|| ஶ்ரீ ஶர்வ ஸ்துதி꞉ (க்ருஷ்ணார்ஜுந க்ருதம்) ||
க்ருஷ்ணார்ஜுநாவூசது꞉ ।
நமோ ப⁴வாய ஶர்வாய ருத்³ராய வரதா³ய ச ।
பஶூநாம் பதயே நித்யமுக்³ராய ச கபர்தி³நே ।
மஹாதே³வாய பீ⁴மாய த்ர்யம்ப³காய ச ஶாந்தயே ॥ 1 ॥
ஈஶாநாய ப⁴க³க்⁴நாய நமோ(அ)ஸ்த்வந்த⁴ககா⁴திநே ।
குமாரகு³ரவே துப்⁴யம் நீலக்³ரீவாய வேத⁴ஸே ॥ 2 ॥
பிநாகிநே ஹவிஷ்யாய ஸத்யாய விப⁴வே ஸதா³ ।
விளோஹிதாய தூ⁴ம்ராய வ்யாதா⁴ய நபராஜிதே ॥ 3 ॥
நித்யம் நீலஶிக²ண்டா³ய ஶூலிநே தி³வ்யசக்ஷுஷே ।
ஹோத்ரே போத்ரே த்ரிநேத்ராய வ்யாத⁴யே வஸுரேதஸே ॥ 4 ॥
அசிந்த்யாயாம்பி³காப⁴ர்த்ரே ஸர்வதே³வஸ்துதாய ச ।
வ்ருஷத்⁴வஜாய முண்டா³ய ஜடிநே ப்³ரஹ்மசாரிணே ॥ 5 ॥
தப்யமாநாய ஸலிலே ப்³ரஹ்மண்யாயாஜிதாய ச ।
விஶ்வாத்மநே விஶ்வஸ்ருஜே விஶ்வமாவ்ருத்ய திஷ்ட²தே ॥ 6 ॥
நமோ நமஸ்தே ஸேவ்யாய பூ⁴தாநாம் ப்ரப⁴வே ஸதா³ ।
ப்³ரஹ்மவக்த்ராய ஸர்வாய ஶங்கராய ஶிவாய ச ॥ 7 ॥
நமோ(அ)ஸ்து வாசஸ்பதயே ப்ரஜாநாம் பதயே நம꞉ ।
நமோ விஶ்வஸ்ய பதயே மஹதாம் பதயே நம꞉ ॥ 8 ॥
நம꞉ ஸஹஸ்ரஶிரஸே ஸஹஸ்ரபு⁴ஜமந்யவே ।
ஸஹஸ்ரநேத்ரபாதா³ய நமோ(அ)ஸங்க்²யேயகர்மணே ॥ 9 ॥
நமோ ஹிரண்யவர்ணாய ஹிரண்யகவசாய ச ।
ப⁴க்தாநுகம்பிநே நித்யம் ஸித்³த்⁴யதாம் நோ வர꞉ ப்ரபோ⁴ ॥ 10 ॥
இதி ஶ்ரீமந்மஹாபா⁴ரதே த்³ரோணபர்வணி அர்ஜுநஸ்வப்நத³ர்ஶநே அஶீதிதமோ(அ)த்⁴யாயே ஶர்வ ஸ்துதி꞉ ॥
Found a Mistake or Error? Report it Now
