|| ಶ್ರೀ ರಾಜ ರಾಜೇಶ್ವರೀ ಅಷ್ಟಕಂ (Rajarajeshwari Ashtakam Kannada PDF) ||
ಅಂಬಾ ಶಾಂಭವಿ ಚಂದ್ರಮೌಲಿರಬಲಾಽಪರ್ಣಾ ಉಮಾ ಪಾರ್ವತೀ
ಕಾಲೀ ಹೈಮವತೀ ಶಿವಾ ತ್ರಿನಯನೀ ಕಾತ್ಯಾಯನೀ ಭೈರವೀ .
ಸಾವಿತ್ರೀ ನವಯೌವನಾ ಶುಭಕರೀ ಸಾಮ್ರಾಜ್ಯಲಕ್ಷ್ಮೀಪ್ರದಾ
ಚಿದ್ರೂಪೀ ಪರದೇವತಾ ಭಗವತೀ ಶ್ರೀರಾಜರಾಜೇಶ್ವರೀ .. ೧ ..
ಅಂಬಾ ಮೋಹಿನಿ ದೇವತಾ ತ್ರಿಭುವನೀ ಆನಂದಸಂದಾಯಿನೀ
ವಾಣೀ ಪಲ್ಲವಪಾಣಿ ವೇಣುಮುರಲೀಗಾನಪ್ರಿಯಾಲೋಲಿನೀ .
ಕಲ್ಯಾಣೀ ಉಡುರಾಜಬಿಂಬವದನಾ ಧೂಮ್ರಾಕ್ಷಸಂಹಾರಿಣೀ
ಚಿದ್ರೂಪೀ ಪರದೇವತಾ ಭಗವತೀ ಶ್ರೀರಾಜರಾಜೇಶ್ವರೀ .. ೨ ..
ಅಂಬಾ ನೂಪುರರತ್ನಕಂಕಣಧರೀ ಕೇಯೂರಹಾರಾವಲೀ
ಜಾತೀಚಂಪಕವೈಜಯಂತಿಲಹರೀ ಗ್ರೈವೇಯಕೈರಾಜಿತಾ .
ವೀಣಾವೇಣುವಿನೋದಮಂಡಿತಕರಾ ವೀರಾಸನೇ ಸಂಸ್ಥಿತಾ
ಚಿದ್ರೂಪೀ ಪರದೇವತಾ ಭಗವತೀ ಶ್ರೀರಾಜರಾಜೇಶ್ವರೀ .. ೩ ..
ಅಂಬಾ ರೌದ್ರಿಣಿ ಭದ್ರಕಾಲಿ ಬಗಲಾ ಜ್ವಾಲಾಮುಖೀ ವೈಷ್ಣವೀ
ಬ್ರಹ್ಮಾಣೀ ತ್ರಿಪುರಾಂತಕೀ ಸುರನುತಾ ದೇದೀಪ್ಯಮಾನೋಜ್ಜ್ವಲಾ .
ಚಾಮುಂಡಾಶ್ರಿತರಕ್ಷಪೋಷಜನನೀ ದಾಕ್ಷಾಯಣೀ ವಲ್ಲವೀ
ಚಿದ್ರೂಪೀ ಪರದೇವತಾ ಭಗವತೀ ಶ್ರೀರಾಜರಾಜೇಶ್ವರೀ .. ೪ ..
ಅಂಬಾ ಶೂಲ ಧನುಃ ಕುಶಾಂಕುಶಧರೀ ಅರ್ಧೇಂದುಬಿಂಬಾಧರೀ
ವಾರಾಹೀ ಮಧುಕೈಟಭಪ್ರಶಮನೀ ವಾಣೀರಮಾಸೇವಿತಾ .
ಮಲ್ಲದ್ಯಾಸುರಮೂಕದೈತ್ಯಮಥನೀ ಮಾಹೇಶ್ವರೀ ಅಂಬಿಕಾ
ಚಿದ್ರೂಪೀ ಪರದೇವತಾ ಭಗವತೀ ಶ್ರೀರಾಜರಾಜೇಶ್ವರೀ .. ೫ ..
