|| Sri Sudarshana Chakra Stotram ||
hariruvāca |
namaḥ sudarśanāyaiva sahasrādityavarcasē |
jvālāmālāpradīptāya sahasrārāya cakṣuṣē || 1 ||
sarvaduṣṭavināśāya sarvapātakamardinē |
sucakrāya vicakrāya sarvamantravibhēdinē || 2 ||
prasavitrē jagaddhātrē jagadvidhvaṁsinē namaḥ |
pālanārthāya lōkānāṁ duṣṭāsuravināśinē || 3 ||
ugrāya caiva saumyāya caṇḍāya ca namō namaḥ |
namaścakṣuḥsvarūpāya saṁsārabhayabhēdinē || 4 ||
māyāpañjarabhētrē ca śivāya ca namō namaḥ |
grahātigraharūpāya grahāṇāṁ patayē namaḥ || 5 ||
kālāya mr̥tyavē caiva bhīmāya ca namō namaḥ |
bhaktānugrahadātrē ca bhaktagōptrē namō namaḥ || 6 ||
viṣṇurūpāya śāntāya cāyudhānāṁ dharāya ca |
viṣṇuśastrāya cakrāya namō bhūyō namō namaḥ || 7 ||
iti stōtraṁ mahāpuṇyaṁ cakrasya tava kīrtitam |
yaḥ paṭhētparayā bhaktyā viṣṇulōkaṁ sa gacchati || 8 ||
cakrapūjāvidhiṁ yaśca paṭhēdrudra jitēndriyaḥ |
sa pāpaṁ bhasmasātkr̥tvā viṣṇulōkāya kalpatē || 9 ||
iti śrīgāruḍē mahāpurāṇē ācārakāṇḍē trayastriṁśō:’dhyāyē hariprōkta śrī sudarśana cakra stōtram |
Found a Mistake or Error? Report it Now
