|| శ్రీ వాసవీకన్యకాష్టకం ||
నమో దేవ్యై సుభద్రాయై కన్యకాయై నమో నమః |
శుభం కురు మహాదేవి వాసవ్యైచ నమో నమః || ౧ ||
జయాయై చంద్రరూపాయై చండికాయై నమో నమః |
శాంతిమావహనోదేవి వాసవ్యై తే నమో నమః || ౨ ||
నందాయైతే నమస్తేస్తు గౌర్యై దేవ్యై నమో నమః |
పాహినః పుత్రదారాంశ్చ వాసవ్యై తే నమో నమః || ౩ ||
అపర్ణాయై నమస్తేస్తు కౌసుంభ్యై తే నమో నమః |
నమః కమలహస్తాయై వాసవ్యై తే నమో నమః || ౪ ||
చతుర్భుజాయై శర్వాణ్యై శుకపాణ్యై నమో నమః |
సుముఖాయై నమస్తేస్తు వాసవ్యై తే నమో నమః || ౫ ||
కమలాయై నమస్తేస్తు విష్ణునేత్ర కులాలయే |
మృడాన్యైతే నమస్తేస్తు వాసవ్యై తే నమో నమః || ౬ ||
నమశ్శీతలపాదాయై నమస్తే పరమేశ్వరీ |
శ్రియం నోదేహి మాతస్త్వం వాసవ్యై తే నమో నమః || ౭ ||
త్వత్పాదపద్మవిన్యాసం చంద్రమండల శీతలం |
గృహేషు సర్వదాఽస్మాకం దేహి శ్రీ పరమేశ్వరి || ౮ ||
Found a Mistake or Error? Report it Now
