|| Sri Narasimha Shodasa Upachara Puja ||
punaḥ saṅkalpam –
pūrvokta evaṃ guṇa viśeṣaṇa viśiṣṭāyāṃ śubha tithau śrī lakṣmī sameta nṛsiṃha svāminaḥ anugrahaprasāda siddhyarthaṃ śrī lakṣmīnṛsiṃha svāminaḥ prītyarthaṃ puruṣa sūkta vidhānena dhyāna āvāhanādi ṣoḍaśopacāra pūjāṃ kariṣye |
prāṇapratiṣṭha –
oṃ asu̍nīte̱ puna̍ra̱smāsu̱ cakṣu̱:
puna̍: prā̱ṇami̱ha no̎ dhehi̱ bhoga̎m |
jyokpa̍śyema̱ sūrya̍mu̱ccara̎nta̱
manu̍mate mṛ̱ḍayā̎ naḥ sva̱sti ||
a̱mṛta̱ṃ vai prā̱ṇā a̱mṛta̱māpa̍:
prā̱ṇāne̱va ya̍thāsthā̱namupa̍hvayate ||
sāṅgaṃ sāyudhaṃ savāhanaṃ saśaktiṃ saparivārasametaṃ śrīlakṣmī sahita nṛsiṃha svāminaṃ āvāhayāmi sthāpayāmi pūjayāmi ||
sthiro bhava varado bhava sumukho bhava suprasanno bhava sthirāsanaṃ kuru prasīda prasīda |
svāmin sarvajagannātha yāvatpūjāvasānakam |
tāvattvaṃ prītibhāvena bimbe’smin sannidhiṃ kuru ||
dhyānam –
lakṣmīśobhitavāmabhāgamamalaṃ siṃhāsane sundaraṃ
savye cakradharaṃ ca nirbhayakaraṃ vāmena cāpaṃ varam |
sarvādhīśakṛtāntapatramamalaṃ śrīvatsavakṣaḥsthalaṃ
vande devamunīndravanditapadaṃ lakṣmīnṛsiṃhaṃ vibhum ||
oṃ śrī lakṣmīnṛsiṃhāya namaḥ dhyāyāmi dhyānam samarpayāmi |
āvāhanam –
sa̱hasra̍śīrṣā̱ puru̍ṣaḥ |
sa̱ha̱srā̱kṣaḥ sa̱hasra̍pāt |
sa bhūmi̍ṃ vi̱śvato̍ vṛ̱tvā |
atya̍tiṣṭhaddaśāṅgu̱lam ||
āgaccha devadeveśa tejorāśe jagatpate |
kriyamāṇāṃ mayā pūjāṃ gṛhāṇa surasattame ||
oṃ śrī lakṣmīnṛsiṃhāya namaḥ āvāhayāmi |
āsanam –
puru̍ṣa e̱vedagṃ sarvam̎ |
yadbhū̱taṃ yacca̱ bhavyam̎ |
u̱tāmṛ̍ta̱tvasyeśā̍naḥ |
ya̱danne̍nāti̱roha̍ti ||
nānā ratnasamāyuktaṃ kārtasvaravibhūṣitam |
āsanaṃ devadeveśa prītyarthaṃ pratigṛhyatām ||
oṃ śrī lakṣmīnṛsiṃhāya namaḥ navaratnakhacita suvarṇa siṃhāsanaṃ samarpayāmi |
pādyam –
e̱tāvā̍nasya mahi̱mā |
ato̱ jyāyāg̍śca̱ pūru̍ṣaḥ |
pādo̎’sya̱ viśvā̍ bhū̱tāni̍ |
tri̱pāda̍syā̱mṛta̍ṃ di̱vi ||
gaṅgādi sarvatīrthebhyaḥ mayā prārthanayāhṛtam |
lakṣmīnṛsiṃha pādyarthaṃ idaṃ toyaṃ gṛhāṇa bhoḥ ||
oṃ śrī lakṣmīnṛsiṃhāya namaḥ pādayoḥ pādyaṃ samarpayāmi |
arghyam –
tri̱pādū̱rdhva udai̱tpuru̍ṣaḥ |
