ବିଷ୍ଣୁ ସାହସରାନାମ

॥ ବିଷ୍ଣୁ ସାହସରାନାମ ॥

ହରିଃ ଓମ୍

ଵିଶ୍ଵଂ ଵିଷ୍ଣୁର୍ଵଷଟ୍କାରୋ ଭୂତଭଵ୍ୟଭଵତ୍ପ୍ରଭୁଃ ।
ଭୂତକୃଦ୍ଭୂତଭୃଦ୍ଭାଵୋ ଭୂତାତ୍ମା ଭୂତଭାଵନଃ ॥

ପୂତାତ୍ମା ପରମାତ୍ମା ଚ ମୁକ୍ତାନାଂ ପରମାଗତିଃ ।
ଅଵ୍ୟୟଃ ପୁରୁଷଃ ସାକ୍ଷୀ କ୍ଷେତ୍ରଜ୍ଞୋଽକ୍ଷର ଏଵ ଚ ॥

ୟୋଗୋ ୟୋଗଵିଦାଂ ନେତା ପ୍ରଧାନ ପୁରୁଷେଶ୍ଵରଃ ।
ନାରସିଂହଵପୁଃ ଶ୍ରୀମାନ୍ କେଶଵଃ ପୁରୁଷୋତ୍ତମଃ ॥

ସର୍ଵଃ ଶର୍ଵଃ ଶିଵଃ ସ୍ଥାଣୁର୍ଭୂତାଦିର୍ନିଧିରଵ୍ୟୟଃ ।
ସଂଭଵୋ ଭାଵନୋ ଭର୍ତା ପ୍ରଭଵଃ ପ୍ରଭୁରୀଶ୍ଵରଃ ॥

ସ୍ଵୟଂଭୂଃ ଶଂଭୁରାଦିତ୍ୟଃ ପୁଷ୍କରାକ୍ଷୋ ମହାସ୍ଵନଃ ।
ଅନାଦିନିଧନୋ ଧାତା ଵିଧାତା ଧାତୁରୁତ୍ତମଃ ॥

ଅପ୍ରମେୟୋ ହୃଷୀକେଶଃ ପଦ୍ମନାଭୋଽମରପ୍ରଭୁଃ ।
ଵିଶ୍ଵକର୍ମା ମନୁସ୍ତ୍ଵଷ୍ଟା ସ୍ଥଵିଷ୍ଠଃ ସ୍ଥଵିରୋ ଧ୍ରୁଵଃ ॥

ଅଗ୍ରାହ୍ୟଃ ଶାଶ୍ଵତୋ କୃଷ୍ଣୋ ଲୋହିତାକ୍ଷଃ ପ୍ରତର୍ଦନଃ ।
ପ୍ରଭୂତସ୍ତ୍ରିକକୁବ୍ଧାମ ପଵିତ୍ରଂ ମଂଗଳଂ ପରମ୍ ॥

ଈଶାନଃ ପ୍ରାଣଦଃ ପ୍ରାଣୋ ଜ୍ୟେଷ୍ଠଃ ଶ୍ରେଷ୍ଠଃ ପ୍ରଜାପତିଃ ।
ହିରଣ୍ୟଗର୍ଭୋ ଭୂଗର୍ଭୋ ମାଧଵୋ ମଧୁସୂଦନଃ ॥

ଈଶ୍ଵରୋ ଵିକ୍ରମୀଧନ୍ଵୀ ମେଧାଵୀ ଵିକ୍ରମଃ କ୍ରମଃ ।
ଅନୁତ୍ତମୋ ଦୁରାଧର୍ଷଃ କୃତଜ୍ଞଃ କୃତିରାତ୍ମଵାନ୍॥

ସୁରେଶଃ ଶରଣଂ ଶର୍ମ ଵିଶ୍ଵରେତାଃ ପ୍ରଜାଭଵଃ ।
ଅହସ୍ସଂଵତ୍ସରୋ ଵ୍ୟାଳଃ ପ୍ରତ୍ୟୟଃ ସର୍ଵଦର୍ଶନଃ ॥

ଅଜସ୍ସର୍ଵେଶ୍ଵରଃ ସିଦ୍ଧଃ ସିଦ୍ଧିଃ ସର୍ଵାଦିରଚ୍ୟୁତଃ ।
ଵୃଷାକପିରମେୟାତ୍ମା ସର୍ଵୟୋଗଵିନିସ୍ସୃତଃ ॥

ଵସୁର୍ଵସୁମନାଃ ସତ୍ୟଃ ସମାତ୍ମା ସମ୍ମିତସ୍ସମଃ ।
ଅମୋଘଃ ପୁଂଡରୀକାକ୍ଷୋ ଵୃଷକର୍ମା ଵୃଷାକୃତିଃ ॥

ରୁଦ୍ରୋ ବହୁଶିରା ବଭ୍ରୁର୍ଵିଶ୍ଵୟୋନିଃ ଶୁଚିଶ୍ରଵାଃ ।
ଅମୃତଃ ଶାଶ୍ଵତସ୍ଥାଣୁର୍ଵରାରୋହୋ ମହାତପାଃ ॥

