ಶ್ರೀ ಸರಸ್ವತೀ ಷೋಡಶೋಪಚಾರ ಪೂಜಾ

|| ಶ್ರೀ ಸರಸ್ವತೀ ಷೋಡಶೋಪಚಾರ ಪೂಜಾ ||

ಪುನಃ ಸಙ್ಕಲ್ಪಮ್ –
ಪೂರ್ವೋಕ್ತ ಏವಂ ಗುಣ ವಿಶೇಷಣ ವಿಶಿಷ್ಟಾಯಾಂ ಶುಭತಿಥೌ ವಾಗ್ದೇವ್ಯಾಃ ಅನುಗ್ರಹೇಣ ಪ್ರಜ್ಞಾಮೇಧಾಭಿವೃದ್ಧ್ಯರ್ಥಂ, ಸಕಲವಿದ್ಯಾಪಾರಙ್ಗತಾ ಸಿದ್ಧ್ಯರ್ಥಂ, ಮಮ ವಿದ್ಯಾಸಮ್ಬನ್ಧಿತ ಸಕಲಪ್ರತಿಬನ್ಧಕ ನಿವೃತ್ತ್ಯರ್ಥಂ, ಶ್ರೀ ಸರಸ್ವತೀ ದೇವೀಂ ಉದ್ದಿಶ್ಯ ಶ್ರೀ ಸರಸ್ವತೀ ದೇವತಾ ಪ್ರೀತ್ಯರ್ಥಂ ಯಾವಚ್ಛಕ್ತಿ ಧ್ಯಾನಾವಾಹನಾದಿ ಷೋಡಶೋಪಚಾರ ಪೂಜಾಂ ಕರಿಷ್ಯೇ ॥

ಧ್ಯಾನಮ್ –
ಪುಸ್ತಕೇತು ಯತೋದೇವೀ ಕ್ರೀಡತೇ ಪರಮಾರ್ಥತಃ
ತತಸ್ತತ್ರ ಪ್ರಕುರ್ವೀತ ಧ್ಯಾನಮಾವಾಹನಾದಿಕಮ್ ।
ಧ್ಯಾನಮೇವಂ ಪ್ರಕುರೀತ್ವ ಸಾಧನೋ ವಿಜಿತೇನ್ದ್ರಿಯಃ
ಪ್ರಣವಾಸನಮಾರುಢಾಂ ತದರ್ಥತ್ವೇನ ನಿಶ್ಚಿತಾಮ್ ॥
ಅಙ್ಕುಶಂ ಚಾಕ್ಷ ಸೂತ್ರಂ ಚ ಪಾಶಂ ವೀಣಾಂ ಚ ಧಾರಿಣೀಮ್ ।
ಮುಕ್ತಾಹಾರಸಮಾಯುಕ್ತಂ ಮೋದರೂಪಾಂ ಮನೋಹರಮ್ ॥
ಓಂ ಸರಸ್ವತ್ಯೈ ನಮಃ ಧ್ಯಾಯಾಮಿ ।

ಆವಾಹನಮ್ –
ಅತ್ರಾಗಚ್ಛ ಜಗದ್ವನ್ದ್ಯೇ ಸರ್ವಲೋಕೈಕಪೂಜಿತೇ ।
ಮಯಾ ಕೃತಮಿಮಾಂ ಪೂಜಾಂ ಗೃಹಾಣ ಜಗದೀಶ್ವರೀ ॥
ಓಂ ಸರಸ್ವತ್ಯೈ ನಮಃ ಆವಾಹಯಾಮಿ ।

ಆಸನಮ್ –
ಅನೇಕ ರತ್ನಸಮ್ಯುಕ್ತಂ ಸುವರ್ಣೇನ ವಿರಾಜಿತಮ್ ।
ಮುಕ್ತಾಮಣಿಯುತಂ ಚಾರು ಚಾಽಸನಂ ತೇ ದದಾಮ್ಯಹಮ್ ॥
ಓಂ ಸರಸ್ವತ್ಯೈ ನಮಃ ಆಸನಂ ಸಮರ್ಪಯಾಮಿ ।

