శ్రీ రవి స్తోత్రం (సాంబపురాణే)

|| శ్రీ రవి స్తోత్రం (సాంబపురాణే) ||

త్వం దేవ ఋషికర్తా చ ప్రకృతిః పురుషః ప్రభుః |
ఛాయా సంజ్ఞా ప్రతిష్ఠాపి నిరాలంబో నిరాశ్రయః || ౧ ||

ఆశ్రయః సర్వభూతానాం నమస్తేఽస్తు సదా మమ |
త్వం దేవ సర్వతశ్చక్షుః సర్వతః సర్వదా గతిః || ౨ ||

సర్వదః సర్వదా సర్వః సర్వసేవ్యస్త్వమార్తిహా |
త్వం దేవ ధ్యానినాం ధ్యానం యోగినాం యోగ ఉత్తమః || ౩ ||

త్వం భాషాఫలదః సర్వః సద్యః పాపహరో విభుః |
సర్వార్తినాశం నో నాశీకరణం కరుణా విభుః || ౪ ||

దయాశక్తిః క్షమావాసః సఘృణిర్ఘృణిమూర్తిమాన్ |
త్వం దేవ సృష్టిసంహారస్థితిరూపః సురాధిపః || ౫ ||

బకః శోషో వృకోదాహస్తుషారో దహనాత్మకః |
ప్రణతార్తిహరో యోగీ యోగమూర్తే నమోఽస్తు తే || ౬ ||

త్వం దేవ హృదయానంద శిరోరత్నప్రభామణిః |
బోధకః పాఠకో ధ్యాయీ గ్రాహకో గ్రహణాత్మకః || ౭ ||

త్వం దేవ నియమో న్యాయీ న్యాయకో న్యాయవర్ధనః |
అనిత్యో నియతో నిత్యో న్యాయమూర్తే నమోఽస్తు తే || ౮ ||

త్వం దేవ త్రాయసే ప్రాప్తాన్ పాలయస్యర్పవస్థితాన్ |
ఊర్ద్వత్రాణార్దితాన్ లోకాన్ లోకచక్షుర్నమోఽస్తు తే || ౯ ||

దమనోఽసి త్వం దుర్దాంతః సాధ్యానాం చైవ సాధకః |
బంధుః స్వబంధుహీనానాం నమస్తే బంధురూపిణే || ౧౦ ||

ఇతి శ్రీసాంబపురాణే త్రిచత్వారింశోఽధ్యాయే రవి స్తోత్రమ్ ||

Found a Mistake or Error? Report it Now