ସର୍ଵଗଃ ସର୍ଵ ଵିଦ୍ଭାନୁର୍ଵିଷ୍ଵକ୍ସେନୋ ଜନାର୍ଦନଃ ।
ଵେଦୋ ଵେଦଵିଦଵ୍ୟଂଗୋ ଵେଦାଂଗୋ ଵେଦଵିତ୍କଵିଃ ॥

ଲୋକାଧ୍ୟକ୍ଷଃ ସୁରାଧ୍ୟକ୍ଷୋ ଧର୍ମାଧ୍ୟକ୍ଷଃ କୃତାକୃତଃ ।
ଚତୁରାତ୍ମା ଚତୁର୍ଵ୍ୟୂହଶ୍ଚତୁର୍ଦଂଷ୍ଟ୍ରଶ୍ଚତୁର୍ଭୁଜଃ ॥

ଭ୍ରାଜିଷ୍ଣୁର୍ଭୋଜନଂ ଭୋକ୍ତା ସହିଷ୍ଣୁର୍ଜଗଦାଦିଜଃ ।
ଅନଘୋ ଵିଜୟୋ ଜେତା ଵିଶ୍ଵୟୋନିଃ ପୁନର୍ଵସୁଃ ॥

ଉପେଂଦ୍ରୋ ଵାମନଃ ପ୍ରାଂଶୁରମୋଘଃ ଶୁଚିରୂର୍ଜିତଃ ।
ଅତୀଂଦ୍ରଃ ସଂଗ୍ରହଃ ସର୍ଗୋ ଧୃତାତ୍ମା ନିୟମୋ ୟମଃ ॥

ଵେଦ୍ୟୋ ଵୈଦ୍ୟଃ ସଦାୟୋଗୀ ଵୀରହା ମାଧଵୋ ମଧୁଃ ।
ଅତୀଂଦ୍ରିୟୋ ମହାମାୟୋ ମହୋତ୍ସାହୋ ମହାବଲଃ ॥

ମହାବୁଦ୍ଧିର୍ମହାଵୀର୍ୟୋ ମହାଶକ୍ତିର୍ମହାଦ୍ୟୁତିଃ ।
ଅନିର୍ଦେଶ୍ୟଵପୁଃ ଶ୍ରୀମାନମେୟାତ୍ମା ମହାଦ୍ରିଧୃକ୍ ॥

ମହେଶ୍ଵାସୋ ମହୀଭର୍ତା ଶ୍ରୀନିଵାସଃ ସତାଂଗତିଃ ।
ଅନିରୁଦ୍ଧଃ ସୁରାନଂଦୋ ଗୋଵିଂଦୋ ଗୋଵିଦାଂ ପତିଃ ॥

ମରୀଚିର୍ଦମନୋ ହଂସଃ ସୁପର୍ଣୋ ଭୁଜଗୋତ୍ତମଃ ।
ହିରଣ୍ୟନାଭଃ ସୁତପାଃ ପଦ୍ମନାଭଃ ପ୍ରଜାପତିଃ ॥

ଅମୃତ୍ୟୁଃ ସର୍ଵଦୃକ୍ ସିଂହଃ ସଂଧାତା ସଂଧିମାନ୍ ସ୍ଥିରଃ ।
ଅଜୋ ଦୁର୍ମର୍ଷଣଃ ଶାସ୍ତା ଵିଶ୍ରୁତାତ୍ମା ସୁରାରିହା ॥

ଗୁରୁର୍ଗୁରୁତମୋ ଧାମ ସତ୍ୟଃ ସତ୍ୟପରାକ୍ରମଃ ।
ନିମିଷୋଽନିମିଷଃ ସ୍ରଗ୍ଵୀ ଵାଚସ୍ପତିରୁଦାରଧୀଃ ॥

ଅଗ୍ରଣୀଗ୍ରାମଣୀଃ ଶ୍ରୀମାନ୍ ନ୍ୟାୟୋ ନେତା ସମୀରଣଃ
ସହସ୍ରମୂର୍ଧା ଵିଶ୍ଵାତ୍ମା ସହସ୍ରାକ୍ଷଃ ସହସ୍ରପାତ୍ ॥

ଆଵର୍ତନୋ ନିଵୃତ୍ତାତ୍ମା ସଂଵୃତଃ ସଂପ୍ରମର୍ଦନଃ ।
ଅହଃ ସଂଵର୍ତକୋ ଵହ୍ନିରନିଲୋ ଧରଣୀଧରଃ ॥

ସୁପ୍ରସାଦଃ ପ୍ରସନ୍ନାତ୍ମା ଵିଶ୍ଵଧୃଗ୍ଵିଶ୍ଵଭୁଗ୍ଵିଭୁଃ ।
ସତ୍କର୍ତା ସତ୍କୃତଃ ସାଧୁର୍ଜହ୍ନୁର୍ନାରାୟଣୋ ନରଃ ॥

ଅସଂଖ୍ୟେୟୋଽପ୍ରମେୟାତ୍ମା ଵିଶିଷ୍ଟଃ ଶିଷ୍ଟକୃଚ୍ଛୁଚିଃ ।
ସିଦ୍ଧାର୍ଥଃ ସିଦ୍ଧସଂକଲ୍ପଃ ସିଦ୍ଧିଦଃ ସିଦ୍ଧି ସାଧନଃ ॥