ಪಾದ್ಯಮ್ –
ಗನ್ಧಪುಷ್ಪಾಕ್ಷತೈಃ ಸಾರ್ಥಂ ಶುದ್ಧ ತೋಯೇನಸಮ್ಯುತಮ್ ।
ಶುದ್ಧಸ್ಫಟಿಕತುಲ್ಯಾಙ್ಗಿ ಪಾದ್ಯಂ ತೇ ಪ್ರತಿಗೃಹ್ಯತಾಮ್ ॥
ಓಂ ಸರಸ್ವತ್ಯೈ ನಮಃ ಪಾದಯೋಃ ಪಾದ್ಯಂ ಸಮರ್ಪಯಾಮಿ ।

ಅರ್ಘ್ಯಮ್ –
ಭಕ್ತಾಭೀಷ್ಟಪ್ರದೇ ದೇವೀ ದೇವದೇವಾದಿವನ್ದಿತೇ ।
ಧಾತೃಪ್ರಿಯೇ ಜಗದ್ಧಾತ್ರಿ ದದಾಮ್ಯರ್ಘ್ಯಂ ಗೃಹಾಣ ಮೇ ॥
ಓಂ ಸರಸ್ವತ್ಯೈ ನಮಃ ಹಸ್ತಯೋಃ ಅರ್ಘ್ಯಂ ಸಮರ್ಪಯಾಮಿ ।

ಆಚಮನೀಯಮ್ –
ಪೂರ್ಣಚನ್ದ್ರಸಮಾನಾಭೇ ಕೋಟಿಸೂರ್ಯಸಮಪ್ರಭೇ ।
ಭಕ್ತ್ಯಾ ಸಮರ್ಪಿತಂ ವಾಣೀ ಗೃಹಾಣಾಚಮನೀಯಕಮ್ ॥
ಓಂ ಸರಸ್ವತ್ಯೈ ನಮಃ ಆಚಮನೀಯಂ ಸಮರ್ಪಯಾಮಿ ।

ಮಧುಪರ್ಕಮ್ –
ಕಮಲಭುವನಜಾಯೇ ಕೋಟಿಸೂರ್ಯಪ್ರಕಾಶೇ
ವಿಶದ ಶುಚಿವಿಲಾಸೇ ಕೋಮಲೇ ಹಾರಯುಕ್ತೇ ।
ದಧಿಮಧುಘೃತಯುಕ್ತಂ ಕ್ಷೀರರಮ್ಭಾಫಲಾಢ್ಯಂ
ಸುರುಚಿರ ಮಧುಪರ್ಕಂ ಗೃಹ್ಯತಾಂ ದೇವವನ್ದ್ಯೇ ॥
ಓಂ ಸರಸ್ವತ್ಯೈ ನಮಃ ಮಧುಪರ್ಕಂ ಸಮರ್ಪಯಾಮಿ ।

ಪಞ್ಚಾಮೃತ ಸ್ನಾನಮ್ –
ದಧಿಕ್ಷೀರಘೃತೋಪೇತಂ ಶರ್ಕರಾ ಮಧುಸಮ್ಯುತಂ
ಪಞ್ಚಾಮೃತಸ್ನಾನಮಿದಂ ಸ್ವೀಕುರುಷ್ವ ಮಹೇಶ್ವರಿ ॥
ಓಂ ಸರಸ್ವತ್ಯೈ ನಮಃ ಪಞ್ಚಾಮೃತಸ್ನಾನಂ ಸಮರ್ಪಯಾಮಿ ।

