|| ஶ்ரீ ஶ்யாமளா அஷ்டோத்தரஶதநாம ஸ்தோத்ரம் – 2 ||
அஸ்ய ஶ்ரீஶ்யாமளாஷ்டோத்தரஶதநாமஸ்தோத்ர மஹாமந்த்ரஸ்ய, மஹாபை⁴ரவ ருஷி꞉, அநுஷ்டுப் ச²ந்த³꞉, ஶ்ரீமாதங்கீ³ஶ்வரீ தே³வதா, ஆதி³ஶக்திரிதி பீ³ஜம், ஸர்வகாமப்ரதே³தி ஶக்தி꞉, பரஞ்ஜ்யோதி꞉ ஸ்வரூபிணீதி கீலகம், ஶ்யாமளாஷ்டோத்தரஶதநாம ஜபே விநியோக³꞉ ।
நமஸ்தே(அ)ஸ்து ஜக³த்³தா⁴த்ரி மாதங்கீ³ஶ்வரி தே நம꞉ ।
ஶ்யாமளே ஜக³தீ³ஶாநே நமஸ்தே பரமேஶ்வரீ ॥ 1 ॥
நமஸ்தே(அ)ஸ்து மஹாக்ருஷ்ணே ஸர்வபூ⁴ஷணஸம்யுதே ।
மஹாதே³வி மஹேஶாநி மஹாதே³வப்ரியே நம꞉ ॥ 2 ॥
ஆதி³ஶக்திர்மஹாஶக்தி꞉ பராஶக்தி꞉ பராத்பரே ।
ப்³ரஹ்மஶக்தே விஷ்ணுஶக்தே ஶிவஶக்தே நமோ நம꞉ ॥ 3 ॥
நமோ(அ)ம்ருதேஶ்வரீ தே³வி நம꞉ பரஶிவப்ரியே ।
ப்³ரஹ்மரூபே விஷ்ணுரூபே ஶிவரூபே நமோ(அ)ஸ்து தே ॥ 4 ॥
ஸர்வகாமப்ரதே³ துப்⁴யம் ஸர்வஸித்³தி⁴ப்ரதே³ நம꞉ ।
ஸர்வஸம்பத்ப்ரதே³ ந்ரூணாம் ஸர்வராஜஸுஶங்கரி ॥ 5 ॥
ஸ்த்ரீவஶங்கரி வந்தே³ த்வாம் நமோ நரவஶங்கரி ।
தே³வமோஹிநி ஸேவே த்வாம் ஸர்வஸத்த்வவஶங்கரி ॥ 6 ॥
நம꞉ ஶாங்கரி வாக்³தே³வி ஸர்வலோகவஶங்கரீ ।
ஸர்வாபீ⁴ஷ்டப்ரதே³ நித்யே நமோ மாதங்க³கந்யகே ॥ 7 ॥
நமோ நீலோத்பலப்ரக்²யே நமோ மரகதப்ரபே⁴ ।
நீலமேக⁴ப்ரதீகாஶே இந்த்³ரநீலஸமப்ரபே⁴ ॥ 8 ॥
நமஶ்சண்ட்³யாதி³தே³வேஶி தி³வ்யநாரீவஶங்கரீ ।
நமஸ்தே மாத்ருஸம்ஸ்துத்யே ஜயே தே விஜயே நம꞉ ॥ 9 ॥
பூ⁴ஷிதாங்கி³ மஹாஶ்யாமே மஹாராமே மஹாப்ரபே⁴ ।
மஹாவிஷ்ணுப்ரியகரீ ஸதா³ஶிவமஹாப்ரியே ॥ 10 ॥
ருத்³ராணீ ஸர்வபாபக்⁴நீ காமேஶ்வரி நமோ(அ)ஸ்து தே ।
ஶுகஶ்யாமே லகு⁴ஶ்யாமே ராஜவஶ்யகரீ நம꞉ ॥ 11 ॥
வீணாஹஸ்தே நமஸ்துப்⁴யம் நமோ கீ³தரதே ஸதா³ ।
ஸர்வவித்³யாப்ரதே³ துப்⁴யம் நம꞉ ஶக்த்யாதி³பூஜிதே ॥ 12 ॥
ப⁴ஜே(அ)ஹம் வேத³கீ³தே த்வாம் தே³வகீ³தே நமோ நம꞉ ।
ஶங்க²குண்ட³லஸம்யுக்தே பி³ம்போ³ஷ்டீ² த்வாம் ப⁴ஜாம்யஹம் ॥ 13 ॥
ரக்தவஸ்த்ரபரீதா⁴நே க்³ருஹீதமது⁴பாத்ரகே ।
மது⁴ப்ரியே நமஸ்துப்⁴யம் மது⁴மாம்ஸப³லிப்ரியே ॥ 14 ॥
ரக்தாக்ஷீ கா⁴ர்ணமாநாக்ஷீ ஸ்மிதேந்து³முகி² ஸம்ஸ்துதே ।
கஸ்தூரீதிலகோபேதே சந்த்³ரஶீர்ஷே ஜக³ந்மயே ॥ 15 ॥