ଵୃଷାହୀ ଵୃଷଭୋ ଵିଷ୍ଣୁର୍ଵୃଷପର୍ଵା ଵୃଷୋଦରଃ ।
ଵର୍ଧନୋ ଵର୍ଧମାନଶ୍ଚ ଵିଵିକ୍ତଃ ଶ୍ରୁତିସାଗରଃ ॥

ସୁଭୁଜୋ ଦୁର୍ଧରୋ ଵାଗ୍ମୀ ମହେଂଦ୍ରୋ ଵସୁଦୋ ଵସୁଃ ।
ନୈକରୂପୋ ବୃହଦ୍ରୂପଃ ଶିପିଵିଷ୍ଟଃ ପ୍ରକାଶନଃ ॥

ଓଜସ୍ତେଜୋଦ୍ୟୁତିଧରଃ ପ୍ରକାଶାତ୍ମା ପ୍ରତାପନଃ ।
ଋଦ୍ଦଃ ସ୍ପଷ୍ଟାକ୍ଷରୋ ମଂତ୍ରଶ୍ଚଂଦ୍ରାଂଶୁର୍ଭାସ୍କରଦ୍ୟୁତିଃ ॥

ଅମୃତାଂଶୂଦ୍ଭଵୋ ଭାନୁଃ ଶଶବିଂଦୁଃ ସୁରେଶ୍ଵରଃ ।
ଔଷଧଂ ଜଗତଃ ସେତୁଃ ସତ୍ୟଧର୍ମପରାକ୍ରମଃ ॥

ଭୂତଭଵ୍ୟଭଵନ୍ନାଥଃ ପଵନଃ ପାଵନୋଽନଲଃ ।
କାମହା କାମକୃତ୍କାଂତଃ କାମଃ କାମପ୍ରଦଃ ପ୍ରଭୁଃ ॥

ୟୁଗାଦି କୃଦ୍ୟୁଗାଵର୍ତୋ ନୈକମାୟୋ ମହାଶନଃ ।
ଅଦୃଶ୍ୟୋ ଵ୍ୟକ୍ତରୂପଶ୍ଚ ସହସ୍ରଜିଦନଂତଜିତ୍ ॥

ଇଷ୍ଟୋଽଵିଶିଷ୍ଟଃ ଶିଷ୍ଟେଷ୍ଟଃ ଶିଖଂଡୀ ନହୁଷୋ ଵୃଷଃ ।
କ୍ରୋଧହା କ୍ରୋଧକୃତ୍କର୍ତା ଵିଶ୍ଵବାହୁର୍ମହୀଧରଃ ॥

ଅଚ୍ୟୁତଃ ପ୍ରଥିତଃ ପ୍ରାଣଃ ପ୍ରାଣଦୋ ଵାସଵାନୁଜଃ ।
ଅପାଂନିଧିରଧିଷ୍ଠାନମପ୍ରମତ୍ତଃ ପ୍ରତିଷ୍ଠିତଃ ॥

ସ୍କଂଦଃ ସ୍କଂଦଧରୋ ଧୁର୍ୟୋ ଵରଦୋ ଵାୟୁଵାହନଃ ।
ଵାସୁଦେଵୋ ବୃହଦ୍ଭାନୁରାଦିଦେଵଃ ପୁରଂଧରଃ ॥

ଅଶୋକସ୍ତାରଣସ୍ତାରଃ ଶୂରଃ ଶୌରିର୍ଜନେଶ୍ଵରଃ ।
ଅନୁକୂଲଃ ଶତାଵର୍ତଃ ପଦ୍ମୀ ପଦ୍ମନିଭେକ୍ଷଣଃ ॥

ପଦ୍ମନାଭୋଽରଵିଂଦାକ୍ଷଃ ପଦ୍ମଗର୍ଭଃ ଶରୀରଭୃତ୍ ।
ମହର୍ଧିରୃଦ୍ଧୋ ଵୃଦ୍ଧାତ୍ମା ମହାକ୍ଷୋ ଗରୁଡଧ୍ଵଜଃ ॥

ଅତୁଲଃ ଶରଭୋ ଭୀମଃ ସମୟଜ୍ଞୋ ହଵିର୍ହରିଃ ।
ସର୍ଵଲକ୍ଷଣଲକ୍ଷଣ୍ୟୋ ଲକ୍ଷ୍ମୀଵାନ୍ ସମିତିଂଜୟଃ ॥

ଵିକ୍ଷରୋ ରୋହିତୋ ମାର୍ଗୋ ହେତୁର୍ଦାମୋଦରଃ ସହଃ ।
ମହୀଧରୋ ମହାଭାଗୋ ଵେଗଵାନମିତାଶନଃ ॥

ଉଦ୍ଭଵଃ, କ୍ଷୋଭଣୋ ଦେଵଃ ଶ୍ରୀଗର୍ଭଃ ପରମେଶ୍ଵରଃ ।
କରଣଂ କାରଣଂ କର୍ତା ଵିକର୍ତା ଗହନୋ ଗୁହଃ ॥

ଵ୍ୟଵସାୟୋ ଵ୍ୟଵସ୍ଥାନଃ ସଂସ୍ଥାନଃ ସ୍ଥାନଦୋ ଧ୍ରୁଵଃ ।
ପରର୍ଧିଃ ପରମସ୍ପଷ୍ଟଃ ତୁଷ୍ଟଃ ପୁଷ୍ଟଃ ଶୁଭେକ୍ଷଣଃ ॥