pādo̎’sye̱hā”bha̍vā̱tpuna̍: |
tato̱ viṣva̱ṅvya̍krāmat |
sā̱śa̱nā̱na̱śa̱ne a̱bhi ||
namaste devadeveśa namaste dharaṇīdhara |
namaste kamalākānta gṛhāṇārghyaṃ namo’stu te ||
oṃ śrī lakṣmīnṛsiṃhāya namaḥ hastayoḥ arghyaṃ samarpayāmi |
ācamanīyam –
tasmā̎dvi̱rāḍa̍jāyata |
vi̱rājo̱ adhi̱ pūru̍ṣaḥ |
sa jā̱to atya̍ricyata |
pa̱ścādbhūmi̱matho̍ pu̱raḥ ||
karpūravāsitaṃ toyaṃ mandākinyaḥ samāhṛtam |
ācamya tāṃ jagannātha mayā dattaṃ hi bhaktitaḥ ||
oṃ śrī lakṣmīnṛsiṃhāya namaḥ mukhe ācamanīyaṃ samarpayāmi |
madhuparkam –
namaḥ śrī vāsudevāya tattvajñānasvarūpiṇe |
madhuparkaṃ gṛhāṇedaṃ śrīlakṣmīpataye namaḥ ||
oṃ śrī lakṣmīnṛsiṃhāya namaḥ madhuparkaṃ samarpayāmi |
pañcāmṛta snānam –
dadhi kṣīrājya madhubhiḥ śarkarā phalamiśritam |
pañcāmṛtasnānamidaṃ gṛhāṇa puruṣottama ||
oṃ śrī lakṣmīnṛsiṃhāya namaḥ pañcāmṛta snānaṃ samarpayāmi |
śuddhodaka snānam –
yatpuru̍ṣeṇa ha̱viṣā̎ |
de̱vā ya̱jñamata̍nvata |
va̱sa̱nto a̍syāsī̱dājyam̎ |
grī̱ṣma i̱dhmaśśa̱raddha̱viḥ ||
sugandhapuṣpasamyuktaṃ pavitraṃ vimalaṃ jalam |
snānārthaṃ hi mayānītaṃ svīkuruṣva mahāmate ||
āpo̱ hiṣṭhā ma̍yo̱bhuva̱stā na̍ ū̱rje da̍dhātana |
ma̱heraṇā̍ya̱ cakṣa̍se |
yo va̍: śi̱vata̍mo rasa̱stasya̍ bhājayate̱ ha na̍: |
u̱śa̱tīri̍va mā̱ta̍raḥ |
tasmā̱ ara̍ṅgamāmavo̱ yasya̱ kṣayā̍ya̱ jinva̍tha |
āpo̍ ja̱naya̍thā ca naḥ |
oṃ śrī lakṣmīnṛsiṃhāya namaḥ śuddhodaka snānaṃ samarpayāmi |
snānānantaraṃ śuddha ācamanīyaṃ samarpayāmi |
vastram –
sa̱ptāsyā̍sanpari̱dhaya̍: |
triḥ sa̱pta sa̱midha̍: kṛ̱tāḥ |
de̱vā yadya̱jñaṃ ta̍nvā̱nāḥ |
aba̍dhna̱npuru̍ṣaṃ pa̱śum ||
taptakāñcanasaṅkāśaṃ pītāmbaramidaṃ hare |
saṅgṛhāṇa jagannātha nārāyaṇa namo’stu te ||
oṃ śrī lakṣmīnṛsiṃhāya namaḥ vastrayugmaṃ samarpayāmi |
yajñopavītam –
taṃ ya̱jñaṃ ba̱rhiṣi̱ praukṣan̍ |
puru̍ṣaṃ jā̱tama̍gra̱taḥ |
tena̍ de̱vā aya̍janta |
sā̱dhyā ṛṣa̍yaśca̱ ye ||
brahmaviṣṇumaheśaśca nirmitaṃ brahmasūtrakam |
upavītaṃ mayā dattaṃ gṛhāṇa kamalāpatiḥ ||
oṃ śrī lakṣmīnṛsiṃhāya namaḥ yajñopavītaṃ samarpayāmi |
gandham –
tasmā̎dya̱jñātsa̍rva̱huta̍: |
