অৰ্ধনাৰীশ্ৱৰ স্তুতি

|| অৰ্ধনাৰীশ্ৱৰ স্তুতি ||

॥ শ্ৰীঃ ॥

ৱন্দেমহ্যমলময়ূখমৌলিৰত্নং
দেৱস্য প্ৰকটিতসৰ্ৱমঙ্গলাখ্যম্ ।
অন্যোন্যং সদৃশমহীনকঙ্কণাঙ্কং
দেহাৰ্ধদ্ৱিতয়মুমাৰ্ধৰুদ্ধমূৰ্তেঃ ॥

তদ্ৱন্দ্ৱে গিৰিপতিপুত্ৰিকাৰ্ধমিশ্ৰং
শ্ৰৈকণ্ঠং ৱপুৰপুনৰ্ভৱায় যত্ৰ ।
ৱক্ত্ৰেন্দোৰ্ঘটয়তি খণ্ডিতস্য দেৱ্যা
সাধৰ্ম্যং মুকুটগতো মৃগাঙ্কখণ্ডঃ ॥

একত্ৰ স্ফটিকশিলামলং যদৰ্ধে
প্ৰত্যগ্ৰদ্ৰুতকনকোজ্জ্ৱলং পৰত্ৰ ।
বালাৰ্কদ্যুতিভৰপিঞ্জৰৈকভাগ-
প্ৰালেয়ক্ষিতিধৰশৃঙ্গভঙ্গিমেতি ॥

যত্ৰৈকং চকিতকুৰঙ্গভঙ্গি চক্ষুঃ
প্ৰোন্মীলৎকুচকলশোপশোভি ৱক্ষঃ ।
মধ্যং চ ঋশিমসমেতমুত্তমাঙ্গং
ভৃঙ্গালীৰুচিকচসঞ্চয়াঞ্চিতং চ ॥

স্ৰাভোগং ঘননিবিডং নিতম্ববিম্বং
পাদোঽপি স্ফুটমণিনূপুৰাভিৰামঃ ।
আলোক্য ক্ষণমিতি নন্দিনোঽপ্যকস্মা-
দাশ্চৰ্যং পৰমুদভূদভূতপূৰ্ৱম্ ॥

যত্ৰাৰ্ধং ঘটয়তি ভূৰিভূতিশুভ্ৰং
চন্দ্ৰাংশুচ্ছুৰিতকুবেৰশৈলশোভাম্ ।
অৰ্ধং চ প্ৰণিহিতকুঙ্কুমাঙ্গৰাগং
পৰ্যস্তাৰুণৰুচিকাঞ্চনাদ্ৰিমুদ্ৰাম্ ॥

যৎকান্তিং দধদপি কাঞ্চনাভিৰামাং
প্ৰোন্মীলদ্ভুজগশুভাঙ্গদোপগূঢম্ ।
বিভ্ৰাণং মুকুটমুপোঢচাৰুচন্দ্ৰং
সন্ধত্তে সপদি পৰস্পৰোপমানম্ ॥

আশ্চৰ্যং তৱ দয়িতে হিতং ৱিধাতুং
প্ৰাগল্ভ্যং কিমপি ভৱোপতাপভাজাম্ ।
অন্যোন্যং গতমিতি ৱাক্যমেকৱক্ত্ৰ-
প্ৰোদ্ভিন্নং ঘটয়তি যত্ৰ সামৰস্যম্ ॥

প্ৰত্যঙ্গং ঘনপৰিৰম্ভতঃ প্ৰকম্পং
ৱামাৰ্ধং ভুজগভয়াদিৱৈতি যত্ৰ ।
যত্ৰাপি স্ফুটপুলকং চকাস্তি শীত-
স্ৱঃসিন্ধুস্নপিততয়েৱ দক্ষিণাৰ্ধম্ ॥

একত্ৰ স্ফুৰতি ভুজঙ্গভোগভঙ্গি-
ৰ্নীলেন্দীৱৰদলমালিকা পৰত্ৰ ।
একত্ৰ প্ৰথয়তি ভাস্মনোঽঙ্গৰাগঃ
শুভ্ৰত্ৱং মলয়জৰঞ্জনং পৰত্ৰ ॥

একত্ৰাৰ্পয়তি ৱিষং গলস্য কাৰ্ষ্ণ্যং
কস্তূৰীকৃতমপি পুণ্ড্ৰকং পৰত্ৰ ।
একত্ৰ দ্যুতিৰমলাস্থিমালিকানা-
মন্যত্ৰ প্ৰসৰতি মৌক্তিকাৱলীনাম্ ॥

একত্ৰ স্ৰুতৰুধিৰা কৰীন্দ্ৰকৃত্তিঃ
কৌসুম্ভং ৱসনমনশ্ৱৰং পৰত্ৰ ।
ইত্যাদীন্যপি হি পৰস্পৰং ৱিৰুদ্ধা-
ন্যেকত্ৱং দধতি ৱিচিত্ৰধাম্নি যত্ৰ ॥

দন্তানাং সিতিমনি কজ্জলপ্ৰয়ুক্তে
মালিন্যেঽপ্যলিকৱিলোচনস্য যত্ৰ ।
ৰক্তত্ৱে কৰচৰণাধৰস্য চান্যো
নান্যোন্যং সমজনি নূতনো ৱিশেষঃ ॥