ରାମୋ ଵିରାମୋ ଵିରଜୋ ମାର୍ଗୋନେୟୋ ନୟୋଽନୟଃ ।
ଵୀରଃ ଶକ୍ତିମତାଂ ଶ୍ରେଷ୍ଠୋ ଧର୍ମୋଧର୍ମ ଵିଦୁତ୍ତମଃ ॥

ଵୈକୁଂଠଃ ପୁରୁଷଃ ପ୍ରାଣଃ ପ୍ରାଣଦଃ ପ୍ରଣଵଃ ପୃଥୁଃ ।
ହିରଣ୍ୟଗର୍ଭଃ ଶତ୍ରୁଘ୍ନୋ ଵ୍ୟାପ୍ତୋ ଵାୟୁରଧୋକ୍ଷଜଃ ॥

ଋତୁଃ ସୁଦର୍ଶନଃ କାଲଃ ପରମେଷ୍ଠୀ ପରିଗ୍ରହଃ ।
ଉଗ୍ରଃ ସଂଵତ୍ସରୋ ଦକ୍ଷୋ ଵିଶ୍ରାମୋ ଵିଶ୍ଵଦକ୍ଷିଣଃ ॥

ଵିସ୍ତାରଃ ସ୍ଥାଵର ସ୍ଥାଣୁଃ ପ୍ରମାଣଂ ବୀଜମଵ୍ୟୟମ୍ ।
ଅର୍ଥୋଽନର୍ଥୋ ମହାକୋଶୋ ମହାଭୋଗୋ ମହାଧନଃ ॥

ଅନିର୍ଵିଣ୍ଣଃ ସ୍ଥଵିଷ୍ଠୋ ଭୂଦ୍ଧର୍ମୟୂପୋ ମହାମଖଃ ।
ନକ୍ଷତ୍ରନେମିର୍ନକ୍ଷତ୍ରୀ କ୍ଷମଃ, କ୍ଷାମଃ ସମୀହନଃ ॥

ୟଜ୍ଞ ଇଜ୍ୟୋ ମହେଜ୍ୟଶ୍ଚ କ୍ରତୁଃ ସତ୍ରଂ ସତାଂଗତିଃ ।
ସର୍ଵଦର୍ଶୀ ଵିମୁକ୍ତାତ୍ମା ସର୍ଵଜ୍ଞୋ ଜ୍ଞାନମୁତ୍ତମମ୍ ॥

ସୁଵ୍ରତଃ ସୁମୁଖଃ ସୂକ୍ଷ୍ମଃ ସୁଘୋଷଃ ସୁଖଦଃ ସୁହୃତ୍ ।
ମନୋହରୋ ଜିତକ୍ରୋଧୋ ଵୀର ବାହୁର୍ଵିଦାରଣଃ ॥

ସ୍ଵାପନଃ ସ୍ଵଵଶୋ ଵ୍ୟାପୀ ନୈକାତ୍ମା ନୈକକର୍ମକୃତ୍। ।
ଵତ୍ସରୋ ଵତ୍ସଲୋ ଵତ୍ସୀ ରତ୍ନଗର୍ଭୋ ଧନେଶ୍ଵରଃ ॥

ଧର୍ମଗୁବ୍ଧର୍ମକୃଦ୍ଧର୍ମୀ ସଦସତ୍କ୍ଷରମକ୍ଷରମ୍॥
ଅଵିଜ୍ଞାତା ସହସ୍ତ୍ରାଂଶୁର୍ଵିଧାତା କୃତଲକ୍ଷଣଃ ॥

ଗଭସ୍ତିନେମିଃ ସତ୍ତ୍ଵସ୍ଥଃ ସିଂହୋ ଭୂତ ମହେଶ୍ଵରଃ ।
ଆଦିଦେଵୋ ମହାଦେଵୋ ଦେଵେଶୋ ଦେଵଭୃଦ୍ଗୁରୁଃ ॥

ଉତ୍ତରୋ ଗୋପତିର୍ଗୋପ୍ତା ଜ୍ଞାନଗମ୍ୟଃ ପୁରାତନଃ ।
ଶରୀର ଭୂତଭୃଦ୍ ଭୋକ୍ତା କପୀଂଦ୍ରୋ ଭୂରିଦକ୍ଷିଣଃ ॥

ସୋମପୋଽମୃତପଃ ସୋମଃ ପୁରୁଜିତ୍ ପୁରୁସତ୍ତମଃ ।
ଵିନୟୋ ଜୟଃ ସତ୍ୟସଂଧୋ ଦାଶାର୍ହଃ ସାତ୍ଵତାଂ ପତିଃ ॥

