|| Sri Ramapati Ashtakam ||
jagadādimanādimajaṁ puruṣaṁ
śaradambaratulyatanuṁ vitanum |
dhr̥takañjarathāṅgagadaṁ vigadaṁ
praṇamāmi ramādhipatiṁ tamaham || 1 ||
kamalānanakañjarataṁ virataṁ
hr̥di yōgijanaiḥ kalitaṁ lalitam |
kujanaiḥ sujanairalabhaṁ sulabhaṁ
praṇamāmi ramādhipatiṁ tamaham || 2 ||
munibr̥ndahr̥disthapadaṁ supadaṁ
nikhilādhvarabhāgabhujaṁ subhujam |
hr̥tavāsavamukhyamadaṁ vimadaṁ
praṇamāmi ramādhipatiṁ tamaham || 3 ||
hr̥tadānavadr̥ptabalaṁ subalaṁ
svajanāstasamastamalaṁ vimalam |
samapāsta gajēndradaraṁ sudaraṁ
praṇamāmi ramādhipatiṁ tamaham || 4 ||
parikalpitasarvakalaṁ vikalaṁ
sakalāgamagītaguṇaṁ viguṇam |
bhavapāśanirākaraṇaṁ śaraṇaṁ
praṇamāmi ramādhipatiṁ tamaham || 5 ||
mr̥tijanmajarāśamanaṁ kamanaṁ
śaraṇāgatabhītiharaṁ daharam |
paripuṣṭamahāhr̥dayaṁ sudayaṁ
praṇamāmi ramādhipatiṁ tamaham || 6 ||
sakalāvanibimbadharaṁ svadharaṁ
paripūritasarvadiśaṁ sudr̥śam |
gataśōkamaśōkakaraṁ sukaraṁ
praṇamāmi ramādhipatiṁ tamaham || 7 ||
mathitārṇavarājarasaṁ sarasaṁ
grathitākhilalōkahr̥daṁ suhr̥dam |
prathitādbhutaśaktiguṇaṁ suguṇaṁ
praṇamāmi ramādhipatiṁ tamaham || 8 ||
sukharāśikaraṁ bhavabandhaharaṁ
paramāṣṭakamētadananyamatiḥ |
paṭhatīha tu yō:’niśamēva narō
labhatē khalu viṣṇupadaṁ sa param || 9 ||
iti śrīmatparamahaṁsa svāmi brahmānanda viracitaṁ śrī ramāpatyaṣṭakam |
Found a Mistake or Error? Report it Now