நமஸ்துப்⁴யம் மஹாலக்ஷ்மி கத³ம்ப³வநஸம்ஸ்தி²தே ।
மஹாவித்³யே நமஸ்துப்⁴யம் ஸ்தநபா⁴ரவிராஜிதே ॥ 16 ॥
ஹரஹர்யாதி³ஸம்ஸ்துத்யே ஸ்மிதாஸ்யே த்வாம் ப⁴ஜாம்யஹம் ।
நம꞉ கல்யாணதே³ பும்ஸாம் கல்யாணி கமலாலயே ॥ 17 ॥
மஹாதா³ரித்³ர்யஸம்ஹர்த்ரீ மஹாபாதகதா³ஹிநீ ।
மஹாஜ்ஞாநப்ரதே³ ந்ரூணாம் மஹாஸௌந்த³ர்யதே³ நம꞉ ॥ 18 ॥
மஹாமுக்திப்ரதே³ வாணி பரஞ்ஜ்யோதி꞉ ஸ்வரூபிணி ।
சிதா³நந்தா³த்மிகே துப்⁴யம் நமோ(அ)லக்ஷ்மீவிநாஶிநி ॥ 19 ॥
ப⁴க்தா(அ)ப⁴யப்ரதே³ நித்யமாபந்நாஶிநி தே நம꞉ ।
நமஸ்தே(அ)ஸ்து ஸஹஸ்ராக்ஷி ஸஹஸ்ரபு⁴ஜதா⁴ரிணீ ॥ 20 ॥
மஹ்யா꞉ ஶுப⁴ப்ரதே³ துப்⁴யம் ப⁴க்தாநாம் மங்க³ளப்ரதே³ ।
நமோ(அ)ஸ்த்வஶுப⁴ஸம்ஹர்த்ரீ ப⁴க்தாஷ்டைஶ்வர்யதே³ நம꞉ ॥ 21 ॥
நமோ தே³வ்யை நமஸ்துப்⁴யம் நமஸ்தே முக²ரஞ்ஜிநீ ।
ஜக³ந்மாதர்நமஸ்துப்⁴யம் நமஸ்தே ஸர்வநாயிகே ॥ 22 ॥
நம꞉ பராபரகலே பரமாத்மப்ரியே நம꞉ ।
நமஸ்தே ராஜமாதங்கீ³ நமஸ்துப்⁴யம் நமோ(அ)ஸ்து தே ॥ 23 ॥
ப²லஶ்ருதி꞉ –
நாம்நாமஷ்டோத்தரம் புண்யம் ஶ்யாமளாயா இதீரிதம் ।
ப்ரஜபேத்³யோ நரோ ப⁴க்த்யா ஸர்வபாபைர்விமுச்யதே ॥ 24 ॥
வ்யாசஷ்டே ஸர்வஶாஸ்த்ராணி மஹாவாகீ³ஶ்வரோ ப⁴வேத் ।
ஸக்ருச்ச்²ரவணமாத்ரேண கு³ஹ்யாத்³த்³வே ச சதுஷ்டயம் ॥ 25 ॥
ஸர்வலோகாந் வஶீகுர்யாத் காந்த்யா விஷ்ணுஸமோ ப⁴வேத் ।
லப⁴தே மஹதீம் லக்ஷ்மீம் தை³வதைரதிது³ர்லபா⁴ம் ॥ 26 ॥
அணிமாதி³கு³ணைஶ்வர்யம் ஸ லபே⁴ச்சீ²க்⁴ரமேவ ஹி ।
ஜாதிஸ்ம்ருதிர்ப⁴வேச்சீ²க்⁴ரம் ஸர்வவித்³யாநிதி⁴ர்ப⁴வேத் ॥ 27 ॥
ப்ராப்நோதி பரமம் ஜ்ஞாநம் ஸர்வதா³ ஸுக²மஶ்நுதே ।
ஸர்வத்ர ஸ ப⁴வேத்பூஜ்ய꞉ ஸர்வத்ர விஜயீ ப⁴வேத் ॥ 28 ॥
பூ⁴தப்ரேதபிஶாசாதி³ ப⁴யம் தஸ்ய ந ஜாயதே ।
மஹதீம் கீர்திமாப்நோதி லபே⁴த்³யோக³மநுத்தமம் ॥ 29 ॥
க⁴டிகாபாது³காத்³யஷ்டஸித்³தி⁴நாதோ² ப⁴வேத³யம் ।
மங்க³ளாநி ப⁴வேந்நித்யம் ஸ மஹாபண்டி³தோ ப⁴வேத் ॥ 30 ॥
லப⁴தே மஹதா³யுஷ்யம் லோகஸம்மோஹநோ ப⁴வேத் ।
லபே⁴த³ந்தே மஹாதே³வரூபம் நாத்ர விசாரணா ॥ 31 ॥
இதி ஶ்ரீ ஶ்யாமளாஷ்டோத்தரஶதநாம ஸ்தோத்ரம் ॥
Found a Mistake or Error? Report it Now
