വിഷ്ണു ഷട്പദീ സ്തോത്രം PDF മലയാളം

വിഷ്ണു ഷട്പദീ സ്തോത്രം മലയാളം Lyrics

|| വിഷ്ണു ഷട്പദീ സ്തോത്രം ||

അവിനയമപനയ വിഷ്ണോ ദമയ മനഃ ശമയ വിഷയമൃഗതൃഷ്ണാം.

ഭൂതദയാം വിസ്താരയ താരയ സമസാരസാഗരതഃ.

ദിവ്യധുനീമകരന്ദേ പരിമലപരിഭോഗസച്ചിദാനന്ദേ.

ശ്രീപതിപദാരവിന്ദേ ഭവഭയഖേദച്ഛിദേ വന്ദേ.

സത്യപി ഭേദാപഗമേ നാഥ തവാഹം ന മാമകീനസ്ത്വം.

സാമുദ്രോ ഹി തരംഗഃ ക്വചന സമുദ്രോ ന താരംഗഃ.

ഉദ്ധൃതനഗ നഗഭിദനുജ ദനുജകുലാമിത്ര മിത്രശശിദൃഷ്ടേ.

ദൃഷ്ടേ ഭവതി പ്രഭവതി ന ഭവതി കിം ഭവതിരസ്കാരഃ.

മത്സ്യാദിഭിരവതാരൈ- രവതാരവതാവതാ സദാ വസുധാം.

പരമേശ്വര പരിപാല്യോ ഭവതാ ഭവതാപഭീതോഽഹം.

ദാമോദര ഗുണമന്ദിര സുന്ദരവദനാരവിന്ദ ഗോവിന്ദ.

ഭവജലധിമഥനമന്ദര പരമം ദരമപനയ ത്വം മേ.

നാരായണ കരുണാമയ ശരണം കരവാണി താവകൗ ചരണൗ.

ഇതി ഷട്പദീ മദീയേ വദനസരോജേ സദാ വസതു.