ஶ்ரீ பாண்டுரங்காஷ்டகம்

|| ஶ்ரீ பாண்டுரங்காஷ்டகம் ||

மஹாயோக³பீடே² தடே பீ⁴மரத்²யா
வரம் புண்ட³ரீகாய தா³தும் முநீந்த்³ரை꞉ ।
ஸமாக³த்ய திஷ்ட²ந்தமாநந்த³கந்த³ம்
பரப்³ரஹ்மலிங்க³ம் ப⁴ஜே பாண்டு³ரங்க³ம் ॥ 1 ॥

தடித்³வாஸஸம் நீலமேகா⁴வபா⁴ஸம்
ரமாமந்தி³ரம் ஸுந்த³ரம் சித்ப்ரகாஶம் ।
வரம் த்விஷ்டகாயாம் ஸமந்யஸ்தபாத³ம்
பரப்³ரஹ்மலிங்க³ம் ப⁴ஜே பாண்டு³ரங்க³ம் ॥ 2 ॥

ப்ரமாணம் ப⁴வாப்³தே⁴ரித³ம் மாமகாநாம்
நிதம்ப³꞉ கராப்⁴யாம் த்⁴ருதோ யேந தஸ்மாத் ।
விதா⁴துர்வஸத்யை த்⁴ருதோ நாபி⁴கோஶ꞉
பரப்³ரஹ்மலிங்க³ம் ப⁴ஜே பாண்டு³ரங்க³ம் ॥ 3 ॥

ஸ்பு²ரத்கௌஸ்துபா⁴லங்க்ருதம் கண்ட²தே³ஶே
ஶ்ரியா ஜுஷ்டகேயூரகம் ஶ்ரீநிவாஸம் ।
ஶிவம் ஶாந்தமீட்³யம் வரம் லோகபாலம்
பரப்³ரஹ்மலிங்க³ம் ப⁴ஜே பாண்டு³ரங்க³ம் ॥ 4 ॥

ஶரச்சந்த்³ரபி³ம்பா³நநம் சாருஹாஸம்
லஸத்குண்ட³லாக்ராந்தக³ண்ட³ஸ்த²லாந்தம் ।
ஜபாராக³பி³ம்பா³த⁴ரம் கஞ்ஜநேத்ரம்
பரப்³ரஹ்மலிங்க³ம் ப⁴ஜே பாண்டு³ரங்க³ம் ॥ 5 ॥

கிரீடோஜ்ஜ்வலத்ஸர்வதி³க்ப்ராந்தபா⁴க³ம்
ஸுரைரர்சிதம் தி³வ்யரத்நைரநர்கை⁴꞉ ।
த்ரிப⁴ங்கா³க்ருதிம் ப³ர்ஹமால்யாவதம்ஸம்
பரப்³ரஹ்மலிங்க³ம் ப⁴ஜே பாண்டு³ரங்க³ம் ॥ 6 ॥

விபு⁴ம் வேணுநாத³ம் சரந்தம் து³ரந்தம்
ஸ்வயம் லீலயா கோ³பவேஷம் த³தா⁴நம் ।
க³வாம் ப்³ருந்த³காநந்த³த³ம் சாருஹாஸம்
பரப்³ரஹ்மலிங்க³ம் ப⁴ஜே பாண்டு³ரங்க³ம் ॥ 7 ॥

அஜம் ருக்மிணீப்ராணஸஞ்ஜீவநம் தம்
பரம் தா⁴ம கைவல்யமேகம் துரீயம் ।
ப்ரஸந்நம் ப்ரபந்நார்திஹம் தே³வதே³வம்
பரப்³ரஹ்மலிங்க³ம் ப⁴ஜே பாண்டு³ரங்க³ம் ॥ 8 ॥

ஸ்தவம் பாண்டு³ரங்க³ஸ்ய வை புண்யத³ம் யே
பட²ந்த்யேகசித்தேந ப⁴க்த்யா ச நித்யம் ।
ப⁴வாம்போ⁴நிதி⁴ம் தே விதீர்த்வாந்தகாலே [தே(அ)பி]
ஹரேராளயம் ஶாஶ்வதம் ப்ராப்நுவந்தி ॥ 9 ॥

இதி ஶ்ரீமத்பரமஹம்ஸபரிவ்ராஜகாசார்யஸ்ய ஶ்ரீகோ³விந்த³ப⁴க³வத்பூஜ்யபாத³ஶிஷ்யஸ்ய ஶ்ரீமச்ச²ங்கரப⁴க³வத꞉ க்ருதௌ ஶ்ரீ பாண்டு³ரங்கா³ஷ்டகம் ஸம்பூர்ணம் ।

Found a Mistake or Error? Report it Now