ಶುದ್ಧೋದಕ ಸ್ನಾನಮ್ –
ಶುದ್ಧೋದಕೇನ ಸುಸ್ನಾನಂ ಕರ್ತವ್ಯಂ ವಿಧಿಪೂರ್ವಕಮ್ ।
ಸುವರ್ಣಕಲಶಾನೀತೈಃ ನಾನಾಗನ್ಧ ಸುವಾಸಿತೈಃ ॥
ಓಂ ಸರಸ್ವತ್ಯೈ ನಮಃ ಶುದ್ಧೋದಕಸ್ನಾನಂ ಸಮರ್ಪಯಾಮಿ ।

ವಸ್ತ್ರಯುಗ್ಮಮ್ –
ಶುಕ್ಲವಸ್ತ್ರದ್ವಯಂ ದೇವೀ ಕೋಮಲಂ ಕುಟಿಲಾಲಕೇ ।
ಮಯಿ ಪ್ರೀತ್ಯಾ ತ್ವಯಾ ವಾಣಿ ಬ್ರಹ್ಮಾಣಿ ಪ್ರತಿಗೃಹ್ಯತಾಮ್ ॥
ಓಂ ಸರಸ್ವತ್ಯೈ ನಮಃ ವಸ್ತ್ರಯುಗ್ಮಂ ಸಮರ್ಪಯಾಮಿ ।

ಯಜ್ಞೋಪವೀತಮ್ –
ಶಬ್ದಬ್ರಹ್ಮಾತ್ಮಿಕೇ ದೇವೀ ಶಬ್ದಶಾಸ್ತ್ರಕೃತಾಲಯೇ ।
ಬ್ರಹ್ಮಸೂತ್ರಂ ಗೃಹಾಣ ತ್ವಂ ಬ್ರಹ್ಮಶಕ್ರಾದಿಪೂಜಿತೇ ॥
ಓಂ ಸರಸ್ವತ್ಯೈ ನಮಃ ಯಜ್ಞೋಪವೀತಂ ಸಮರ್ಪಯಾಮಿ ।

ಆಭರಣಾನಿ –
ಕಟಕಮಕುಟಹಾರೈಃ ನೂಪುರೈಃ ಅಙ್ಗದಾಣ್ಯೈಃ
ವಿವಿಧಸುಮಣಿಯುಕ್ತೈಃ ಮೇಖಲಾ ರತ್ನಹಾರೈಃ ।
ಕಮಲದಲವಿಲಸೇ ಕಾಮದೇ ಸಙ್ಗೃಹೀಷ್ವ
ಪ್ರಕಟಿತ ಕರುಣಾರ್ದ್ರೇ ಭೂಷಿತೇಃ ಭೂಷಣಾನಿ ॥
ಓಂ ಸರಸ್ವತ್ಯೈ ನಮಃ ಆಭರಣಾನಿ ಸಮರ್ಪಯಾಮಿ ।

ಗನ್ಧಮ್ –
ಚನ್ದನಾಗರು ಕಸ್ತೂರೀ ಕರ್ಪೂರಾದ್ಯೈಶ್ಚ ಸಮ್ಯುತಮ್ ।
ಗನ್ಧಂ ಗೃಹಾಣ ತ್ವಂ ದೇವಿ ವಿಧಿಪತ್ನಿ ನಮೋಽಸ್ತು ತೇ ॥
ಓಂ ಸರಸ್ವತ್ಯೈ ನಮಃ ಗನ್ಧಂ ಸಮರ್ಪಯಾಮಿ ।

ಅಕ್ಷತಾನ್ –
ಹರಿದ್ರಾಕುಙ್ಕುಮೋಪೇತಾನ್ ಅಕ್ಷತಾನ್ ಶಾಲಿಸಮ್ಭವಾನ್ ।
ಮಯಾ ದತ್ತಾನನೇಕಾಂಶ್ಚ ಸ್ವೀಕುರುಷ್ವ ಮಹೇಶ್ವರಿ ॥
ಓಂ ಸರಸ್ವತ್ಯೈ ನಮಃ ಅಕ್ಷತಾನ್ ಸಮರ್ಪಯಾಮಿ ।