ଜୀଵୋ ଵିନୟିତା ସାକ୍ଷୀ ମୁକୁଂଦୋଽମିତ ଵିକ୍ରମଃ ।
ଅଂଭୋନିଧିରନଂତାତ୍ମା ମହୋଦଧି ଶୟୋଂତକଃ ॥

ଅଜୋ ମହାର୍ହଃ ସ୍ଵାଭାଵ୍ୟୋ ଜିତାମିତ୍ରଃ ପ୍ରମୋଦନଃ ।
ଆନଂଦୋଽନଂଦନୋନଂଦଃ ସତ୍ୟଧର୍ମା ତ୍ରିଵିକ୍ରମଃ ॥

ମହର୍ଷିଃ କପିଲାଚାର୍ୟଃ କୃତଜ୍ଞୋ ମେଦିନୀପତିଃ ।
ତ୍ରିପଦସ୍ତ୍ରିଦଶାଧ୍ୟକ୍ଷୋ ମହାଶୃଂଗଃ କୃତାଂତକୃତ୍ ॥

ମହାଵରାହୋ ଗୋଵିଂଦଃ ସୁଷେଣଃ କନକାଂଗଦୀ ।
ଗୁହ୍ୟୋ ଗଭୀରୋ ଗହନୋ ଗୁପ୍ତଶ୍ଚକ୍ର ଗଦାଧରଃ ॥

ଵେଧାଃ ସ୍ଵାଂଗୋଽଜିତଃ କୃଷ୍ଣୋ ଦୃଢଃ ସଂକର୍ଷଣୋଽଚ୍ୟୁତଃ ।
ଵରୁଣୋ ଵାରୁଣୋ ଵୃକ୍ଷଃ ପୁଷ୍କରାକ୍ଷୋ ମହାମନାଃ ॥

ଭଗଵାନ୍ ଭଗହାଽଽନଂଦୀ ଵନମାଲୀ ହଲାୟୁଧଃ ।
ଆଦିତ୍ୟୋ ଜ୍ୟୋତିରାଦିତ୍ୟଃ ସହିଷ୍ଣୁର୍ଗତିସତ୍ତମଃ ॥

ସୁଧନ୍ଵା ଖଂଡପରଶୁର୍ଦାରୁଣୋ ଦ୍ରଵିଣପ୍ରଦଃ ।
ଦିଵଃସ୍ପୃକ୍ ସର୍ଵଦୃଗ୍ଵ୍ୟାସୋ ଵାଚସ୍ପତିରୟୋନିଜଃ ॥

ତ୍ରିସାମା ସାମଗଃ ସାମ ନିର୍ଵାଣଂ ଭେଷଜଂ ଭିଷକ୍ ।
ସନ୍ୟାସକୃଚ୍ଛମଃ ଶାଂତୋ ନିଷ୍ଠା ଶାଂତିଃ ପରାୟଣମ୍।

ଶୁଭାଂଗଃ ଶାଂତିଦଃ ସ୍ରଷ୍ଟା କୁମୁଦଃ କୁଵଲେଶୟଃ ।
ଗୋହିତୋ ଗୋପତିର୍ଗୋପ୍ତା ଵୃଷଭାକ୍ଷୋ ଵୃଷପ୍ରିୟଃ ॥

ଅନିଵର୍ତୀ ନିଵୃତ୍ତାତ୍ମା ସଂକ୍ଷେପ୍ତା କ୍ଷେମକୃଚ୍ଛିଵଃ ।
ଶ୍ରୀଵତ୍ସଵକ୍ଷାଃ ଶ୍ରୀଵାସଃ ଶ୍ରୀପତିଃ ଶ୍ରୀମତାଂଵରଃ ॥

ଶ୍ରୀଦଃ ଶ୍ରୀଶଃ ଶ୍ରୀନିଵାସଃ ଶ୍ରୀନିଧିଃ ଶ୍ରୀଵିଭାଵନଃ ।
ଶ୍ରୀଧରଃ ଶ୍ରୀକରଃ ଶ୍ରେୟଃ ଶ୍ରୀମା~ଂଲ୍ଲୋକତ୍ରୟାଶ୍ରୟଃ ॥

ସ୍ଵକ୍ଷଃ ସ୍ଵଂଗଃ ଶତାନଂଦୋ ନଂଦିର୍ଜ୍ୟୋତିର୍ଗଣେଶ୍ଵରଃ ।
ଵିଜିତାତ୍ମାଽଵିଧେୟାତ୍ମା ସତ୍କୀର୍ତିଚ୍ଛିନ୍ନସଂଶୟଃ ॥

ଉଦୀର୍ଣଃ ସର୍ଵତଶ୍ଚକ୍ଷୁରନୀଶଃ ଶାଶ୍ଵତସ୍ଥିରଃ ।
ଭୂଶୟୋ ଭୂଷଣୋ ଭୂତିର୍ଵିଶୋକଃ ଶୋକନାଶନଃ ॥

ଅର୍ଚିଷ୍ମାନର୍ଚିତଃ କୁଂଭୋ ଵିଶୁଦ୍ଧାତ୍ମା ଵିଶୋଧନଃ ।
ଅନିରୁଦ୍ଧୋଽପ୍ରତିରଥଃ ପ୍ରଦ୍ୟୁମ୍ନୋଽମିତଵିକ୍ରମଃ ॥

