|| श्री शास्तृ स्तोत्रम् ||
शास्ता दुष्टजनानां
पाता पादाब्जनम्रलोकनाम् ।
कर्ता समस्तजगता-
-मास्तां मद्धृदयपङ्कजे नित्यम् ॥ १ ॥
गणपो न हरेस्तुष्टिं
प्रद्युम्नो नैव दास्यति हरस्य ।
त्वं तूभयोश्च तुष्टिं
ददासि तत्ते गरीयस्त्वम् ॥ २ ॥
इति शृङ्गेरि श्रीजगद्गुरु श्रीसच्चिदानन्द शिवाभिनवनृसिंहभारती स्वामिभिः विरचितं श्री शास्तृ स्तोत्रम् ।
Found a Mistake or Error? Report it Now
