योगशान्तिप्रदं गणाधीशस्तोत्रम्

|| योगशान्तिप्रदं गणाधीशस्तोत्रम् ||

श्रीगणेशाय नमः ।
कर्दम उवाच ।
केनोपायेन भो वत्स योगशान्तिः प्रलभ्यते ।
तदर्थं पूजनीयं किं तद्वदस्व जनार्दन ॥ १॥

कपिल उवाच ।
गणेशभजनं मुख्यं शान्तियोगप्रदं मतम् ।
योगाकारस्वरूपं तं ब्रह्मेशं भज मानद ॥ २॥

सर्वादिः सर्वपूज्योऽयं सर्वाधारो महामुने ।
य आदिः प्रलयान्ते स तिष्ठति शास्त्रसंमतम् ॥ ३॥

ज्येष्ठराजं गणेशानं वेदेषु प्रवदन्ति तम् ।
गणाः समूहरूपाश्च तेषां स्वामी प्रकथ्यते ॥ ४॥

नानाजगत्स्वरूपं वैदेहरूपं कृतं मुने ।
नानाब्रह्ममयं तेन शिरः कृतं महात्मना ॥ ५॥

यस्माज्जातमिदं यत्र ह्यन्ते गच्छति महामते ।
तद्वेदे गजशब्दाख्यं शिरस्तेन गजाननः ॥ ६॥

त्रिविधं भेदयुक्तं यदखण्डं वै तुरीयकम् ।
तयोर्योगे गणेशोऽयं देहमस्तकयोर्गतः ॥ ७॥

चित्तं पञ्चविधं प्रोक्तं तत्र मोहश्च पञ्चधा ।
मोहरूपा महासिद्धिर्बुद्धिश्च मोहधारका ॥ ८॥

तयोः स्वामी गणाधीशश्चित्ते नित्यं प्रतिष्ठितः ।
चिन्तामणिर्महाभागो लभ्यते योगसेवया ॥ ९॥

पञ्चधा चित्तमुत्सृज्य तदैश्चर्यं तथैव च ।
योगः शान्तिमयः सद्यः प्राप्यते ब्रह्मणस्पतिः ॥ १०॥

तस्मात्तं भज मन्त्रेणैकाक्षरेण महामुने ।
तेन तुष्टो गणेशानो योगं दास्यति शान्तिदम् ॥ ११॥

इति मुद्गलपुराणान्तर्गतं श्रीगणाधीशस्तोत्रं समाप्तम् ।

• hindiऋणहर्ता श्री गणेश स्तोत्रम्
• marathiश्री गणपति अथर्वशीर्ष स्तोत्रम
• gujaratiશ્રી ગણપતિ અથર્વશીર્ષ સ્તોત્રમ
• hindiश्री गणपति अथर्वशीर्ष स्तोत्रम हिन्दी पाठ अर्थ सहित (विधि – लाभ)
• sanskritश्री भानुविनायक स्तोत्रम्
• hindiसिद्धि विनायक स्तोत्र
• tamilஶ்ரீ பா⁴நுவிநாயக ஸ்தோத்ரம்
• kannadaಶ್ರೀ ಭಾನುವಿನಾಯಕ ಸ್ತೋತ್ರಂ
• teluguశ్రీ భానువినాయక స్తోత్రం
• sanskritश्री अष्टविनायकस्तोत्रम्
• hindiएकदन्त शरणागति स्तोत्रम्
• englishShri Gajanana Stotram
• englishShri Ganeshashtak Stotram
• englishShri Ganadhipat Stotram
• hindiश्री गणाधिपत स्तोत्रम् अर्थ सहित

Found a Mistake or Error? Report it Now