|| ஶ்ரீ நடராஜ ஹ்ருத³யபா⁴வநா ஸப்தகம் ||
காமஶாஸநமாஶ்ரிதார்திநிவாரணைகது⁴ரந்த⁴ரம்
பாகஶாஸநபூர்வலேக²க³ணை꞉ ஸமர்சிதபாது³கம் ।
வ்யாக்⁴ரபாத³ப²ணீஶ்வராதி³முநீஶஸங்க⁴நிஷேவிதம்
சித்ஸபே⁴ஶமஹர்நிஶம் ஹ்ருதி³ பா⁴வயாமி க்ருபாகரம் ॥ 1 ॥
யக்ஷராக்ஷஸதா³நவோரக³கிந்நராதி³பி⁴ரந்வஹம்
ப⁴க்திபூர்வகமத்யுதா³ரஸுகீ³தவைப⁴வஶாலிநம் ।
சண்டி³காமுக²பத்³மவாரிஜபா³ந்த⁴வம் விபு⁴மவ்யயம்
சித்ஸபே⁴ஶமஹர்நிஶம் ஹ்ருதி³ பா⁴வயாமி க்ருபாகரம் ॥ 2 ॥
காலபாஶநிபீடி³தம் முநிபா³லகம் ஸ்வபதா³ர்சகம்
ஹ்யக்³ரக³ண்யமஶேஷப⁴க்தஜநௌக⁴கஸ்ய ஸதீ³டி³தம் ।
ரக்ஷிதும் ஸஹஸாவதீர்ய ஜகா⁴ந யச்ச²மநம் ச தம்
சித்ஸபே⁴ஶமஹர்நிஶம் ஹ்ருதி³ பா⁴வயாமி க்ருபாகரம் ॥ 3 ॥
பீ⁴கரோத³கபூரகைர்பு⁴வமர்ணவீகரணோத்³யதாம்
ஸ்வர்து⁴நீமபி⁴மாநிநீமதிது³ஶ்சரேண ஸமாதி⁴நா ।
தோஷிதஸ்து ப⁴கீ³ரதே²ந த³தா⁴ர யோ ஶிரஸா ச தம்
சித்ஸபே⁴ஶமஹர்நிஶம் ஹ்ருதி³ பா⁴வயாமி க்ருபாகரம் ॥ 4 ॥
யோகி³ந꞉ ஸநகாத³யோ முநிபுங்க³வா விமலாஶயா꞉
த³க்ஷிணாபி⁴முக²ம் கு³ரும் ஸமுபாஸ்ய யம் ஶிவமாத³ராத் ।
ஸித்³தி⁴மாபுரநூபமாம் தமநந்யபா⁴வயுதஸ்த்வஹம்
சித்ஸபே⁴ஶமஹர்நிஶம் ஹ்ருதி³ பா⁴வயாமி க்ருபாகரம் ॥ 5 ॥
க்ஷீரஸாக³ரமந்த²நோத்³ப⁴வகாலகூடமஹாவிஷம்
நிக்³ரஹீதுமஶக்யமந்யஸுராஸுரைரபி யோ(அ)ர்தி²த꞉ ।
ரக்ஷதி ஸ்ம ஜக³த்த்ரயம் ஸவிளாஸமேவ நிபீய தம்
சித்ஸபே⁴ஶமஹர்நிஶம் ஹ்ருதி³ பா⁴வயாமி க்ருபாகரம் ॥ 6 ॥
ஸர்வதே³வமயம் யமேவ ப⁴ஜந்தி வைதி³கஸத்தமா꞉
ஜ்ஞாநகர்மவிபோ³த⁴கா꞉ ஸகலாக³மா꞉ ஶ்ருதிபூர்வகா꞉ ।
ஆஹுரேவ யமீஶமாத³ரதஶ்ச தம் ஸகலேஶ்வரம்
சித்ஸபே⁴ஶமஹர்நிஶம் ஹ்ருதி³ பா⁴வயாமி க்ருபாகரம் ॥ 7 ॥
இதி ஶ்ரீ நடராஜ ஹ்ருத³யபா⁴வநா ஸப்தகம் ॥
Found a Mistake or Error? Report it Now