ಅಂಬಾ ಸೃಷ್ಟಿವಿನಾಶಪಾಲನಕರೀ ಆರ್ಯಾ ವಿಸಂಶೋಭಿತಾ
ಗಾಯತ್ರೀ ಪ್ರಣವಾಕ್ಷರಾಮೃತರಸಃ ಪೂರ್ಣಾನುಸಂಧೀಕೃತಾ .
ಓಂಕಾರೀ ವಿನುತಾಸುತಾರ್ಚಿತಪದಾ ಉದ್ದಂಡದೈತ್ಯಾಪಹಾ
ಚಿದ್ರೂಪೀ ಪರದೇವತಾ ಭಗವತೀ ಶ್ರೀರಾಜರಾಜೇಶ್ವರೀ .. ೬ ..
ಅಂಬಾ ಶಾಶ್ವತ ಆಗಮಾದಿವಿನುತಾ ಆರ್ಯಾ ಮಹಾದೇವತಾ
ಯಾ ಬ್ರಹ್ಮಾದಿ ಪಿಪೀಲಿಕಾಂತಜನನೀ ಯಾ ವೈ ಜಗನ್ಮೋಹಿನೀ .
ಯಾ ಪಂಚಪ್ರಣವಾದಿರೇಫಜನನೀ ಯಾ ಚಿತ್ಕಲಾಮಾಲಿನೀ
ಚಿದ್ರೂಪೀ ಪರದೇವತಾ ಭಗವತೀ ಶ್ರೀರಾಜರಾಜೇಶ್ವರೀ .. ೭ ..
ಅಂಬಾಪಾಲಿತಭಕ್ತರಾಜದನಿಶಂ ಅಂಬಾಷ್ಟಕಂ ಯಃ ಪಠೇತ್
ಅಂಬಾ ಲೋಕಕಟಾಕ್ಷವೀಕ್ಷಲಲಿತಂ ಚೈಶ್ವರ್ಯಮವ್ಯಾಹತಂ .
ಅಂಬಾ ಪಾವನ ಮಂತ್ರರಾಜಪಠನಾದಂತೇ ಚ ಮೋಕ್ಷಪ್ರದಾ
ಚಿದ್ರೂಪೀ ಪರದೇವತಾ ಭಗವತೀ ಶ್ರೀರಾಜರಾಜೇಶ್ವರೀ .. ೮ ..
ಇತಿ ಶ್ರೀರಾಜರಾಜೇಶ್ವರ್ಯಷ್ಟಕಂ .
Read in More Languages:- odiaଭଵାନୀ ଅଷ୍ଟକମ୍
- gujaratiભવાની અષ્ટકમ્
- punjabiਭਵਾਨੀ ਅਸ਼੍ਟਕਮ੍
- kannadaಭವಾನೀ ಅಷ್ಟಕಂ
- teluguరాజరాజేశ్వరి అష్టకం
- englishRajarajeshwari Ashtakam
- sanskritश्री राज राजेश्वरी अष्टकम् (अम्बाष्टकम्)
- malayalamശ്രീ രാജ രാജേശ്വരീ അഷ്ടകം
- tamilஶ்ரீ ராஜ ராஜேஶ்வரீ அஷ்டகம்
- odiaଶ୍ରୀ ରାଜ ରାଜେଶ୍ୱରୀ ଅଷ୍ଟକମ୍
- gujaratiશ્રી રાજ રાજેશ્વરી અષ્ટકમ્
- bengaliশ্রী রাজ রাজেশ্বরী অষ্টকম্
- sanskritश्री राजराजेश्वरी अष्टकम्
- sanskritश्री भवानी अष्टकम्
- englishShri Bhavani Ashtakam
Found a Mistake or Error? Report it Now