ಪುಷ್ಪಾಣಿ –
ಮನ್ದಾರಾದಿ ಸುಪುಷ್ಪೈಶ್ಚ ಮಲ್ಲಿಕಾಭಿರ್ಮನೋಹರೈಃ
ಕರವೀರೈಃ ಮನೋರಮ್ಯೈಃ ವಕುಲೈಃ ಕೇತಕೈಃ ಶುಭೈಃ ।
ಪುನ್ನಾಗೈರ್ಜಾತಿಕುಸುಮೈಃ ಮನ್ದಾರೈಶ್ಚ ಸುಶೋಭಿತೈಃ
ಕಲ್ಪಿತಾನಿ ಚ ಮಾಲ್ಯಾನಿ ಗೃಹಾಣಾಽಮರವನ್ದಿತೇ ॥
ಓಂ ಸರಸ್ವತ್ಯೈ ನಮಃ ಪುಷ್ಪೈಃ ಪೂಜಯಾಮಿ ।

ಅಥ ಅಙ್ಗಪೂಜಾ –
ಓಂ ಬ್ರಹ್ಮಣ್ಯೈ ನಮಃ – ಪಾದೌ ಪೂಜಯಾಮಿ ।
ಓಂ ಭಾರತ್ಯೈ ನಮಃ – ಗುಲ್ಫೌ ಪೂಜಯಾಮಿ ।
ಓಂ ಜಗತ್ಸ್ವರೂಪಿಣ್ಯೈ ನಮಃ – ಜಙ್ಘೌ ಪೂಜಯಾಮಿ ।
ಓಂ ಜಗದಾದ್ಯಾಯೈ ನಮಃ – ಜಾನೂನೀ ಪೂಜಯಾಮಿ ।
ಓಂ ಚಾರುವಿಲಾಸಿನ್ಯೈ ನಮಃ – ಊರೂ ಪೂಜಯಾಮಿ ।
ಓಂ ಕಮಲಭೂಮಯೇ ನಮಃ – ಕಟಿಂ ಪೂಜಯಾಮಿ ।
ಓಂ ಜನ್ಮಹೀನಾಯೈ ನಮಃ – ಜಘನಂ ಪೂಜಯಾಮಿ ।
ಓಂ ಗಮ್ಭೀರನಾಭಯೇ ನಮಃ – ನಾಭಿಂ ಪೂಜಯಾಮಿ ।
ಓಂ ಹರಿಪೂಜ್ಯಾಯೈ ನಮಃ – ಉದರಂ ಪೂಜಯಾಮಿ ।
ಓಂ ಲೋಕಮಾತ್ರೇ ನಮಃ – ಸ್ತನೌ ಪೂಜಯಾಮಿ ।
ಓಂ ವಿಶಾಲವಕ್ಷಸೇ ನಮಃ – ವಕ್ಷಸ್ಥಲಂ ಪೂಜಯಾಮಿ ।
ಓಂ ಗಾನವಿಚಕ್ಷಣಾಯೈ ನಮಃ – ಕಣ್ಠಂ ಪೂಜಯಾಮಿ ।
ಓಂ ಸ್ಕನ್ದಪ್ರಪೂಜ್ಯಾಯೈ ನಮಃ – ಸ್ಕನ್ದಾನ್ ಪೂಜಯಾಮಿ ।
ಓಂ ಘನಬಾಹವೇ ನಮಃ – ಬಾಹೂನ್ ಪೂಜಯಾಮಿ ।
ಓಂ ಪುಸ್ತಕಧಾರಿಣ್ಯೈ ನಮಃ – ಹಸ್ತಾನ್ ಪೂಜಯಾಮಿ ।
ಓಂ ಶ್ರೋತ್ರಿಯಬನ್ಧವೇ ನಮಃ – ಶ್ರೋತ್ರೇ ಪೂಜಯಾಮಿ ।
ಓಂ ವೇದಸ್ವರೂಪಾಯೈ ನಮಃ – ವಕ್ತ್ರಂ ಪೂಜಯಾಮಿ ।
ಓಂ ಸುನಾಸಿನ್ಯೈ ನಮಃ – ನಾಸಿಕಾಂ ಪೂಜಯಾಮಿ ।
ಓಂ ಬಿಮ್ಬಸಮಾನೋಷ್ಠ್ಯೈ ನಮಃ – ಓಷ್ಠೌ ಪೂಜಯಾಮಿ ।
ಓಂ ಕಮಲಚಕ್ಷುಷೇ ನಮಃ – ನೇತ್ರೇ ಪೂಜಯಾಮಿ ।
ಓಂ ತಿಲಕಧಾರಿಣ್ಯೈ ನಮಃ – ಫಾಲಂ ಪೂಜಯಾಮಿ ।
ಓಂ ಚನ್ದ್ರಮೂರ್ತಯೇ ನಮಃ – ಚಿಕುರಂ ಪೂಜಯಾಮಿ ।
ಓಂ ಸರ್ವಪ್ರದಾಯೈ ನಮಃ – ಮುಖಂ ಪೂಜಯಾಮಿ ।
ಓಂ ಶ್ರೀ ಸರಸ್ವತ್ಯೈ ನಮಃ – ಶಿರಃ ಪೂಜಯಾಮಿ ।
ಓಂ ಬ್ರಹ್ಮರೂಪಿಣ್ಯೈ ನಮಃ – ಸರ್ವಾಣ್ಯಾಙ್ಗಾನಿ ಪೂಜಯಾಮಿ ।

