தீனபந்த்வஷ்டகம்

|| தீனபந்த்வஷ்டகம் ||

யஸ்மாதி³த³ம் ஜக³து³தே³தி சதுர்முகா²த்³யம்
யஸ்மிந்நவஸ்தி²தமஶேஷமஶேஷமூலே ।
யத்ரோபயாதி விளயம் ச ஸமஸ்தமந்தே
த்³ருக்³கோ³சரோ ப⁴வது மே(அ)த்³ய ஸ தீ³நப³ந்து⁴꞉ ॥ 1 ॥

சக்ரம் ஸஹஸ்ரகரசாரு கராரவிந்தே³
கு³ர்வீ க³தா³ த³ரவரஶ்ச விபா⁴தி யஸ்ய ।
பக்ஷீந்த்³ரப்ருஷ்ட²பரிரோபிதபாத³பத்³மோ
த்³ருக்³கோ³சரோ ப⁴வது மே(அ)த்³ய ஸ தீ³நப³ந்து⁴꞉ ॥ 2 ॥

யேநோத்³த்⁴ருதா வஸுமதீ ஸலிலே நிமக்³நா
நக்³நா ச பாண்ட³வவதூ⁴꞉ ஸ்த²கி³தா து³கூலை꞉ ।
ஸம்மோசிதோ ஜலசரஸ்ய முகா²த்³க³ஜேந்த்³ரோ
த்³ருக்³கோ³சரோ ப⁴வது மே(அ)த்³ய ஸ தீ³நப³ந்து⁴꞉ ॥ 3 ॥

யஸ்யார்த்³ரத்³ருஷ்டிவஶதஸ்து ஸுரா꞉ ஸம்ருத்³தி⁴ம்
கோபேக்ஷணேந த³நுஜா விளயம் வ்ரஜந்தி ।
பீ⁴தாஶ்சரந்தி ச யதோ(அ)ர்கயமாநிலாத்³யா꞉
த்³ருக்³கோ³சரோ ப⁴வது மே(அ)த்³ய ஸ தீ³நப³ந்து⁴꞉ ॥ 4 ॥

கா³யந்தி ஸாமகுஶலா யமஜம் மகே²ஷு
த்⁴யாயந்தி தீ⁴ரமதயோ யதயோ விவிக்தே ।
பஶ்யந்தி யோகி³புருஷா꞉ புருஷம் ஶரீரே
த்³ருக்³கோ³சரோ ப⁴வது மே(அ)த்³ய ஸ தீ³நப³ந்து⁴꞉ ॥ 5 ॥

ஆகாரரூபகு³ணயோக³விவர்ஜிதோ(அ)பி
ப⁴க்தாநுகம்பநநிமித்தக்³ருஹீதமூர்தி꞉ ।
ய꞉ ஸர்வகோ³(அ)பி க்ருதஶேஷஶரீரஶய்யோ
த்³ருக்³கோ³சரோ ப⁴வது மே(அ)த்³ய ஸ தீ³நப³ந்து⁴꞉ ॥ 6 ॥

யஸ்யாங்க்⁴ரிபங்கஜமநித்³ரமுநீந்த்³ரப்³ருந்தை³-
-ராராத்⁴யதே ப⁴வத³வாநலதா³ஹஶாந்த்யை ।
ஸர்வாபராத⁴மவிசிந்த்ய மமாகி²லாத்மா
த்³ருக்³கோ³சரோ ப⁴வது மே(அ)த்³ய ஸ தீ³நப³ந்து⁴꞉ ॥ 7 ॥

யந்நாமகீர்தநபர꞉ ஶ்வபசோ(அ)பி நூநம்
ஹித்வாகி²லம் கலிமலம் பு⁴வநம் புநாதி ।
த³க்³த்⁴வா மமாக⁴மகி²லம் கருணேக்ஷணேந
த்³ருக்³கோ³சரோ ப⁴வது மே(அ)த்³ய ஸ தீ³நப³ந்து⁴꞉ ॥ 8 ॥

தீ³நப³ந்த்⁴வஷ்டகம் புண்யம் ப்³ரஹ்மாநந்தே³ந பா⁴ஷிதம் ।
ய꞉ படே²த் ப்ரயதோ நித்யம் தஸ்ய விஷ்ணு꞉ ப்ரஸீத³தி ॥ 9 ॥

இதி ஶ்ரீமத்பரமஹம்ஸ ஸ்வாமி ப்³ரஹ்மாநந்த³ விரசிதம் தீ³நப³ந்த்⁴வஷ்டகம் ।

Found a Mistake or Error? Report it Now