|| श्री विष्वक्सेन लघु षोडशोपचार पूजा ||
प्राणप्रतिष्ठा –
ओं असु॑नीते॒ पुन॑र॒स्मासु॒ चक्षु॒:
पुन॑: प्रा॒णमि॒ह नो᳚ धेहि॒ भोग᳚म् ।
ज्योक्प॑श्येम॒ सूर्य॑मु॒च्चर᳚न्त॒
मनु॑मते मृ॒डया᳚ नः स्व॒स्ति ।
अ॒मृतं॒ वै प्रा॒णा अ॒मृत॒माप॑:
प्रा॒णाने॒व य॑थास्था॒नमुप॑ह्वयते ॥
ओं भूः विष्वक्सेनमावाहयामि ।
ओं भुवः विष्वक्सेनमावाहयामि ।
ओग्ं सुवः विष्वक्सेनमावाहयामि ।
ओं भूर्भुवस्सुवः विष्वक्सेनमावाहयामि ॥
ध्यानम् –
विष्वक्सेनं सकलविबुधप्रौढसैन्याधिनाथं
मुद्राचक्रे करयुगधरे शङ्खदण्डौ दधानम् ।
मेघश्यामं सुमणिमकुटं पीतवस्त्रं शुभाङ्गं
ध्यायेद्देवं विजितदनुजं सूत्रवत्यासमेतम् ॥ १
यस्य द्विरदवक्त्राद्याः पारिषद्याः परः शतम् ।
विघ्नं निघ्नन्ति सततं विष्वक्सेनं तमाश्रये ॥ २
विष्वक्सेनं चतुर्बाहुं शङ्खचक्रगदाधरम् ।
आसीनं तर्जनीहस्तं विष्वक्सेनं तमाश्रये ॥ ३
सपरिवाराय सूत्रवत्यासमेताय श्रीमते विष्वक्सेनाय नमः ।
ध्यायामि । ध्यानम् समर्पयामि ॥
आवाहनम् –
सपरिवाराय श्रीमते विष्वक्सेनाय नमः ।
आवाहयामि । आवाहनं समर्पयामि ॥
आसनम् –
श्रीमते विष्वक्सेनाय नमः ।
आसनं समर्पयामि ॥
पाद्यम् –
श्रीमते विष्वक्सेनाय नमः ।
पादयोः पाद्यं समर्पयामि ॥
अर्घ्यम् –
श्रीमते विष्वक्सेनाय नमः ।
हस्तेषु अर्घ्यं समर्पयामि ॥
आचमनीयम् –
श्रीमते विष्वक्सेनाय नमः ।
मुखे आचमनीयं समर्पयामि ॥
औपचारिकस्नानम् –
आपो॒ हिष्ठा म॑यो॒भुव॒स्ता न॑ ऊ॒र्जे द॑धातन ।
म॒हेरणा॑य॒ चक्ष॑से ।
यो व॑: शि॒वत॑मो रस॒स्तस्य॑ भाजयते॒ ह न॑: ।
उ॒श॒तीरि॑व मा॒त॑रः ।
तस्मा॒ अर॑ङ्गमामवो॒ यस्य॒ क्षया॑य॒ जिन्व॑थ ।
आपो॑ ज॒नय॑था च नः ।
श्रीमते विष्वक्सेनाय नमः ।
स्नानं समर्पयामि ॥
स्नानानन्तरं शुद्धाचमनीयं समर्पयामि ।
वस्त्रम् –
श्रीमते विष्वक्सेनाय नमः ।
वस्त्र युग्मं समर्पयामि ॥
ऊर्ध्वपुण्ड्रम् –
श्रीमते विष्वक्सेनाय नमः ।
दिव्योर्ध्वपुण्ड्रान् धारयामि ॥
चन्दनम् –
श्रीमते विष्वक्सेनाय नमः ।
दिव्य श्रीचन्दनं समर्पयामि ॥
यज्ञोपवीतम् –
श्रीमते विष्वक्सेनाय नमः ।
यज्ञोपवीतार्थं अक्षतान् समर्पयामि ॥
पुष्पम् –
आय॑ने ते प॒राय॑णे॒ दूर्वा॑ रोहन्तु पु॒ष्पिणी॑: ।
ह्र॒दाश्च॑ पु॒ण्डरी॑काणि समु॒द्रस्य॑ गृ॒हा इ॒मे ॥
श्रीमते विष्वक्सेनाय नमः ।
पुष्पाणि समर्पयामि ॥
अर्चन –
ओं सूत्रवत्यासमेताय नमः ।
ओं सेनेशाय नमः ।