ಅಷ್ಟೋತ್ತರಶತನಾಮ ಪೂಜಾ –

ಶ್ರೀ ಸರಸ್ವತೀ ಅಷ್ಟೋತ್ತರಶತನಾಮಾವಲೀ ಪಶ್ಯತು ॥

ಓಂ ಸರಸ್ವತ್ಯೈ ನಮಃ ನಾನಾವಿಧ ಪರಿಮಲ ಪುಷ್ಪಾಣಿ ಸಮರ್ಪಯಾಮಿ ।

ಧೂಪಮ್ –
ದಶಾಙ್ಗಂ ಗುಗ್ಗುಲೋಪೇತಂ ಸುಗನ್ಧಂ ಚ ಮನೋಹರಮ್ ।
ಧೂಪಂ ಗೃಹಾಣ ಕಲ್ಯಾಣಿ ವರದೇ ಪ್ರತಿಗೃಹ್ಯತಾಮ್ ॥
ಓಂ ಸರಸ್ವತ್ಯೈ ನಮಃ ಧೂಪಮಾಘ್ರಾಪಯಾಮಿ ।

ದೀಪಮ್ –
ಘೃತತ್ರಿವರ್ತಿಸಮ್ಯುಕ್ತಂ ದೀಪಿತಂ ದೀಪಮಮ್ಬಿಕೇ ।
ಗೃಹಾಣ ಚಿತ್ಸ್ವರೂಪೇ ತ್ವಂ ಕಮಲಾಸನವಲ್ಲಭೇ ॥
ಓಂ ಸರಸ್ವತ್ಯೈ ನಮಃ ದೀಪಂ ದರ್ಶಯಾಮಿ ।
ಧೂಪದೀಪಾನನ್ತರಂ ಶುದ್ಧ ಆಚಮನೀಯಂ ಸಮರ್ಪಯಾಮಿ ।

