|| శ్రీ పురుషోత్తమ స్తుతిః (ప్రహ్లాద కృతం) ||
ఓం నమః పరమార్థార్థ స్థూలసూక్ష్మక్షరాక్షర |
వ్యక్తావ్యక్త కలాతీత సకలేశ నిరంజన || ౧ ||
గుణాంజన గుణాధార నిర్గుణాత్మన్ గుణస్థిర |
మూర్తామూర్త మహామూర్తే సూక్ష్మమూర్తే స్ఫుటాస్ఫుట || ౨ ||
కరాలసౌమ్యరూపాత్మన్ విద్యావిద్యాలయాచ్యుత |
సదసద్రూప సద్భావ సదసద్భావభావన || ౩ ||
నిత్యానిత్యప్రపంచాత్మన్ నిష్ప్రపంచామలాశ్రిత |
ఏకానేక నమస్తుభ్యం వాసుదేవాదికారణ || ౪ ||
యః స్థూలసూక్ష్మః ప్రకటః ప్రకాశో
యః సర్వభూతో న చ సర్వభూతః |
విశ్వం యతశ్చైతదవిశ్వహేతో-
-ర్నమోఽస్తు తస్మై పురుషోత్తమాయ || ౫ ||
ఇతి శ్రీవిష్ణుపురాణే ప్రథమాంశే వింశోఽధ్యాయే ప్రహ్లాదకృత శ్రీ పురుషోత్తమ స్తుతిః |
Found a Mistake or Error? Report it Now