sambhṛ̍taṃ pṛṣadā̱jyam |
pa̱śūgstāgśca̍kre vāya̱vyān̍ |
ā̱ra̱ṇyāngrā̱myāśca̱ ye ||
candanaṃ śītalaṃ divyaṃ kastūrī kuṅkumaṃ tathā |
dadāmi tava prītyarthaṃ nṛsiṃha parameśvaraḥ ||
oṃ śrī lakṣmīnṛsiṃhāya namaḥ divya śrī candanaṃ samarpayāmi |
ābharaṇam –
tasmā̎dya̱jñātsa̍rva̱huta̍: |
ṛca̱: sāmā̍ni jajñire |
chandāg̍ṃsi jajñire̱ tasmā̎t |
yaju̱stasmā̍dajāyata ||
bhūṣaṇāni vicitrāni hemaratnamayāni ca |
gṛhāṇa bhuvanādhāra bhuktimuktiphalaprada ||
oṃ śrī lakṣmīnṛsiṃhāya namaḥ sarvābharaṇāni samarpayāmi |
puṣpāṇi –
tasmā̱daśvā̍ ajāyanta |
ye ke co̍bha̱yāda̍taḥ |
gāvo̍ ha jajñire̱ tasmā̎t |
tasmā̎jjā̱tā a̍jā̱vaya̍: ||
mālyādīni sugandhāni mālyatādīni vai prabho |
mayāhṛtāni pūjārthaṃ puṣpāṇi pratigṛhyatām ||
oṃ śrī lakṣmīnṛsiṃhāya namaḥ nānāvidha parimala patra puṣpāṇi samarpayāmi |
athāṅga pūja –
oṃ nṛsiṃhāya namaḥ pādau pūjayāmi |
oṃ karālāya namaḥ gulphau pūjayāmi |
oṃ vikṛtāya namaḥ jānunī pūjayāmi |
oṃ nakhāṅkurāya namaḥ jaṅghaiḥ pūjayāmi |
oṃ prahlādavaradāya namaḥ ūrūṃ pūjayāmi |
oṃ śrīmate namaḥ guhyaṃ pūjayāmi |
oṃ aprameyaparākramāya namaḥ jaghanaṃ pūjayāmi |
oṃ bhaktānāmabhayapradāya namaḥ kaṭiṃ pūjayāmi |
oṃ kukṣisthākhilabhuvanāya namaḥ udaraṃ pūjayāmi |
oṃ sarvarakṣāya namaḥ hṛdayaṃ pūjayāmi |
oṃ kapilāya namaḥ pṛṣṭhadehaṃ pūjayami |
oṃ śaṅkhacakragadāśārṅgapāṇaye namaḥ bāhūn pūjayāmi |
oṃ sthūlagrīvāya namaḥ kaṇṭhaṃ pūjayāmi |
oṃ jvālāmukhāya namaḥ vaktraṃ pūjayāmi |
oṃ tīkṣṇadaṃṣṭrāya namaḥ dantān pūjayāmi |
oṃ brahmaṇyāya namaḥ nāsikāṃ pūjayāmi |
oṃ bhaktavatsalāya namaḥ śrotre pūjayāmi |
oṃ somasūryāgnilocanāya namaḥ netrau pūjayāmi |
oṃ ugrāya namaḥ lalāṭaṃ pūjayāmi |
oṃ hṛṣīkeśāya namaḥ śiraḥ pūjayāmi |
oṃ śrī lakṣmīnṛsiṃhāya namaḥ sarvāṇyaṅgāni pūjayāmi ||
aṣṭottaraśatanāmāvalī –
śrī nṛsiṃha aṣṭottaraśatanāmāvalī paśyatu |
dhūpam –
yatpuru̍ṣa̱ṃ vya̍dadhuḥ |
ka̱ti̱dhā vya̍kalpayan |
mukha̱ṃ kima̍sya̱ kau bā̱hū |
kāvū̱rū pādā̍vucyete ||
vanaspatyudbhavo divyo gandhādyo gandha uttamaḥ |