ನೈವೇದ್ಯಮ್ –
ಅಪೂಪಾನ್ ವಿವಿಧಾನ್ ಸ್ವಾದೂನ್ ಶಾಲಿಪಿಷ್ಟೋಪಪಾಚಿತಾನ್
ಮೃದುಲಾನ್ ಗುಡಸಮ್ಮಿಶ್ರಾನ್ ಸಜ್ಜೀರಕ ಮರೀಚಿಕಾನ್ ।
ಕದಲೀ ಪನಸಾಽಮ್ರಾಣಿ ಚ ಪಕ್ವಾನಿ ಸುಫಲಾನಿ ಚ
ಕನ್ದಮೂಲ ವ್ಯಞ್ಜನಾನಿ ಸೋಪದಂಶಂ ಮನೋಹರಮ್ ।
ಅನ್ನಂ ಚತುರ್ವಿಧೋಪೇತಂ ಕ್ಷೀರಾನ್ನಂ ಚ ಘೃತಂ ದಧಿ ।
ಭಕ್ಷಭೋಜ್ಯಸಮಾಯುಕ್ತ ನೈವೇದ್ಯಂ ಪ್ರತಿಗೃಹ್ಯತಾಮ್ ॥
ಓಂ ಸರಸ್ವತ್ಯೈ ನಮಃ ನೈವೇದ್ಯಂ ಸಮರ್ಪಯಾಮಿ ।

ಓಂ ಭೂರ್ಭುವ॒ಸ್ಸುವ॑: । ತತ್ಸ॑ವಿ॒ತುರ್ವರೇ᳚ಣ್ಯಂ॒ ಭರ್ಗೋ॑ ದೇ॒ವಸ್ಯ॑ ಧೀಮಹಿ ।
ಧಿಯೋ॒ ಯೋ ನ॑: ಪ್ರಚೋ॒ದಯಾ᳚ತ್ ॥

ಸತ್ಯಂ ತ್ವಾ ಋತೇನ ಪರಿಷಿಞ್ಚಾಮಿ ।
(ಸಾಯಙ್ಕಾಲೇ – ಋತಂ ತ್ವಾ ಸತ್ಯೇನ ಪರಿಷಿಞ್ಚಾಮಿ)
ಅಮೃತಮಸ್ತು । ಅ॒ಮೃ॒ತೋ॒ಪ॒ಸ್ತರ॑ಣಮಸಿ ।
ಓಂ ಪ್ರಾ॒ಣಾಯ॒ ಸ್ವಾಹಾ᳚ । ಓಂ ಅ॒ಪಾ॒ನಾಯ॒ ಸ್ವಾಹಾ᳚ ।
ಓಂ ವ್ಯಾ॒ನಾಯ॒ ಸ್ವಾಹಾ᳚ । ಓಂ ಉ॒ದಾ॒ನಾಯ॒ ಸ್ವಾಹಾ᳚ ।
ಓಂ ಸ॒ಮಾ॒ನಾಯ॒ ಸ್ವಾಹಾ᳚ ।
ಮಧ್ಯೇ ಮಧ್ಯೇ ಪಾನೀಯಂ ಸಮರ್ಪಯಾಮಿ ।
ಅ॒ಮೃ॒ತಾ॒ಪಿ॒ಧಾ॒ನಮ॑ಸಿ । ಉತ್ತರಾಪೋಶನಂ ಸಮರ್ಪಯಾಮಿ ।
ಹಸ್ತೌ ಪ್ರಕ್ಷಾಲಯಾಮಿ । ಪಾದೌ ಪ್ರಕ್ಷಾಲಯಾಮಿ ।
ಶುದ್ಧಾಚಮನೀಯಂ ಸಮರ್ಪಯಾಮಿ ।
ಓಂ ಸರಸ್ವತ್ಯೈ ನಮಃ ನೈವೇದ್ಯಂ ಸಮರ್ಪಯಾಮಿ ।

ತಾಮ್ಬೂಲಮ್ –
ತಾಮ್ಬೂಲಂ ಚ ಸಕರ್ಪೂರಂ ಪೂಗನಾಗದಲೈರ್ಯುತಮ್ ।
ಗೃಹಾಣ ದೇವದೇವೇಶಿ ತತ್ತ್ವರೂಪೀ ನಮೋಽಸ್ತು ತೇ ॥
ಓಂ ಸರಸ್ವತ್ಯೈ ನಮಃ ತಾಮ್ಬೂಲಂ ಸಮರ್ಪಯಾಮಿ ।

