|| Sri Tulasi Ashtottara Shatanama Stotram ||
tulasī pāvanī pūjyā br̥ndāvananivāsinī |
jñānadātrī jñānamayī nirmalā sarvapūjitā || 1 ||
satī pativratā br̥ndā kṣīrābdhimathanōdbhavā |
kr̥ṣṇavarṇā rōgahantrī trivarṇā sarvakāmadā || 2 ||
lakṣmīsakhī nityaśuddhā sudatī bhūmipāvanī |
haridrānnaikaniratā haripādakr̥tālayā || 3 ||
pavitrarūpiṇī dhanyā sugandhinyamr̥tōdbhavā |
surūpārōgyadā tuṣṭā śaktitritayarūpiṇī || 4 ||
dēvī dēvarṣisaṁstutyā kāntā viṣṇumanaḥpriyā |
bhūtavētālabhītighnī mahāpātakanāśinī || 5 ||
manōrathapradā mēdhā kāntirvijayadāyinī |
śaṅkhacakragadāpadmadhāriṇī kāmarūpiṇī || 6 ||
apavargapradā śyāmā kr̥śamadhyā sukēśinī |
vaikuṇṭhavāsinī nandā bimbōṣṭhī kōkilasvarā || 7 ||
kapilā nimnagājanmabhūmirāyuṣyadāyinī |
vanarūpā duḥkhanāśinyavikārā caturbhujā || 8 ||
garutmadvāhanā śāntā dāntā vighnanivāriṇī |
śrīviṣṇumūlikā puṣṭistrivargaphaladāyinī || 9 ||
mahāśaktirmahāmāyā lakṣmīvāṇīsupūjitā |
sumaṅgalyarcanaprītā saumaṅgalyavivardhinī || 10 ||
cāturmāsyōtsavārādhyā viṣṇusānnidhyadāyinī |
utthānadvādaśīpūjyā sarvadēvaprapūjitā || 11 ||
gōpīratipradā nityā nirguṇā pārvatīpriyā |
apamr̥tyuharā rādhāpriyā mr̥gavilōcanā || 12 ||
amlānā haṁsagamanā kamalāsanavanditā |
bhūlōkavāsinī śuddhā rāmakr̥ṣṇādipūjitā || 13 ||
sītāpūjyā rāmamanaḥpriyā nandanasaṁsthitā |
sarvatīrthamayī muktā lōkasr̥ṣṭividhāyinī || 14 ||
prātardr̥śyā glānihantrī vaiṣṇavī sarvasiddhidā |
nārāyaṇī santatidā mūlamr̥ddhāripāvanī || 15 ||
aśōkavanikāsaṁsthā sītādhyātā nirāśrayā |
gōmatīsarayūtīrarōpitā kuṭilālakā || 16 ||
apātrabhakṣyapāpaghnī dānatōyaviśuddhidā |
śrutidhāraṇasuprītā śubhā sarvēṣṭadāyinī || 17 ||
nāmnāṁ śataṁ sāṣṭakaṁ tattulasyāḥ sarvamaṅgalam |
saumaṅgalyapradaṁ prātaḥ paṭhēdbhaktyā subhāgyadam |
lakṣmīpatiprasādēna sarvavidyāpradaṁ nr̥ṇām || 18 ||
iti tulasyaṣṭōttaraśatanāmastōtraṁ sampūrṇam |
Found a Mistake or Error? Report it Now
