|| ధనలక్ష్మీ స్తోత్రం ||
శ్రీధనదా ఉవాచ-
దేవీ దేవముపాగమ్య నీలకంఠం మమ ప్రియం .
కృపయా పార్వతీ ప్రాహ శంకరం కరుణాకరం ..
శ్రీదేవ్యువాచ-
బ్రూహి వల్లభ సాధూనాం దరిద్రాణాం కుటుంబినాం .
దరిద్ర-దలనోపాయమంజసైవ ధనప్రదం ..
శ్రీశివ ఉవాచ-
పూజయన్ పార్వతీవాక్యమిదమాహ మహేశ్వరః .
ఉచితం జగదంబాసి తవ భూతానుకంపయా ..
ససీతం సానుజం రామం సాంజనేయం సహానుగం .
ప్రణమ్య పరమానందం వక్ష్యేఽహం స్తోత్రముత్తమం ..
ధనదం శ్రద్దధానానాం సద్యః సులభకారకం .
యోగక్షేమకరం సత్యం సత్యమేవ వచో మమ ..
పఠంతః పాఠయంతోఽపి బ్రాహ్మణైరాస్తికోత్తమైః .
ధనలాభో భవేదాశు నాశమేతి దరిద్రతా ..
భూభవాంశభవాం భూత్యై భక్తికల్పలతాం శుభాం .
ప్రార్థయేత్తాం యథాకామం కామధేనుస్వరూపిణీం ..
ధర్మదే ధనదే దేవి దానశీలే దయాకరే .
త్వం ప్రసీద మహేశాని యదర్థం ప్రార్థయామ్యహం ..
ధరామరప్రియే పుణ్యే ధన్యే ధనదపూజితే .
సుధనం ధార్మికం దేహి యజమానాయ సత్వరం ..
రమ్యే రుద్రప్రియే రూపే రామరూపే రతిప్రియే .
శశిప్రభమనోమూర్తే ప్రసీద ప్రణతే మయి ..
ఆరక్తచరణాంభోజే సిద్ధిసర్వార్థదాయికే .
దివ్యాంబరధరే దివ్యే దివ్యమాల్యోపశోభితే ..
సమస్తగుణసంపన్నే సర్వలక్షణలక్షితే .
శరచ్చంద్రముఖే నీలే నీలనీరజలోచనే ..
చంచరీకచమూచారుశ్రీహారకుటిలాలకే .
మత్తే భగవతి మాతః కలకంఠరవామృతే ..
హాసావలోకనైర్దివ్యైర్భక్తచింతాపహారికే .
రూపలావణ్యతారూణ్యకారుణ్యగుణభాజనే ..
క్వణత్కంకణమంజీరే లసల్లీలాకరాంబుజే .
రుద్రప్రకాశితే తత్త్వే ధర్మాధారే ధరాలయే ..
ప్రయచ్ఛ యజమానాయ ధనం ధర్మైకసాధనం .
మాతస్త్వం మేఽవిలంబేన దిశస్వ జగదంబికే ..
కృపయా కరుణాగారే ప్రార్థితం కురు మే శుభే .
వసుధే వసుధారూపే వసువాసవవందితే ..
ధనదే యజమానాయ వరదే వరదా భవ .
బ్రహ్మణ్యైర్బ్రాహ్మణైః పూజ్యే పార్వతీశివశంకరే ..
స్తోత్రం దరిద్రతావ్యాధిశమనం సుధనప్రదం .
శ్రీకరే శంకరే శ్రీదే ప్రసీద మయి కింకరే ..
పార్వతీశప్రసాదేన సురేశకింకరేరితం .
శ్రద్ధయా యే పఠిష్యంతి పాఠయిష్యంతి భక్తితః ..
సహస్రమయుతం లక్షం ధనలాభో భవేద్ ధ్రువం .
ధనదాయ నమస్తుభ్యం నిధిపద్మాధిపాయ చ .
భవంతు త్వత్ప్రసాదాన్మే ధనధాన్యాదిసంపదః ..
- malayalamലക്ഷ്മീ നരസിംഹ ശരണാഗതി സ്തോത്രം
- teluguలక్ష్మీ నరసింహ శరణాగతి స్తోత్రం
- tamilலட்சுமி நரசிம்ம சரணாகதி ஸ்தோத்திரம்
- kannadaಲಕ್ಷ್ಮೀ ನರಸಿಂಹ ಶರಣಾಗತಿ ಸ್ತೋತ್ರ
- hindiलक्ष्मी नृसिंह शरणागति स्तोत्र
- malayalamലക്ഷ്മീ അഷ്ടക സ്തോത്രം
- teluguలక్ష్మీ అష్టక స్తోత్రం
- tamilலட்சுமி அஷ்டக ஸ்தோத்திரம்
- hindiलक्ष्मी अष्टक स्तोत्र
- malayalamമഹാലക്ഷ്മി സുപ്രഭാത സ്തോത്രം
- teluguమహాలక్ష్మి సుప్రభాత స్తోత్రం
- tamilமகாலட்சுமி சுப்ரபாதம்
- kannadaಮಹಾಲಕ್ಷ್ಮಿ ಸುಪ್ರಭಾತ ಸ್ತೋತ್ರ
- sanskritमहालक्ष्मी सुप्रभात स्तोत्र
- malayalamധനലക്ഷ്മീ സ്തോത്രം
Found a Mistake or Error? Report it Now
