|| ஶ்ரீ ஸூர்ய ஸ்தவராஜ ஸ்தோத்ரம் ||
ப்³ரஹ்மோவாச ।
ஸ்தவநம் ஸாமவேதோ³க்தம் ஸூர்யஸ்ய வ்யாதி⁴மோசநம் ।
ஸர்வபாபஹரம் ஸாரம் த⁴நாரோக்³யகரம் பரம் ॥ 1 ॥
தம் ப்³ரஹ்ம பரமம் தா⁴ம ஜ்யோதீரூபம் ஸநாதநம் ।
த்வாமஹம் ஸ்தோதுமிச்சா²மி ப⁴க்தாநுக்³ரஹகாரகம் ॥ 2 ॥
த்ரைலோக்யலோசநம் லோகநாத²ம் பாபவிமோசநம் ।
தபஸாம் ப²லதா³தாரம் து³꞉க²த³ம் பாபிநாம் ஸதா³ ॥ 3 ॥
கர்மாநுரூபப²லத³ம் கர்மபீ³ஜம் த³யாநிதி⁴ம் ।
கர்மரூபம் க்ரியாரூபமரூபம் கர்மபீ³ஜகம் ॥ 4 ॥
ப்³ரஹ்மவிஷ்ணுமஹேஶாநாமம்ஶம் ச த்ரிகு³ணாத்மகம் ।
வ்யாதி⁴த³ம் வ்யாதி⁴ஹந்தாரம் ஶோகமோஹப⁴யாபஹம் ।
ஸுக²த³ம் மோக்ஷத³ம் ஸாரம் ப⁴க்தித³ம் ஸர்வகாமத³ம் ॥ 5 ॥
ஸர்வேஶ்வரம் ஸர்வரூபம் ஸாக்ஷிணம் ஸர்வகர்மணாம் ।
ப்ரத்யக்ஷம் ஸர்வலோகாநாமப்ரத்யக்ஷம் மநோஹரம் ॥ 6 ॥
ஶஶ்வத்³ரஸஹரம் பஶ்சாத்³ரஸத³ம் ஸர்வஸித்³தி⁴த³ம் ।
ஸித்³தி⁴ஸ்வரூபம் ஸித்³தே⁴ஶம் ஸித்³தா⁴நாம் பரமம் கு³ரும் ॥ 7 ॥
ஸ்தவராஜமித³ம் ப்ரோக்தம் கு³ஹ்யாத்³கு³ஹ்யதரம் பரம் ।
த்ரிஸந்த்⁴யம் ய꞉ படே²ந்நித்யம் வ்யாதி⁴ப்⁴ய꞉ ஸ ப்ரமுச்யதே ॥ 8 ॥
ஆந்த்⁴யம் குஷ்ட²ம் ச தா³ரித்³ர்யம் ரோக³꞉ ஶோகோ ப⁴யம் கலி꞉ ।
தஸ்ய நஶ்யதி விஶ்வேஶ ஶ்ரீஸூர்யக்ருபயா த்⁴ருவம் ॥ 9 ॥
மஹாகுஷ்டீ² ச க³ளிதோ சக்ஷுர்ஹீநோ மஹாவ்ரணீ ।
யக்ஷ்மக்³ரஸ்தோ மஹாஶூலீ நாநாவ்யாதி⁴யுதோ(அ)பி வா ॥ 10 ॥
மாஸம் க்ருத்வா ஹவிஷ்யாந்நம் ஶ்ருத்வா(அ)தோ முச்யதே த்⁴ருவம் ।
ஸ்நாநம் ச ஸர்வதீர்தா²நாம் லப⁴தே நாத்ர ஸம்ஶய꞉ ॥ 11 ॥
இதி ஶ்ரீப்³ரஹ்மவைவர்தே மஹாபுராணே க³ணபதிக²ண்டே³ ஏகோநவிம்ஶோ(அ)த்⁴யாயே ப்³ரஹ்மக்ருத ஶ்ரீ ஸூர்ய ஸ்தவராஜம் ।
Found a Mistake or Error? Report it Now
