|| Sri Vinayaka Stuti ||
sanakādaya ūcuḥ |
namō vināyakāyaiva kaśyapapriyasūnavē |
aditērjaṭharōtpannabrahmacārinnamō:’stu tē || 1 ||
gaṇēśāya sadā māyādhāra caitadvivarjita |
bhaktyadhīnāya vai tubhyaṁ hērambāya namō namaḥ || 2 ||
tvaṁ brahma śāśvataṁ dēva brahmaṇāṁ patirōjasā |
yōgāyōgādibhēdēna krīḍasē nātra saṁśayaḥ || 3 ||
ādimadhyāntarūpastvaṁ prakr̥tiḥ puruṣastathā |
nādānādau ca sūkṣmastvaṁ sthūlarūpō bhavān prabhō || 4 ||
surāsuramayaḥ sākṣānnaranāgasvarūpadhr̥k |
jalasthalādibhēdēna śōbhasē tvaṁ gajānana || 5 ||
sarvēbhyō varjitastvaṁ vai māyāhīnasvarūpadhr̥k |
māyāmāyikarūpaṁ tvāṁ kō jānāti gatiṁ parām || 6 ||
kathaṁ stumō gaṇādhīśaṁ yōgākāramayaṁ sadā |
vēdā na śambhumukhyāśca śaktāḥ stōtuṁ kadācana || 7 ||
vayaṁ dhanyā vayaṁ dhanyā yēna pratyakṣatāṁ gataḥ |
asmākaṁ yōgināṁ ḍhuṇḍhē kuladēvastvamañjasā || 8 ||
iti śrīmanmudgalē mahāpurāṇē sanakādayakr̥tā śrī vināyaka stutiḥ ||
Found a Mistake or Error? Report it Now
