|| Vishwanatha Nagari Stava (Kashi Ashtakam) ||
svargataḥ sukhakarī divaukasāṁ śailarājatanayā:’tivallabhā |
ḍhuṇḍhibhairavavidāritavighnā viśvanāthanagarī garīyasī || 1 ||
yatra dēhapatanēna dēhināṁ muktirēva bhavatīti niścitam |
pūrvapuṇya nicayēna labhyatē viśvanāthanagarī garīyasī || 2 ||
sarvadā:’maragaṇaiścavanditā yā gajēndramukhavāritavighnā |
kālabhairavakr̥taikaśāsanā viśvanāthanagarī garīyasī || 3 ||
yatra tīrthamamalā maṇikarṇikā yā sadāśiva sukhapradāyinī |
yā śivēna racitā nijāyudhaiḥ viśvanāthanagarī garīyasī || 4 ||
sarvatīrthakr̥tamajjanapuṇyairjanmajanmasukr̥taiḥ khalu labhyā |
prāpyatē bhava bhavārtināśini viśvanāthanagarī garīyasī || 5 ||
yatra muktirakhilaistu jantubhirlabhyatē maraṇamātrataḥ sadā |
nākhilāmaragaṇaiścavanditā viśvanāthanagarī garīyasī || 6 ||
yatra śakranagarī tanīyasī yatra dhātr̥nagarī kanīyasī |
yatra kēśavapurī laghīyasī viśvanāthanagarī garīyasī || 7 ||
yatra dēvataṭinī prathīyasī yatra viśvajananī paṭīyasī |
yatra bhairavakr̥tirbalīyasī viśvanāthanagarī garīyasī || 8 ||
viśvanāthanagarīstavaṁ śubhaṁ
yaḥ paṭhēt prayatamānasaḥ sadā |
putradāragr̥halābhamavyayaṁ
muktimārgamanaghaṁ labhētsadā || 9 ||
iti śrīvēdavyāsaviracita kāśyaṣṭakaṁ nāma viśvanāthanagarīstavam |
Found a Mistake or Error? Report it Now