ओं सर्वपालकाय नमः ।
ओं विष्वक्सेनाय नमः ।
ओं चतुर्बाहवे नमः ।
ओं शङ्खचक्रगदाधराय नमः ।
ओं शोभनाङ्गाय नमः ।
ओं जगत्पूज्याय नमः ।
ओं वेत्रहस्तविराजिताय नमः ।
ओं पद्मासनसुसम्युक्ताय नमः ।
ओं किरीटिने नमः ।
ओं मणिकुण्डलाय नमः ।
ओं मेघश्यामलाय नमः ।
ओं तप्तकाञ्चनभूषणाय नमः ।
ओं करिवक्त्राय नमः ।
ओं महाकायाय नमः ।
ओं निर्विघ्नाय नमः ।
ओं दैत्यमर्दनाय नमः ।
ओं विशुद्धात्मने नमः ।
ओं ब्रह्मध्यानपरायणाय नमः ।
ओं सर्वशास्त्रार्थतत्त्वज्ञाय नमः ।
ओं सर्वाभीष्टफलप्रदाय नमः ।
ओं श्रीमते विष्वक्सेनाय नमः ।
धूपम् –
श्रीमते विष्वक्सेनाय नमः ।
धूपं आघ्रापयामि ॥
दीपम् –
उद्दी᳚प्यस्व जातवेदोऽप॒घ्नन्निरृ॑तिं॒ मम॑ ।
प॒शूग्ंश्च॒ मह्य॒माव॑ह॒ जीव॑नं च॒ दिशो॑ दिश ॥
श्रीमते विष्वक्सेनाय नमः ।
प्रत्यक्ष दीपं सन्दर्शयामि ॥
धूप दीपानन्तरं शुद्धाअचमनीयं समर्पयामि ।
नैवेद्यम् –
ओं भूर्भुव॒स्सुव॑: । तत्स॑वि॒तुर्वरे᳚ण्यं॒ भर्गो॑ दे॒वस्य॑ धीमहि ।
धियो॒ यो न॑: प्रचो॒दया᳚त् ॥
सत्यं त्वा ऋतेन परिषिञ्चामि ।
अमृतमस्तु । अमृतोपस्तरणमसि ।
श्रीमते विष्वक्सेनाय नमः __________ समर्पयामि ।
ओं प्राणाय स्वाहा᳚ । ओं अपानाय स्वाहा᳚ ।
ओं व्यानाय स्वाहा᳚ । ओं उदानाय स्वाहा᳚ ।
ओं समानाय स्वाहा᳚ ।
मध्ये मध्ये पानीयं समर्पयामि ।
अमृतापि धानमसि । उत्तरापोशनं समर्पयामि ।
हस्तौ प्रक्षालयामि । पादौ प्रक्षालयामि ।
शुद्धाचमनीयं समर्पयामि ।
श्रीमते विष्वक्सेनाय नमः ।
नैवेद्यं समर्पयामि ॥
ताम्बूलम् –
श्रीमते विष्वक्सेनाय नमः ।
ताम्बूलं समर्पयामि ॥
मन्त्रपुष्पम् –
ओं विष्वक्सेनाय विद्महे वेत्रहस्ताय धीमहि । तन्नः शान्तः प्रचोदयात् ॥
श्रीमते विष्वक्सेनाय नमः ।
सुवर्णदिव्य मन्त्रपुष्पं समर्पयामि ॥
अनया श्रीविष्वक्सेन पूजया च भगवान् सर्वात्मकः श्रीविष्वक्सेनः सुप्रीतः सुप्रसन्नः वरदो भवन्तु ॥
उत्तरे शुभकर्मण्यविघ्नमस्तु इति भवन्तो ब्रुवन्तु ।
उत्तरे शुभकर्मणि अविघ्नमस्तु ॥
उद्वासनम् –
ओं य॒ज्ञेन॑ य॒ज्ञम॑यजन्त दे॒वाः ।
तानि॒ धर्मा॑णि प्रथ॒मान्या॑सन् ।
ते ह॒ नाकं॑ महि॒मान॑: सचन्ते ।
यत्र॒ पूर्वे॑ सा॒ध्याः सन्ति॑ दे॒वाः ॥
श्रीमते विष्वक्सेनाय नमः ।
यथास्थानं उद्वासयामि ।
शोभनार्थे क्षेमाय पुनरागमनाय च ॥
ओं शान्तिः शान्तिः शान्तिः ।
Found a Mistake or Error? Report it Now
