|| Sri Padmavathi Stotram ||
viṣṇupatni jaganmātaḥ viṣṇuvakṣaḥsthalasthitē |
padmāsanē padmahastē padmāvati namō:’stu tē || 1 ||
vēṅkaṭēśapriyē pūjyē kṣīrābdhitanayē śubhē |
padmē ramē lōkamātaḥ padmāvati namō:’stu tē || 2 ||
kalyāṇī kamalē kāntē kalyāṇapuranāyikē |
kāruṇyakalpalatikē padmāvati namō:’stu tē || 3 ||
sahasradalapadmasthē kōṭicandranibhānanē |
padmapatraviśālākṣi padmāvati namō:’stu tē || 4 ||
sarvajñē sarvavaradē sarvamaṅgaladāyini |
sarvasammānitē dēvi padmāvati namō:’stu tē || 5 ||
sarvahr̥ddaharāvāsē sarvapāpabhayāpahē |
aṣṭaiśvaryapradē lakṣmi padmāvati namō:’stu tē || 6 ||
dēhi mē mōkṣasāmrājyaṁ dēhi tvatpādadarśanam |
aṣṭaiśvaryaṁ ca mē dēhi padmāvati namō:’stu tē || 7 ||
nakraśravaṇanakṣatrē kr̥tōdvāhamahōtsavē |
kr̥payā pāhi naḥ padmē tvadbhaktibharitān ramē || 8 ||
indirē hēmavarṇābhē tvāṁ vandē paramātmikām |
bhavasāgaramagnaṁ māṁ rakṣa rakṣa mahēśvarī || 9 ||
kalyāṇapuravāsinyai nārāyaṇyai śriyai namaḥ |
śr̥tistutipragītāyai dēvadēvyai ca maṅgalam || 10 ||
iti śrī padmāvatī stōtram |
Found a Mistake or Error? Report it Now