narasiṃha mahīpālo dhupo’yaṃ pratigṛhyatām ||
oṃ śrī lakṣmīnṛsiṃhāya namaḥ dhūpaṃ samarpayāmi |
dīpam –
brā̱hma̱ṇo̎’sya̱ mukha̍māsīt |
bā̱hū rā̍ja̱nya̍: kṛ̱taḥ |
ū̱rū tada̍sya̱ yadvaiśya̍: |
pa̱dbhyāgṃ śū̱dro a̍jāyata ||
bhaktyā dīpaṃ prayacchāmi devāya paramātmane |
trāhi māṃ narakādghorāt divya jyotirnamo’stu te ||
oṃ śrī lakṣmīnṛsiṃhāya namaḥ dīpaṃ samarpayāmi |
naivedyam –
ca̱ndramā̱ mana̍so jā̱taḥ |
cakṣo̱: sūryo̍ ajāyata |
mukhā̱dindra̍ścā̱gniśca̍ |
prā̱ṇādvā̱yura̍jāyata ||
naivedyaṃ gṛhyatāṃ deva bhaktiṃ me acalāṃ kuru |
īpsitaṃ me varaṃ dehi ihatra ca parāṃ gatim ||
śrīnṛsiṃha namastubhyaṃ mahānaivedyamuttamam |
saṅgṛhāṇa suraśreṣṭha bhuktimuktipradāyakam ||
oṃ śrī lakṣmīnṛsiṃhāya namaḥ naivedyaṃ samarpayāmi |
oṃ bhūrbhuva̱ssuva̍: | tatsa̍vi̱turvare̎ṇya̱ṃ bhargo̍ de̱vasya̍ dhīmahi |
dhiyo̱ yo na̍: praco̱dayā̎t ||
satyaṃ tvā ṛtena pariṣiñcāmi |
(sāyaṅkāle – ṛtaṃ tvā satyena pariṣiñcāmi)
amṛtamastu | a̱mṛ̱to̱pa̱stara̍ṇamasi |
oṃ prā̱ṇāya̱ svāhā̎ | oṃ a̱pā̱nāya̱ svāhā̎ |
oṃ vyā̱nāya̱ svāhā̎ | oṃ u̱dā̱nāya̱ svāhā̎ |
oṃ sa̱mā̱nāya̱ svāhā̎ |
madhye madhye pānīyaṃ samarpayāmi |
a̱mṛ̱tā̱pi̱dhā̱nama̍si | uttarāpośanaṃ samarpayāmi |
hastau prakṣālayāmi | pādau prakṣālayāmi |
śuddhācamanīyaṃ samarpayāmi |
tāmbūlam –
nābhyā̍ āsīda̱ntari̍kṣam |
śī̱rṣṇo dyauḥ sama̍vartata |
pa̱dbhyāṃ bhūmi̱rdiśa̱: śrotrā̎t |
tathā̍ lo̱kāgṃ a̍kalpayan ||
pūgīphala samāyuktaṃ nāgavallīdalairyutam |
yelā lavaṅga samyuktaṃ tāmbūlaṃ deva gṛhyatām ||
oṃ śrī lakṣmīnṛsiṃhāya namaḥ tāmbūlaṃ samarpayāmi |
nīrājanam –
vedā̱hame̱taṃ puru̍ṣaṃ ma̱hāntam̎ |
ā̱di̱tyava̍rṇa̱ṃ tama̍sa̱stu pā̱re |
sarvā̍ṇi rū̱pāṇi̍ vi̱citya̱ dhīra̍: |
nāmā̍ni kṛ̱tvā’bhi̱vada̱ṉ yadāste̎ ||
karpūrakaṃ mahārāja rambhodbhūtaṃ ca dīpakam |
maṅgalārthaṃ mahīpāla saṅgṛhāṇa jagatpate ||
oṃ śrī lakṣmīnṛsiṃhāya namaḥ karpūra nīrājanaṃ samarpayāmi |
nīrājanānantaraṃ śuddhācamanīyaṃ samarpayāmi | namaskaromi |
mantrapuṣpam –
[ mantrapuṣpaṃ paśyatu || ]
dhā̱tā pu̱rastā̱dyamu̍dāja̱hāra̍ |
śa̱kraḥ pravi̱dvānpra̱diśa̱ścata̍sraḥ |