କାଲନେମିନିହା ଵୀରଃ ଶୌରିଃ ଶୂରଜନେଶ୍ଵରଃ ।
ତ୍ରିଲୋକାତ୍ମା ତ୍ରିଲୋକେଶଃ କେଶଵଃ କେଶିହା ହରିଃ ॥

କାମଦେଵଃ କାମପାଲଃ କାମୀ କାଂତଃ କୃତାଗମଃ ।
ଅନିର୍ଦେଶ୍ୟଵପୁର୍ଵିଷ୍ଣୁର୍ଵୀରୋଽନଂତୋ ଧନଂଜୟଃ ॥

ବ୍ରହ୍ମଣ୍ୟୋ ବ୍ରହ୍ମକୃଦ୍ ବ୍ରହ୍ମା ବ୍ରହ୍ମ ବ୍ରହ୍ମଵିଵର୍ଧନଃ ।
ବ୍ରହ୍ମଵିଦ୍ ବ୍ରାହ୍ମଣୋ ବ୍ରହ୍ମୀ ବ୍ରହ୍ମଜ୍ଞୋ ବ୍ରାହ୍ମଣପ୍ରିୟଃ ॥

ମହାକ୍ରମୋ ମହାକର୍ମା ମହାତେଜା ମହୋରଗଃ ।
ମହାକ୍ରତୁର୍ମହାୟଜ୍ଵା ମହାୟଜ୍ଞୋ ମହାହଵିଃ ॥

ସ୍ତଵ୍ୟଃ ସ୍ତଵପ୍ରିୟଃ ସ୍ତୋତ୍ରଂ ସ୍ତୁତିଃ ସ୍ତୋତା ରଣପ୍ରିୟଃ ।
ପୂର୍ଣଃ ପୂରୟିତା ପୁଣ୍ୟଃ ପୁଣ୍ୟକୀର୍ତିରନାମୟଃ ॥

ମନୋଜଵସ୍ତୀର୍ଥକରୋ ଵସୁରେତା ଵସୁପ୍ରଦଃ ।
ଵସୁପ୍ରଦୋ ଵାସୁଦେଵୋ ଵସୁର୍ଵସୁମନା ହଵିଃ ॥

ସଦ୍ଗତିଃ ସତ୍କୃତିଃ ସତ୍ତା ସଦ୍ଭୂତିଃ ସତ୍ପରାୟଣଃ ।
ଶୂରସେନୋ ୟଦୁଶ୍ରେଷ୍ଠଃ ସନ୍ନିଵାସଃ ସୁୟାମୁନଃ ॥

ଭୂତାଵାସୋ ଵାସୁଦେଵଃ ସର୍ଵାସୁନିଲୟୋଽନଲଃ ।
ଦର୍ପହା ଦର୍ପଦୋ ଦୃପ୍ତୋ ଦୁର୍ଧରୋଽଥାପରାଜିତଃ ॥

ଵିଶ୍ଵମୂର୍ତିର୍ମହାମୂର୍ତିର୍ଦୀପ୍ତମୂର୍ତିରମୂର୍ତିମାନ୍ ।
ଅନେକମୂର୍ତିରଵ୍ୟକ୍ତଃ ଶତମୂର୍ତିଃ ଶତାନନଃ ॥

ଏକୋ ନୈକଃ ସଵଃ କଃ କିଂ ୟତ୍ତତ୍ ପଦମନୁତ୍ତମମ୍ ।
ଲୋକବଂଧୁର୍ଲୋକନାଥୋ ମାଧଵୋ ଭକ୍ତଵତ୍ସଲଃ ॥

ସୁଵର୍ଣଵର୍ଣୋ ହେମାଂଗୋ ଵରାଂଗଶ୍ଚଂଦନାଂଗଦୀ ।
ଵୀରହା ଵିଷମଃ ଶୂନ୍ୟୋ ଘୃତାଶୀରଚଲଶ୍ଚଲଃ ॥

ଅମାନୀ ମାନଦୋ ମାନ୍ୟୋ ଲୋକସ୍ଵାମୀ ତ୍ରିଲୋକଧୃକ୍ ।
ସୁମେଧା ମେଧଜୋ ଧନ୍ୟଃ ସତ୍ୟମେଧା ଧରାଧରଃ ॥

ତେଜୋଽଵୃଷୋ ଦ୍ୟୁତିଧରଃ ସର୍ଵଶସ୍ତ୍ରଭୃତାଂଵରଃ ।
ପ୍ରଗ୍ରହୋ ନିଗ୍ରହୋ ଵ୍ୟଗ୍ରୋ ନୈକଶୃଂଗୋ ଗଦାଗ୍ରଜଃ ॥

ଚତୁର୍ମୂର୍ତି ଶ୍ଚତୁର୍ବାହୁ ଶ୍ଚତୁର୍ଵ୍ୟୂହ ଶ୍ଚତୁର୍ଗତିଃ ।
ଚତୁରାତ୍ମା ଚତୁର୍ଭାଵଶ୍ଚତୁର୍ଵେଦଵିଦେକପାତ୍ ॥

