|| శ్రీ దుర్గా ఆపదుద్ధారక స్తోత్రం ||
నమస్తే శరణ్యే శివే సానుకంపే
నమస్తే జగద్వ్యాపికే విశ్వరూపే |
నమస్తే జగద్వంద్యపాదారవిందే
నమస్తే జగత్తారిణి త్రాహి దుర్గే ||
నమస్తే జగచ్చింత్యమానస్వరూపే
నమస్తే మహాయోగిని జ్ఞానరూపే |
నమస్తే నమస్తే సదానందరూపే
నమస్తే జగత్తారిణి త్రాహి దుర్గే ||
అనాథస్య దీనస్య తృష్ణాతురస్య
భయార్తస్య భీతస్య బద్ధస్య జంతోః |
త్వమేకా గతిర్దేవి నిస్తారకర్త్రీ
నమస్తే జగత్తారిణి త్రాహి దుర్గే ||
అరణ్యే రణే దారుణే శత్రుమధ్యే-
-ఽనలే సాగరే ప్రాంతరే రాజగేహే |
త్వమేకా గతిర్దేవి నిస్తారనౌకా
నమస్తే జగత్తారిణి త్రాహి దుర్గే ||
అపారే మహాదుస్తరేఽత్యంతఘోరే
విపత్సాగరే మజ్జతాం దేహభాజామ్ |
త్వమేకా గతిర్దేవి నిస్తారహేతు-
-ర్నమస్తే జగత్తారిణి త్రాహి దుర్గే ||
నమశ్చండికే చండదుర్దండలీలా-
సముత్ఖండితా ఖండితా శేషశత్రోః |
త్వమేకా గతిర్దేవి నిస్తారబీజం
నమస్తే జగత్తారిణి త్రాహి దుర్గే ||
త్వమేకా సదారాధితా సత్యవాది-
-న్యనేకాఖిలా క్రోధనాత్క్రోధనిష్ఠా |
ఇడా పింగళా త్వం సుషుమ్నా చ నాడీ
నమస్తే జగత్తారిణి త్రాహి దుర్గే ||
నమో దేవి దుర్గే శివే భీమనాదే
సదాసర్వసిద్ధిప్రదాతృస్వరూపే |
విభూతిః శచీ కాలరాత్రీ సతీ త్వం
నమస్తే జగత్తారిణి త్రాహి దుర్గే ||
శరణమసి సురాణాం
సిద్ధవిద్యాధరాణాం
మునిమనుజపశూనాం
దస్యుభిస్త్రాసితానాం |
నృపతిగృహగతానాం
వ్యాధిభిః పీడితానాం
త్వమసి శరణమేకా దేవి
దుర్గే ప్రసీద ||
ఇదం స్తోత్రం మయా
ప్రోక్తమాపదుద్ధారహేతుకమ్ |
త్రిసంధ్యమేకసంధ్యం వా
పఠనాద్ఘోరసంకటాత్ ||
ముచ్యతే నాత్ర సందేహో
భువి స్వర్గే రసాతలే |
సర్వం వా శ్లోకమేకం వా యః
పఠేద్భక్తిమాన్ సదా ||
స సర్వం దుష్కృతం త్యక్త్వా
ప్రాప్నోతి పరమం పదమ్ |
పఠనాదస్య దేవేశి కిం
న సిద్ధ్యతి భూతలే |
స్తవరాజమిదం దేవి
సంక్షేపాత్కథితం మయా ||
ఇతి శ్రీసిద్ధేశ్వరీతంత్రే
ఉమామహేశ్వరసంవాదే శ్రీ
దుర్గా ఆపదుద్ధార స్తోత్రమ్ |
- teluguశ్రీ దుర్గా స్తోత్రం అర్జున కృతం
- teluguనవ దుర్గా స్తోత్రం
- tamilதுர்கா மானஸ் பூஜை ஸ்தோத்திரம்
- hindiमहिषासुर मर्दिनी स्तोत्रम्
- kannadaಶ್ರೀ ದೇವ್ಯಥರ್ವಶೀರ್ಷಂ
- kannadaದುರ್ಗಾ ಮಾನಸ ಪೂಜಾ ಸ್ತೋತ್ರಮ್
- odiaଦୁର୍ଗା ମାନସ ପୂଜା ଷ୍ଟୋଟ୍ରାମ
- teluguDurga Manas Puja Stotram Telugu
- punjabiਦੁਰਗਾ ਮਾਨਸ ਪੂਜਾ ਸਟੋਰਮ
- bengaliদুর্গা মানস পূজা ষ্টোরম
- malayalamദുർഗ്ഗ മാനസ് പൂജ സ്റ്റോരം
- gujaratiશ્રીદુર્ગામાનસ પૂજા સ્તોત્રમ
- sanskritश्री शान्तादुर्गा देविप्रणति स्तोत्रं
- sanskritदेवी अपराध क्षमापन स्तोत्र हिन्दी अर्थ सहित
- englishApadunmulan Durga Stotram
Found a Mistake or Error? Report it Now
