औरवशौनककृता श्रीगणेशस्तुतिः

|| औरवशौनककृता श्रीगणेशस्तुतिः ||

तावूचतुः ।
विश्वस्य बीजं परमस्य पाता नानाविधानन्दकरः स्वकानाम् ।
निजार्चनेनादृतचेतसां त्वं विघ्नप्रहर्ता गुरुकार्यकर्ता ॥ ४॥

परात्परस्त्वं परमार्थभूतो वेदान्तवेद्यो हृदयेतिगुप्तः ।
सर्वश्रुतीनां चन गोचरोऽसि नमाव इत्थं निजदैवतं त्वाम् ॥ ५॥

न पद्मयोनिर्न हरो हरिश्च हरिः षडास्यो न सहस्रमूर्द्धा ।
मायाविनस्ते न विदुः स्वरूपं कथं नु शक्यं परिनिश्चितुं तत् ॥ ६॥

तवानुकम्पा महती यदा स्याद् विभुञ्जतः कर्म शुभाशुभं स्वम् ।
कायेन वाचा मनसा नमेत् त्वां जीवँश्च मुक्तो नर उच्यते सः ॥ ७॥

त्वं भावतुष्टो विदधासि कामान् नानाविधाकारतयाऽखिलानाम् ।
संसृत्यकूपारविमुक्तिहेतुरतो विभुं त्वां शरणं प्रपद्ये ॥ ८॥

फलश्रुतिः –
गणेश उवाच ।
तुष्टोऽहं परया भक्त्या तपसा परमेण च ।
अनया परया स्तुत्या ब्राह्मणौ ! वृणुतं वरान् ॥ ९॥

कुजन्मनाशकमिदं मम स्तोत्रं पठेत् तु यः ।
त्रिसन्ध्यं च त्रिवारं चसर्वान् कामानवाप्नुयात् ॥ १०॥

षण्मासाज्जायते विद्या लक्ष्मीर्नित्यजपादपि ।
पञ्चवारजपान्मर्त्य आयुरारोग्यमाप्नुयात् ॥ ११॥

इति औरवशौनककृता श्रीगणेशस्तुतिः सम्पूर्णा ॥

• hindiवक्रतुंड स्तुति
• sanskritश्री विनायक स्तुतिः
• tamilஶ்ரீ விநாயக ஸ்துதி꞉
• kannadaಶ್ರೀ ವಿನಾಯಕ ಸ್ತುತಿಃ
• teluguశ్రీ వినాయక స్తుతిః
• sanskritश्री हेरम्ब स्तुति
• sanskritगोकर्ण गणाधिपस्तुती
• sanskritस्वायम्भुवकृता श्रीगणेशस्तुतिः
• sanskritससर्वस्वानन्दकृता श्रीगणेशस्तुतिः
• sanskritसर्वेकृता श्रीगणेशस्तुतिः
• sanskritश्र्योङ्काराकृता श्रीगणेशस्तुतिः
• sanskritशौनकौर्वौकृता श्रीगणेशस्तुतिः
• sanskritशेषकृता श्रीगणेशस्तुतिः
• sanskritशिवकृता श्रीगणेशस्तुतिः
• sanskritशनिश्चरकृता श्रीगणेशस्तुतिः

Found a Mistake or Error? Report it Now