কণ্ঠস্য ভ্ৰমৰনিভা ৱিভাৰ্ধভাগং
মুক্ত্ৱা কিং স্থিতিমকৰোচ্ছিৰোৰুহাৰ্ধে ।
অৰ্ধং ৱা কনকসদৃগ্ৰুচিঃ কচানাং
সন্ত্যজ্য ন্যৱিশত কিং গলৈকদেশে ॥

সৌৱৰ্ণঃ কৰকমলে যথৈৱ ৱামে
সৱ্যেঽপি ধ্ৰুৱমভৱত্তথৈৱ কুম্ভঃ ।
ক্ৰীডৈকপ্ৰসৃতমতিৰ্ৱিভুৰ্বিভৰ্তি
স্ৱাচ্ছন্দ্যাদুৰসি তমেৱ নূনমেনম্ ॥

যত্ৰাসীজ্জগদখিলং যুগাৱসানে
পূৰ্ণত্ৱং যদুচিতমত্ৰ মধ্যভাগে ।
সংৰম্ভাদ্গলিতমদস্তদেৱ নূনং
ৱিশ্ৰান্তং ঘনকঠিনে নিতম্ববিম্বে ॥

ইত্যাদীন্প্ৰৱিদধুৰেৱ যত্ৰ তাৱ-
ৎসঙ্কল্পান্প্ৰথমসমাগমে গণেন্দ্ৰাঃ ।
যাৱৎস প্ৰণতিৱিধৌ পদাৰৱিন্দং
ভৃঙ্গীশঃ পৰিহৰতি স্ম নাম্বিকায়াঃ ॥

কিময়ং শিৱঃ কিমু শিৱাথ শিৱা-
ৱিতি যত্ৰ ৱন্দনৱিধৌ ভৱতি ।
অৱিভাৱ্যমেৱ ৱচনং ৱিদুষা-
মৱিভাৱ্যমেৱ ৱচনং ৱিদুষাম্ ॥

একঃ স্তনঃ সমুচিতোন্নতিৰেকমক্ষি
লক্ষ্যাঞ্জনং তনুৰপি ক্ৰশিমান্ৱিতেতি ।
লিঙ্গৈস্ত্ৰিভিৰ্ৱ্যৱসিতে সৱিভক্তিকেঽপি
যত্ৰাৱ্যযত্ৱমৱিখণ্ডিতমেৱ ভাতি ॥

যত্ৰ ধ্ৰুৱং হৃদয় এৱ যদৈক্যমাসী-
দ্ৱাক্কায়যোৰপি পুনঃ পতিতং তদেৱ ।
যস্মাৎসতাং হৃদি যদেৱ তদেৱ ৱাচি
যচ্চৈৱ ৱাচি কৰণেঽপ্যুচিতং তদেৱ ॥

কান্তে শিৱে ত্ৱয়ি ৱিৰূঢমিদং মনশ্চ
মূৰ্তিশ্চ মে হৃদয়সম্মদদায়িনীতি ।
অন্যোন্যমভ্যভিহিতং ৱিতনোতি যত্ৰ
সাধাৰণস্মিতমনোৰমতাং মুখস্য ॥

উদ্যন্নিৰুত্তৰপৰস্পৰসামৰস্য-
সম্ভাৱনৱ্যসনিনোৰনৱদ্যহৃদ্যম্ ।
অদ্ৱৈতমুত্তমচমৎকৃতিসাধনং ত-
দ্যুষ্মাকমস্তু শিৱয়োঃ শিৱয়োজনায় ॥

লক্ষ্যাণ্যলক্ষ্যাণ্যপৰত্ৰ যত্ৰ
ৱিলক্ষণান্যেৱ হি লক্ষণানি
সাহিত্যমত্যদ্ভুতমীশয়োস্ত-
ন্ন কস্য ৰোমাঞ্চমুদঞ্চয়েত ॥

জূটাহেৰ্মুকুটেন্দ্ৰনীলৰুচিভিঃ শ্যামং দধত্যূৰ্ধ্ৱগং
ভাগং ৱহ্নিশিখাপিশঙ্গমধৰং মধ্যে সুধাচ্ছচ্ছৱিঃ ।
ধত্তে শক্ৰধনুঃশ্ৰিয়ং প্ৰতিমিতা যত্ৰেন্দুলেখানৃজু-
ৰ্যুষ্মাকং স পয়োধৰো ভগৱতো হৰ্ষামৃতং ৱৰ্ষতু ॥

ইত্যৰ্ধনাৰীশ্ৱৰস্তুতিঃ সম্পূৰ্ণা ॥

Read in More Languages:

• bengaliঅর্ধনারীশ্বর স্তুতি
• gujaratiઅર્ધનારીશ્વર સ્તુતિ
• kannadaಅರ್ಧನಾರೀಶ್ವರ ಸ್ತುತಿ
• punjabiਅਰ੍ਧਨਾਰੀਸ਼੍ਵਰ ਸ੍ਤੁਤਿ
• malayalamഅർധനാരീശ്വര സ്തുതി
• sanskritअर्धनारीश्वर स्तुति
• teluguఅర్ధనారీశ్వర స్తుతి
• tamilஅர்த⁴நாரீஶ்வர ஸ்துதி
• odiaଅର୍ଧନାରୀଶ୍ୱର ସ୍ତୁତି
• hindiशिव जी स्तुति
• marathiशिव स्तुती मराठीत
• englishShiva Swarnamala Stuti
• sanskritशिव स्वर्णमाला स्तुति
• sanskritभैरवरूप शिव स्तुति
• englishShri Bhairavaroop Shiv Stuti

Found a Mistake or Error? Report it Now