|| Sri Vikhanasa Padaravinda Stotram ||
vasanta cūtāruṇa pallavābhaṁ
dhvajābja vajrāṅkuśa cakracihnam |
vaikhānasācāryapadāravindaṁ
yōgīndravandyaṁ śaraṇaṁ prapadyē || 1 ||
pratyupta gārutmata ratnapāda
sphuradvicitrāsanasanniviṣṭam |
vaikhānasācāryapadāravindaṁ
siṁhāsanasthaṁ śaraṇaṁ prapadyē || 2 ||
prataptacāmīkara nūpurāḍhyaṁ
karpūra kāśmīraja paṅkaraktam |
vaikhānasācāryapadāravindaṁ
sadarcitaṁ taccaraṇaṁ prapadyē || 3 ||
surēndradikpāla kirīṭajuṣṭa-
-ratnāṁśu nīrājana śōbhamānam |
vaikhānasācāryapadāravindaṁ
surēndravandyaṁ śaraṇaṁ prapadyē || 4 ||
ikṣvākumāndhātr̥dilīpamukhya-
-mahīśamaulisthakirīṭajuṣṭam |
vaikhānasācāryapadāravindaṁ
mahīśavandyaṁ śaraṇaṁ prapadyē || 5 ||
marīcimukhyairbhr̥gukaśyapātri-
-munīndravandyairabhipūjitaṁ tat |
vaikhānasācāryapadāravindaṁ
munīndravandyaṁ śaraṇaṁ prapadyē || 6 ||
anēkamuktāmaṇividrumaiśca
vaiḍhūryahēmnākr̥ta pādukastham |
vaikhānasācāryapadāravindaṁ
tatpādukasthaṁ śaraṇaṁ prapadyē || 7 ||
ditēḥ sutānāṁ karapallavābhyāṁ
saṁlālitaṁ tatsurapuṅgavānām |
vaikhānasācāryapadāravindaṁ
surārivandyaṁ śaraṇaṁ prapadyē || 8 ||
kṣētrāṇi tīrthāni vanāni bhūmau
tīrthāni kurvadrajasōtthitēna |
vaikhānasācāryapadāravindaṁ
sañcāritaṁ taṁ śaraṇaṁ prapadyē || 9 ||
dīnaṁ bhavāmbhōdhigataṁ nr̥śaṁsaṁ
vaikhānasācārya surārthanīyaiḥ |
tvatpādapadmōtthamarandavarṣai-
-rdōṣākaraṁ māṁ kr̥payā:’bhiṣiñca || 10 ||
vaikhānasācāryapadāṅkitaṁ yaḥ
paṭhēddharērarcanayāgakālē |
suputrapautrān labhatē ca kīrtiṁ
āyuṣyamārōgyamalōlupatvam || 11 ||
ēṣāmāsīdādi vaikhānasānāṁ
janmakṣētrē naimiśāraṇyabhūmiḥ |
dēvō yēṣāṁ dēvakī puṇyarāśiḥ
tēṣāṁ pādadvandvapadmaṁ prapadyē || 12 ||
bhavyāya maunivaryāya paripūtāya vāgminē |
yōgaprabhā samētāya śrīmadvikhanasē namaḥ || 13 ||
lakṣmīvallabha saṅkalpavallabhāya mahātmanē |
śrīmadvikhanasē bhūyāt nityaśrīḥ nityamaṅgalam || 14 ||
nārāyaṇaṁ sakamalaṁ sakalāmarēndraṁ
vaikhānasaṁ mama guruṁ nigamāgamēndram |
bhr̥gvātrikaśyapamarīci mukhānmunīndrān
sarvānahaṁ kulagurūn praṇamāmi mūrdhnā || 15 ||
iti śrī vikhanasa pādāravinda stōtram |
Found a Mistake or Error? Report it Now
