோ³ளிகாந்நாரோஹயாமி ।
ஓம் ஶ்ரீ லக்ஷ்மீந்ருஸிம்ஹாய நம꞉ அஶ்வாநாரோஹயாமி ।
ஓம் ஶ்ரீ லக்ஷ்மீந்ருஸிம்ஹாய நம꞉ க³ஜாநாரோஹயாமி ।
ஸமஸ்த ராஜோபசாரான் தே³வோபசாரான் ஸமர்பயாமி ।

க்ஷமா ப்ரார்த²ந –
அபராத⁴ ஸஹஸ்ராணி க்ரியந்தே(அ)ஹர்நிஶம் மயா ।
தா³ஸோ(அ)யமிதி மாம் மத்வா க்ஷமஸ்வ புருஷோத்தமா ॥
ஆவாஹநம் ந ஜாநாமி ந ஜாநாமி விஸர்ஜநம் ।
பூஜாவிதி⁴ம் ந ஜாநாமி க்ஷமஸ்வ கமலாபதே ॥
மந்த்ரஹீநம் க்ரியாஹீநம் ப⁴க்திஹீநம் ஜநார்த³ந ।
யத்பூஜிதம் மயா தே³வ பரிபூர்ணம் தத³ஸ்துதே ॥

அநயா புருஷஸூக்த விதா⁴ந பூர்வக த்⁴யாந ஆவாஹநாதி³ ஷோட³ஶோபசார பூஜயா ப⁴க³வான் ஸர்வாத்மக꞉ ஶ்ரீ லக்ஷ்மீந்ருஸிம்ஹ ஸ்வாமீ ஸுப்ரீதா ஸுப்ரஸந்நா வரதா³ ப⁴வந்து ॥

தீர்த²ப்ரஸாத³ க்³ரஹணம் –
அகாலம்ருத்யஹரணம் ஸர்வவ்யாதி⁴நிவாரணம் ।
ஸமஸ்தபாபக்ஷயகரம் ஶ்ரீ லக்ஷ்மீந்ருஸிம்ஹ பாதோ³த³கம் பாவநம் ஶுப⁴ம் ॥
ஶ்ரீ லக்ஷ்மீந்ருஸிம்ஹாய நம꞉ ப்ரஸாத³ம் ஶிரஸா க்³ருஹ்ணாமி ।

ஓம் ஶாந்தி꞉ ஶாந்தி꞉ ஶாந்தி꞉ ॥

Found a Mistake or Error? Report it Now