|| ശ്രീ രാജ രാജേശ്വരീ അഷ്ടകം (Rajarajeshwari Ashtakam PDF Malayalam) ||
അംബാ ശാംഭവി ചന്ദ്രമൗലിരബലാഽപർണാ ഉമാ പാർവതീ
കാലീ ഹൈമവതീ ശിവാ ത്രിനയനീ കാത്യായനീ ഭൈരവീ .
സാവിത്രീ നവയൗവനാ ശുഭകരീ സാമ്രാജ്യലക്ഷ്മീപ്രദാ
ചിദ്രൂപീ പരദേവതാ ഭഗവതീ ശ്രീരാജരാജേശ്വരീ .. 1 ..
അംബാ മോഹിനി ദേവതാ ത്രിഭുവനീ ആനന്ദസന്ദായിനീ
വാണീ പല്ലവപാണി വേണുമുരലീഗാനപ്രിയാലോലിനീ .
കല്യാണീ ഉഡുരാജബിംബവദനാ ധൂമ്രാക്ഷസംഹാരിണീ
ചിദ്രൂപീ പരദേവതാ ഭഗവതീ ശ്രീരാജരാജേശ്വരീ .. 2 ..
അംബാ നൂപുരരത്നകങ്കണധരീ കേയൂരഹാരാവലീ
ജാതീചമ്പകവൈജയന്തിലഹരീ ഗ്രൈവേയകൈരാജിതാ .
വീണാവേണുവിനോദമണ്ഡിതകരാ വീരാസനേ സംസ്ഥിതാ
ചിദ്രൂപീ പരദേവതാ ഭഗവതീ ശ്രീരാജരാജേശ്വരീ .. 3 ..
അംബാ രൗദ്രിണി ഭദ്രകാലി ബഗലാ ജ്വാലാമുഖീ വൈഷ്ണവീ
ബ്രഹ്മാണീ ത്രിപുരാന്തകീ സുരനുതാ ദേദീപ്യമാനോജ്ജ്വലാ .
ചാമുണ്ഡാശ്രിതരക്ഷപോഷജനനീ ദാക്ഷായണീ വല്ലവീ
ചിദ്രൂപീ പരദേവതാ ഭഗവതീ ശ്രീരാജരാജേശ്വരീ .. 4 ..
അംബാ ശൂല ധനുഃ കുശാങ്കുശധരീ അർധേന്ദുബിംബാധരീ
വാരാഹീ മധുകൈടഭപ്രശമനീ വാണീരമാസേവിതാ .
മല്ലദ്യാസുരമൂകദൈത്യമഥനീ മാഹേശ്വരീ അംബികാ
ചിദ്രൂപീ പരദേവതാ ഭഗവതീ ശ്രീരാജരാജേശ്വരീ .. 5 ..
അംബാ സൃഷ്ടിവിനാശപാലനകരീ ആര്യാ വിസംശോഭിതാ
ഗായത്രീ പ്രണവാക്ഷരാമൃതരസഃ പൂർണാനുസന്ധീകൃതാ .
ഓങ്കാരീ വിനുതാസുതാർചിതപദാ ഉദ്ദണ്ഡദൈത്യാപഹാ
ചിദ്രൂപീ പരദേവതാ ഭഗവതീ ശ്രീരാജരാജേശ്വരീ .. 6 ..
അംബാ ശാശ്വത ആഗമാദിവിനുതാ ആര്യാ മഹാദേവതാ
യാ ബ്രഹ്മാദി പിപീലികാന്തജനനീ യാ വൈ ജഗന്മോഹിനീ .
യാ പഞ്ചപ്രണവാദിരേഫജനനീ യാ ചിത്കലാമാലിനീ
ചിദ്രൂപീ പരദേവതാ ഭഗവതീ ശ്രീരാജരാജേശ്വരീ .. 7 ..
അംബാപാലിതഭക്തരാജദനിശം അംബാഷ്ടകം യഃ പഠേത്
അംബാ ലോകകടാക്ഷവീക്ഷലലിതം ചൈശ്വര്യമവ്യാഹതം .
അംബാ പാവന മന്ത്രരാജപഠനാദന്തേ ച മോക്ഷപ്രദാ
ചിദ്രൂപീ പരദേവതാ ഭഗവതീ ശ്രീരാജരാജേശ്വരീ .. 8 ..
ഇതി ശ്രീരാജരാജേശ്വര്യഷ്ടകം .
Read in More Languages:- odiaଭଵାନୀ ଅଷ୍ଟକମ୍
- gujaratiભવાની અષ્ટકમ્
- punjabiਭਵਾਨੀ ਅਸ਼੍ਟਕਮ੍
- kannadaಭವಾನೀ ಅಷ್ಟಕಂ
- teluguరాజరాజేశ్వరి అష్టకం
- englishRajarajeshwari Ashtakam
- sanskritश्री राज राजेश्वरी अष्टकम् (अम्बाष्टकम्)
- kannadaಶ್ರೀ ರಾಜ ರಾಜೇಶ್ವರೀ ಅಷ್ಟಕಂ
- tamilஶ்ரீ ராஜ ராஜேஶ்வரீ அஷ்டகம்
- odiaଶ୍ରୀ ରାଜ ରାଜେଶ୍ୱରୀ ଅଷ୍ଟକମ୍
- gujaratiશ્રી રાજ રાજેશ્વરી અષ્ટકમ્
- bengaliশ্রী রাজ রাজেশ্বরী অষ্টকম্
- sanskritश्री राजराजेश्वरी अष्टकम्
- sanskritश्री भवानी अष्टकम्
- englishShri Bhavani Ashtakam
Found a Mistake or Error? Report it Now