ସମାଵର୍ତୋଽନିଵୃତ୍ତାତ୍ମା ଦୁର୍ଜୟୋ ଦୁରତିକ୍ରମଃ ।
ଦୁର୍ଲଭୋ ଦୁର୍ଗମୋ ଦୁର୍ଗୋ ଦୁରାଵାସୋ ଦୁରାରିହା ॥

ଶୁଭାଂଗୋ ଲୋକସାରଂଗଃ ସୁତଂତୁସ୍ତଂତୁଵର୍ଧନଃ ।
ଇଂଦ୍ରକର୍ମା ମହାକର୍ମା କୃତକର୍ମା କୃତାଗମଃ ॥

ଉଦ୍ଭଵଃ ସୁଂଦରଃ ସୁଂଦୋ ରତ୍ନନାଭଃ ସୁଲୋଚନଃ ।
ଅର୍କୋ ଵାଜସନଃ ଶୃଂଗୀ ଜୟଂତଃ ସର୍ଵଵିଜ୍ଜୟୀ ॥

ସୁଵର୍ଣବିଂଦୁରକ୍ଷୋଭ୍ୟଃ ସର୍ଵଵାଗୀଶ୍ଵରେଶ୍ଵରଃ ।
ମହାହୃଦୋ ମହାଗର୍ତୋ ମହାଭୂତୋ ମହାନିଧିଃ ॥

କୁମୁଦଃ କୁଂଦରଃ କୁଂଦଃ ପର୍ଜନ୍ୟଃ ପାଵନୋଽନିଲଃ ।
ଅମୃତାଶୋଽମୃତଵପୁଃ ସର୍ଵଜ୍ଞଃ ସର୍ଵତୋମୁଖଃ ॥

ସୁଲଭଃ ସୁଵ୍ରତଃ ସିଦ୍ଧଃ ଶତ୍ରୁଜିଚ୍ଛତ୍ରୁତାପନଃ ।
ନ୍ୟଗ୍ରୋଧୋଽଦୁଂବରୋଽଶ୍ଵତ୍ଥଶ୍ଚାଣୂରାଂଧ୍ର ନିଷୂଦନଃ ॥

ସହସ୍ରାର୍ଚିଃ ସପ୍ତଜିହ୍ଵଃ ସପ୍ତୈଧାଃ ସପ୍ତଵାହନଃ ।
ଅମୂର୍ତିରନଘୋଽଚିଂତ୍ୟୋ ଭୟକୃଦ୍ଭୟନାଶନଃ ॥

ଅଣୁର୍ବୃହତ୍କୃଶଃ ସ୍ଥୂଲୋ ଗୁଣଭୃନ୍ନିର୍ଗୁଣୋ ମହାନ୍ ।
ଅଧୃତଃ ସ୍ଵଧୃତଃ ସ୍ଵାସ୍ୟଃ ପ୍ରାଗ୍ଵଂଶୋ ଵଂଶଵର୍ଧନଃ ॥

ଭାରଭୃତ୍ କଥିତୋ ୟୋଗୀ ୟୋଗୀଶଃ ସର୍ଵକାମଦଃ ।
ଆଶ୍ରମଃ ଶ୍ରମଣଃ, କ୍ଷାମଃ ସୁପର୍ଣୋ ଵାୟୁଵାହନଃ ॥

ଧନୁର୍ଧରୋ ଧନୁର୍ଵେଦୋ ଦଂଡୋ ଦମୟିତା ଦମଃ ।
ଅପରାଜିତଃ ସର୍ଵସହୋ ନିୟଂତାଽନିୟମୋଽୟମଃ ॥

ସତ୍ତ୍ଵଵାନ୍ ସାତ୍ତ୍ଵିକଃ ସତ୍ୟଃ ସତ୍ୟଧର୍ମପରାୟଣଃ ।
ଅଭିପ୍ରାୟଃ ପ୍ରିୟାର୍ହୋଽର୍ହଃ ପ୍ରିୟକୃତ୍ ପ୍ରୀତିଵର୍ଧନଃ ॥

ଵିହାୟସଗତିର୍ଜ୍ୟୋତିଃ ସୁରୁଚିର୍ହୁତଭୁଗ୍ଵିଭୁଃ ।
ରଵିର୍ଵିରୋଚନଃ ସୂର୍ୟଃ ସଵିତା ରଵିଲୋଚନଃ ॥

ଅନଂତୋ ହୁତଭୁଗ୍ଭୋକ୍ତା ସୁଖଦୋ ନୈକଜୋଽଗ୍ରଜଃ ।
ଅନିର୍ଵିଣ୍ଣଃ ସଦାମର୍ଷୀ ଲୋକଧିଷ୍ଠାନମଦ୍ଭୁତଃ ॥

ସନାତ୍ସନାତନତମଃ କପିଲଃ କପିରଵ୍ୟୟଃ ।
ସ୍ଵସ୍ତିଦଃ ସ୍ଵସ୍ତିକୃତ୍ସ୍ଵସ୍ତିଃ ସ୍ଵସ୍ତିଭୁକ୍ ସ୍ଵସ୍ତିଦକ୍ଷିଣଃ ॥