ನೀರಾಜನಮ್ –
ನೀರಾಜನಂ ಗೃಹಾಣ ತ್ವಂ ಜಗದಾನನ್ದದಾಯಿನಿ ।
ಜಗತ್ತಿಮಿರಮಾರ್ತಾಣ್ಡಮಣ್ಡಲೇ ತೇ ನಮೋ ನಮಃ ॥
ಓಂ ಸರಸ್ವತ್ಯೈ ನಮಃ ನೀರಾಜನಂ ಸಮರ್ಪಯಾಮಿ ।

ಮನ್ತ್ರಪುಷ್ಪಮ್ –
(ಋಗ್ವೇದಂ ೬।೬೧।೪)
ಪ್ರ ಣೋ॑ ದೇ॒ವೀ ಸರ॑ಸ್ವತೀ॒ ವಾಜೇ॑ಭಿರ್ವಾ॒ಜಿನೀ॑ವತೀ ।
ಧೀ॒ನಾಮ॑ವಿ॒ತ್ರ್ಯ॑ವತು ॥
ಯಸ್ತ್ವಾ॑ ದೇವಿ ಸರಸ್ವತ್ಯುಪಬ್ರೂ॒ತೇ ಧನೇ॑ ಹಿ॒ತೇ ।
ಇನ್ದ್ರಂ॒ ನ ವೃ॑ತ್ರ॒ತೂರ್ಯೇ॑ ॥
ತ್ವಂ ದೇ॑ವಿ ಸರಸ್ವ॒ತ್ಯವಾ॒ ವಾಜೇ॑ಷು ವಾಜಿನಿ ।
ರದಾ॑ ಪೂ॒ಷೇವ॑ ನಃ ಸ॒ನಿಮ್ ॥
ಉ॒ತ ಸ್ಯಾ ನ॒: ಸರ॑ಸ್ವತೀ ಘೋ॒ರಾ ಹಿರ॑ಣ್ಯವರ್ತನಿಃ ।
ವೃ॒ತ್ರ॒ಘ್ನೀ ವ॑ಷ್ಟಿ ಸುಷ್ಟು॒ತಿಮ್ ॥

ಯಾ ಕುನ್ದೇನ್ದು ತುಷಾರಹಾರಧವಲಾ ಯಾ ಶುಭ್ರವಸ್ತ್ರಾವೃತಾ
ಯಾ ವೀಣಾವರದಣ್ಡಮಣ್ಡಿತಕರಾ ಯಾ ಶ್ವೇತಪದ್ಮಾಸನಾ ।
ಯಾ ಬ್ರಹ್ಮಾಚ್ಯುತಶಙ್ಕರಪ್ರಭೃತಿಭಿರ್ದೇವೈಸ್ಸದಾ ಪೂಜಿತಾ
ಸಾ ಮಾಂ ಪಾತು ಸರಸ್ವತೀ ಭಗವತೀ ನಿಶ್ಶೇಷಜಾಡ್ಯಾಪಹಾ ॥

ಶಾರದೇ ಲೋಕಮಾತಸ್ತ್ವಮಾಶ್ರಿತಾಭೀಷ್ಟದಾಯಿನಿ ।
ಪುಷ್ಪಾಞ್ಜಲಿಂ ಗೃಹಾಣ ತ್ವಂ ಮಯಾ ಭಕ್ತ್ಯಾ ಸಮರ್ಪಿತಮ್ ॥