tame̱vaṃ vi̱dvāna̱mṛta̍ i̱ha bha̍vati |
nānyaḥ panthā̱ aya̍nāya vidyate ||
oṃ va̱jra̱na̱khāya̍ vi̱dmahe̍ tīkṣṇada̱gṃṣṭrāya̍ dhīmahi |
tanno̍ nārasigṃhaḥ praco̱dayā̎t ||
oṃ śrī lakṣmīnṛsiṃhāya namaḥ suvarṇa divya mantrapuṣpaṃ samarpayāmi |
ātmapradakṣiṇa namaskāram –
yānikāni ca pāpāni janmāntarakṛtāni ca |
tāni tāni praṇaśyanti pradakṣiṇa pade pade ||
pāpo’haṃ pāpakarmā’haṃ pāpātmā pāpasambhava |
trāhimāṃ kṛpayā deva śaraṇāgatavatsalā ||
anyathā śaraṇaṃ nāsti tvameva śaraṇaṃ mama |
tasmātkāruṇya bhāvena rakṣa rakṣa ramāpate ||
oṃ śrī lakṣmīnṛsiṃhāya namaḥ ātmapradakṣiṇa namaskārān samarpayāmi |
sāṣṭāṅga namaskāram –
namaḥ sarvahitārthāya jagadādhārahetave |
sāṣṭāṅgo’yaṃ praṇāmaste prayatnena mayākṛtaḥ ||
urasā śirasā dṛṣṭyā manasā vacasā tathā |
padbhyāṃ karābhyāṃ jānubhyāṃ praṇāmoṣṭāṅgaṃ ucyate ||
oṃ śrī lakṣmīnṛsiṃhāya namaḥ sāṣṭāṅga namaskārāṃ samarpayāmi |
sarvopacārāḥ –
oṃ śrī lakṣmīnṛsiṃhāya namaḥ chatraṃ ācchādayāmi |
oṃ śrī lakṣmīnṛsiṃhāya namaḥ cāmarairvījayāmi |
oṃ śrī lakṣmīnṛsiṃhāya namaḥ nṛtyaṃ darśayāmi |
oṃ śrī lakṣmīnṛsiṃhāya namaḥ gītaṃ śrāvayāmi |
oṃ śrī lakṣmīnṛsiṃhāya namaḥ āndolikānnārohayāmi |
oṃ śrī lakṣmīnṛsiṃhāya namaḥ aśvānārohayāmi |
oṃ śrī lakṣmīnṛsiṃhāya namaḥ gajānārohayāmi |
samasta rājopacārān devopacārān samarpayāmi |
kṣamā prārthana –
aparādha sahasrāṇi kriyante’harniśaṃ mayā |
dāso’yamiti māṃ matvā kṣamasva puruṣottamā ||
āvāhanaṃ na jānāmi na jānāmi visarjanam |
pūjāvidhiṃ na jānāmi kṣamasva kamalāpate ||
mantrahīnaṃ kriyāhīnaṃ bhaktihīnaṃ janārdana |
yatpūjitaṃ mayā deva paripūrṇaṃ tadastute ||
anayā puruṣasūkta vidhāna pūrvaka dhyāna āvāhanādi ṣoḍaśopacāra pūjayā bhagavān sarvātmakaḥ śrī lakṣmīnṛsiṃha svāmī suprītā suprasannā varadā bhavantu ||
tīrthaprasāda grahaṇam –
akālamṛtyaharaṇaṃ sarvavyādhinivāraṇam |
samastapāpakṣayakaraṃ śrī lakṣmīnṛsiṃha pādodakaṃ pāvanaṃ śubham ||
śrī lakṣmīnṛsiṃhāya namaḥ prasādaṃ śirasā gṛhṇāmi |
oṃ śāntiḥ śāntiḥ śāntiḥ ||
Found a Mistake or Error? Report it Now