ଅରୌଦ୍ରଃ କୁଂଡଲୀ ଚକ୍ରୀ ଵିକ୍ରମ୍ୟୂର୍ଜିତଶାସନଃ ।
ଶବ୍ଦାତିଗଃ ଶବ୍ଦସହଃ ଶିଶିରଃ ଶର୍ଵରୀକରଃ ॥

ଅକ୍ରୂରଃ ପେଶଲୋ ଦକ୍ଷୋ ଦକ୍ଷିଣଃ, କ୍ଷମିଣାଂଵରଃ ।
ଵିଦ୍ଵତ୍ତମୋ ଵୀତଭୟଃ ପୁଣ୍ୟଶ୍ରଵଣକୀର୍ତନଃ ॥

ଉତ୍ତାରଣୋ ଦୁଷ୍କୃତିହା ପୁଣ୍ୟୋ ଦୁଃସ୍ଵପ୍ନନାଶନଃ ।
ଵୀରହା ରକ୍ଷଣଃ ସଂତୋ ଜୀଵନଃ ପର୍ୟଵସ୍ଥିତଃ ॥

ଅନଂତରୂପୋଽନଂତ ଶ୍ରୀର୍ଜିତମନ୍ୟୁର୍ଭୟାପହଃ ।
ଚତୁରଶ୍ରୋ ଗଭୀରାତ୍ମା ଵିଦିଶୋ ଵ୍ୟାଦିଶୋ ଦିଶଃ ॥

ଅନାଦିର୍ଭୂର୍ଭୁଵୋ ଲକ୍ଷ୍ମୀଃ ସୁଵୀରୋ ରୁଚିରାଂଗଦଃ ।
ଜନନୋ ଜନଜନ୍ମାଦିର୍ଭୀମୋ ଭୀମପରାକ୍ରମଃ ॥

ଆଧାରନିଲୟୋଽଧାତା ପୁଷ୍ପହାସଃ ପ୍ରଜାଗରଃ ।
ଊର୍ଧ୍ଵଗଃ ସତ୍ପଥାଚାରଃ ପ୍ରାଣଦଃ ପ୍ରଣଵଃ ପଣଃ ॥

ପ୍ରମାଣଂ ପ୍ରାଣନିଲୟଃ ପ୍ରାଣଭୃତ୍ ପ୍ରାଣଜୀଵନଃ ।
ତତ୍ତ୍ଵଂ ତତ୍ତ୍ଵଵିଦେକାତ୍ମା ଜନ୍ମମୃତ୍ୟୁଜରାତିଗଃ ॥

ଭୂର୍ଭୁଵଃ ସ୍ଵସ୍ତରୁସ୍ତାରଃ ସଵିତା ପ୍ରପିତାମହଃ ।
ୟଜ୍ଞୋ ୟଜ୍ଞପତିର୍ୟଜ୍ଵା ୟଜ୍ଞାଂଗୋ ୟଜ୍ଞଵାହନଃ ॥

ୟଜ୍ଞଭୃଦ୍ ୟଜ୍ଞକୃଦ୍ ୟଜ୍ଞୀ ୟଜ୍ଞଭୁକ୍ ୟଜ୍ଞସାଧନଃ ।
ୟଜ୍ଞାଂତକୃଦ୍ ୟଜ୍ଞଗୁହ୍ୟମନ୍ନମନ୍ନାଦ ଏଵ ଚ ॥

ଆତ୍ମୟୋନିଃ ସ୍ଵୟଂଜାତୋ ଵୈଖାନଃ ସାମଗାୟନଃ ।
ଦେଵକୀନଂଦନଃ ସ୍ରଷ୍ଟା କ୍ଷିତୀଶଃ ପାପନାଶନଃ ॥

ଶଂଖଭୃନ୍ନଂଦକୀ ଚକ୍ରୀ ଶାରଂଗଧନ୍ଵା ଗଦାଧରଃ ।
ରଥାଂଗପାଣିରକ୍ଷୋଭ୍ୟଃ ସର୍ଵପ୍ରହରଣାୟୁଧଃ ॥

ଶ୍ରୀ ସର୍ଵପ୍ରହରଣାୟୁଧ ଓଂ ନମ ଇତି ।

ଵନମାଲୀ ଗଦୀ ଶାରଂଗୀ ଶଂଖୀ ଚକ୍ରୀ ଚ ନଂଦକୀ ।
ଶ୍ରୀମାନ୍ନାରାୟଣୋ ଵିଷ୍ଣୁର୍ଵାସୁଦେଵୋଽଭିରକ୍ଷତୁ ॥

ଶ୍ରୀ ଵାସୁଦେଵୋଽଭିରକ୍ଷତୁ ଓଂ ନମ ଇତି ।

Read in More Languages:

• sanskritश्री विष्णु सहस्त्रनाम स्तोत्र
• hindiश्री विष्णु सहस्रनाम स्तोत्रम पाठ
• gujaratiવિષ્ણુ સહસ્રનામ
• sanskritभगवान विष्णु सहस्रनामावली

Found a Mistake or Error? Report it Now