ಓಂ ಸರಸ್ವತ್ಯೈ ನಮಃ ಸುವರ್ಣದಿವ್ಯ ಮನ್ತ್ರಪುಷ್ಪಂ ಸಮರ್ಪಯಾಮಿ ।

ಪ್ರದಕ್ಷಿಣ –
ಪಾಶಾಙ್ಕುಶಧರಾ ವಾಣೀ ವೀಣಾಪುಸ್ತಕಧಾರಿಣೀ
ಮಮ ವಕ್ತ್ರೇ ವಸೇನ್ನಿತ್ಯಂ ದುಗ್ಧಕುನ್ದೇನ್ದುನಿರ್ಮಲಾ ।
ಚತುರ್ದಶ ಸುವಿದ್ಯಾಸು ರಮತೇ ಯಾ ಸರಸ್ವತೀ
ಚತುರ್ದಶೇಷು ಲೋಕೇಷು ಸಾ ಮೇ ವಾಚಿ ವಸೇಚ್ಚಿರಮ್ ॥
ಪಾಹಿ ಪಾಹಿ ಜಗದ್ವನ್ದ್ಯೇ ನಮಸ್ತೇ ಭಕ್ತವತ್ಸಲೇ
ನಮಸ್ತುಭ್ಯಂ ನಮಸ್ತುಭ್ಯಂ ನಮಸ್ತುಭ್ಯಂ ನಮೋ ನಮಃ ॥
ಓಂ ಸರಸ್ವತ್ಯೈ ನಮಃ ಪ್ರದಕ್ಷಿಣ ನಮಸ್ಕಾರಾನ್ ಸಮರ್ಪಯಾಮಿ ।

ಕ್ಷಮಾಪ್ರಾರ್ಥನಾ –
ಯಸ್ಯ ಸ್ಮೃತ್ಯಾ ಚ ನಾಮೋಕ್ತ್ಯಾ ತಪಃ ಪೂಜಾಕ್ರಿಯಾದಿಷು ।
ನ್ಯೂನಂ ಸಮ್ಪೂರ್ಣತಾಂ ಯಾತಿ ಸದ್ಯೋವನ್ದೇ ತಮಚ್ಯುತಮ್ ॥
ಅಪರಾಧ ಸಹಸ್ರಾಣಿ ಕ್ರಿಯನ್ತೇಽಹರ್ನಿಶಂ ಮಯಾ ।
ದಾಸೋಽಯಮಿತಿ ಮಾಂ ಮತ್ವಾ ಕ್ಷಮಸ್ವ ಪರಮೇಶ್ವರೀ ॥
ಮನ್ತ್ರಹೀನಂ ಕ್ರಿಯಾಹೀನಂ ಭಕ್ತಿಹೀನಂ ಮಹೇಶ್ವರಿ ।
ಯತ್ಪೂಜಿತಂ ಮಯಾ ದೇವೀ ಪರಿಪೂರ್ಣಂ ತದಸ್ತುತೇ ॥

ಸಮರ್ಪಣಮ್ –
ಅನಯಾ ಧ್ಯಾನಾವಾಹನಾದಿ ಷೋಡಶೋಪಚಾರ ಪೂಜಯಾ ಭಗವತೀ ಸರ್ವಾತ್ಮಿಕಾ ಶ್ರೀ ಸರಸ್ವತೀ ದೇವತಾ ಸುಪ್ರೀತಾ ಸುಪ್ರಸನ್ನಾ ವರದಾ ಭವತು । ಮಮ ಇಷ್ಟಕಾಮ್ಯಾರ್ಥ ಸಿದ್ಧಿರಸ್ತುಃ ॥

ತೀರ್ಥಪ್ರಸಾದ ಗ್ರಹಣಮ್ –
ಅಕಾಲಮೃತ್ಯಹರಣಂ ಸರ್ವವ್ಯಾಧಿನಿವಾರಣಮ್ ।
ಸಮಸ್ತಪಾಪಕ್ಷಯಕರಂ ಶ್ರೀ ಸರಸ್ವತೀ ದೇವೀ ಪಾದೋದಕಂ ಪಾವನಂ ಶುಭಮ್ ॥
ಓಂ ಶ್ರೀ ಸರಸ್ವತೀ ದೇವ್ಯೈ ನಮಃ ಪ್ರಸಾದಂ ಶೀರಸಾ ಗೃಹ್ಣಾಮಿ ।

ಓಂ ಶಾನ್ತಿಃ ಶಾನ್ತಿಃ ಶಾನ್ತಿಃ ॥

Found a Mistake or Error? Report it Now