ଶ୍ରୀ ରାଜ ରାଜେଶ୍ୱରୀ ଅଷ୍ଟକମ୍

|| ଶ୍ରୀ ରାଜ ରାଜେଶ୍ୱରୀ ଅଷ୍ଟକମ୍ (Rajarajeshwari Ashtakam Odia PDF) ||

ଅମ୍ବା ଶାମ୍ଭବି ଚନ୍ଦ୍ରମୌଲିରବଲାଽପର୍ଣା ଉମା ପାର୍ୱତୀ
କାଲୀ ହୈମବତୀ ଶିବା ତ୍ରିନୟନୀ କାତ୍ୟାୟନୀ ଭୈରବୀ ।
ସାବିତ୍ରୀ ନବୟୌବନା ଶୁଭକରୀ ସାମ୍ରାଜ୍ୟଲକ୍ଷ୍ମୀପ୍ରଦା
ଚିଦ୍ରୂପୀ ପରଦେବତା ଭଗବତୀ ଶ୍ରୀରାଜରାଜେଶ୍ୱରୀ ॥ ୧ ॥

ଅମ୍ବା ମୋହିନି ଦେବତା ତ୍ରିଭୁବନୀ ଆନନ୍ଦସନ୍ଦାୟିନୀ
ବାଣୀ ପଲ୍ଲବପାଣି ବେଣୁମୁରଲୀଗାନପ୍ରିୟାଲୋଲିନୀ ।
କଲ୍ୟାଣୀ ଉଡୁରାଜବିମ୍ବବଦନା ଧୂମ୍ରାକ୍ଷସଂହାରିଣୀ
ଚିଦ୍ରୂପୀ ପରଦେବତା ଭଗବତୀ ଶ୍ରୀରାଜରାଜେଶ୍ୱରୀ ॥ ୨ ॥

ଅମ୍ବା ନୂପୁରରତ୍ନକଙ୍କଣଧରୀ କେୟୂରହାରାବଲୀ
ଜାତୀଚମ୍ପକବୈଜୟନ୍ତିଲହରୀ ଗ୍ରୈବେୟକୈରାଜିତା ।
ବୀଣାବେଣୁବିନୋଦମଣ୍ଡିତକରା ବୀରାସନେ ସଂସ୍ଥିତା
ଚିଦ୍ରୂପୀ ପରଦେବତା ଭଗବତୀ ଶ୍ରୀରାଜରାଜେଶ୍ୱରୀ ॥ ୩ ॥

ଅମ୍ବା ରୌଦ୍ରିଣି ଭଦ୍ରକାଲି ବଗଲା ଜ୍ୱାଲାମୁଖୀ ବୈଷ୍ଣବୀ
ବ୍ରହ୍ମାଣୀ ତ୍ରିପୁରାନ୍ତକୀ ସୁରନୁତା ଦେଦୀପ୍ୟମାନୋଜ୍ଜ୍ୱଲା ।
ଚାମୁଣ୍ଡାଶ୍ରିତରକ୍ଷପୋଷଜନନୀ ଦାକ୍ଷାୟଣୀ ବଲ୍ଲବୀ
ଚିଦ୍ରୂପୀ ପରଦେବତା ଭଗବତୀ ଶ୍ରୀରାଜରାଜେଶ୍ୱରୀ ॥ ୪ ॥

ଅମ୍ବା ଶୂଲ ଧନୁଃ କୁଶାଙ୍କୁଶଧରୀ ଅର୍ଧେନ୍ଦୁବିମ୍ବାଧରୀ
ବାରାହୀ ମଧୁକୈଟଭପ୍ରଶମନୀ ବାଣୀରମାସେବିତା ।
ମଲ୍ଲଦ୍ୟାସୁରମୂକଦୈତ୍ୟମଥନୀ ମାହେଶ୍ୱରୀ ଅମ୍ବିକା
ଚିଦ୍ରୂପୀ ପରଦେବତା ଭଗବତୀ ଶ୍ରୀରାଜରାଜେଶ୍ୱରୀ ॥ ୫ ॥

ଅମ୍ବା ସୃଷ୍ଟିବିନାଶପାଲନକରୀ ଆର୍ୟା ବିସଂଶୋଭିତା
ଗାୟତ୍ରୀ ପ୍ରଣବାକ୍ଷରାମୃତରସଃ ପୂର୍ଣାନୁସନ୍ଧୀକୃତା ।
ଓଙ୍କାରୀ ବିନୁତାସୁତାର୍ଚିତପଦା ଉଦ୍ଦଣ୍ଡଦୈତ୍ୟାପହା
ଚିଦ୍ରୂପୀ ପରଦେବତା ଭଗବତୀ ଶ୍ରୀରାଜରାଜେଶ୍ୱରୀ ॥ ୬ ॥

ଅମ୍ବା ଶାଶ୍ୱତ ଆଗମାଦିବିନୁତା ଆର୍ୟା ମହାଦେବତା
ଯା ବ୍ରହ୍ମାଦି ପିପୀଲିକାନ୍ତଜନନୀ ଯା ବୈ ଜଗନ୍ମୋହିନୀ ।
ଯା ପଞ୍ଚପ୍ରଣବାଦିରେଫଜନନୀ ଯା ଚିତ୍କଲାମାଲିନୀ
ଚିଦ୍ରୂପୀ ପରଦେବତା ଭଗବତୀ ଶ୍ରୀରାଜରାଜେଶ୍ୱରୀ ॥ ୭ ॥

ଅମ୍ବାପାଲିତଭକ୍ତରାଜଦନିଶଂ ଅମ୍ବାଷ୍ଟକଂ ଯଃ ପଠେତ୍
ଅମ୍ବା ଲୋକକଟାକ୍ଷବୀକ୍ଷଲଲିତଂ ଚୈଶ୍ୱର୍ୟମବ୍ୟାହତମ୍ ।
ଅମ୍ବା ପାବନ ମନ୍ତ୍ରରାଜପଠନାଦନ୍ତେ ଚ ମୋକ୍ଷପ୍ରଦା
ଚିଦ୍ରୂପୀ ପରଦେବତା ଭଗବତୀ ଶ୍ରୀରାଜରାଜେଶ୍ୱରୀ ॥ ୮ ॥

ଇତି ଶ୍ରୀରାଜରାଜେଶ୍ୱର୍ୟଷ୍ଟକମ୍ ।

Read in More Languages:

• teluguరాజరాజేశ్వరి అష్టకం
• englishRajarajeshwari Ashtakam
• sanskritश्री राज राजेश्वरी अष्टकम् (अम्बाष्टकम्)
• malayalamശ്രീ രാജ രാജേശ്വരീ അഷ്ടകം
• kannadaಶ್ರೀ ರಾಜ ರಾಜೇಶ್ವರೀ ಅಷ್ಟಕಂ
• tamilஶ்ரீ ராஜ ராஜேஶ்வரீ அஷ்டகம்
• gujaratiશ્રી રાજ રાજેશ્વરી અષ્ટકમ્
• bengaliশ্রী রাজ রাজেশ্বরী অষ্টকম্
• sanskritश्री राजराजेश्वरी अष्टकम्
• sanskritश्री भवानी अष्टकम्
• englishShri Bhavani Ashtakam
• hindiश्री भवानी अष्टकम
• englishShri Bhavanyashtakam
• englishShri Durga Ashtakam
• sanskritश्री दुर्गाष्टकम्

Found a Mistake or Error? Report it Now