શ્રી દુર્ગા નક્ષત્ર માલિકા સ્તુતિ PDF ગુજરાતી

શ્રી દુર્ગા નક્ષત્ર માલિકા સ્તુતિ ગુજરાતી Lyrics

|| શ્રી દુર્ગા નક્ષત્ર માલિકા સ્તુતિ ||

વિરાટનગરં રમ્યં ગચ્છમાનો યુધિષ્ઠિરઃ ।
અસ્તુવન્મનસા દેવીં દુર્ગાં ત્રિભુવનેશ્વરીમ્ ॥ 1 ॥

યશોદાગર્ભસંભૂતાં નારાયણવરપ્રિયામ્ ।
નંદગોપકુલેજાતાં મંગળ્યાં કુલવર્ધનીમ્ ॥ 2 ॥

કંસવિદ્રાવણકરીં અસુરાણાં ક્ષયંકરીમ્ ।
શિલાતટવિનિક્ષિપ્તાં આકાશં પ્રતિગામિનીમ્ ॥ 3 ॥

વાસુદેવસ્ય ભગિનીં દિવ્યમાલ્ય વિભૂષિતામ્ ।
દિવ્યાંબરધરાં દેવીં ખડ્ગખેટકધારિણીમ્ ॥ 4 ॥

ભારાવતરણે પુણ્યે યે સ્મરંતિ સદાશિવામ્ ।
તાન્વૈ તારયતે પાપાત્ પંકેગામિવ દુર્બલામ્ ॥ 5 ॥

સ્તોતું પ્રચક્રમે ભૂયો વિવિધૈઃ સ્તોત્રસંભવૈઃ ।
આમંત્ર્ય દર્શનાકાંક્ષી રાજા દેવીં સહાનુજઃ ॥ 6 ॥

નમોઽસ્તુ વરદે કૃષ્ણે કુમારિ બ્રહ્મચારિણિ ।
બાલાર્ક સદૃશાકારે પૂર્ણચંદ્રનિભાનને ॥ 7 ॥

ચતુર્ભુજે ચતુર્વક્ત્રે પીનશ્રોણિપયોધરે ।
મયૂરપિંછવલયે કેયૂરાંગદધારિણિ ॥ 8 ॥

ભાસિ દેવિ યદા પદ્મા નારાયણપરિગ્રહઃ ।
સ્વરૂપં બ્રહ્મચર્યં ચ વિશદં તવ ખેચરિ ॥ 9 ॥

કૃષ્ણચ્છવિસમા કૃષ્ણા સંકર્ષણસમાનના ।
બિભ્રતી વિપુલૌ બાહૂ શક્રધ્વજસમુચ્છ્રયૌ ॥ 10 ॥

પાત્રી ચ પંકજી કંઠી સ્ત્રી વિશુદ્ધા ચ યા ભુવિ ।
પાશં ધનુર્મહાચક્રં વિવિધાન્યાયુધાનિ ચ ॥ 11 ॥

કુંડલાભ્યાં સુપૂર્ણાભ્યાં કર્ણાભ્યાં ચ વિભૂષિતા ।
ચંદ્રવિસ્પાર્ધિના દેવિ મુખેન ત્વં વિરાજસે ॥ 12 ॥

મુકુટેન વિચિત્રેણ કેશબંધેન શોભિના ।
ભુજંગાઽભોગવાસેન શ્રોણિસૂત્રેણ રાજતા ॥ 13 ॥

ભ્રાજસે ચાવબદ્ધેન ભોગેનેવેહ મંદરઃ ।
ધ્વજેન શિખિપિંછાનાં ઉચ્છ્રિતેન વિરાજસે ॥ 14 ॥

કૌમારં વ્રતમાસ્થાય ત્રિદિવં પાવિતં ત્વયા ।
તેન ત્વં સ્તૂયસે દેવિ ત્રિદશૈઃ પૂજ્યસેઽપિ ચ ॥ 15 ॥

ત્રૈલોક્ય રક્ષણાર્થાય મહિષાસુરનાશિનિ ।
પ્રસન્ના મે સુરશ્રેષ્ઠે દયાં કુરુ શિવા ભવ ॥ 16 ॥

જયા ત્વં વિજયા ચૈવ સંગ્રામે ચ જયપ્રદા ।
મમાઽપિ વિજયં દેહિ વરદા ત્વં ચ સાંપ્રતમ્ ॥ 17 ॥

વિંધ્યે ચૈવ નગશ્રેષ્ટે તવ સ્થાનં હિ શાશ્વતમ્ ।
કાળિ કાળિ મહાકાળિ સીધુમાંસ પશુપ્રિયે ॥ 18 ॥

કૃતાનુયાત્રા ભૂતૈસ્ત્વં વરદા કામચારિણિ ।
ભારાવતારે યે ચ ત્વાં સંસ્મરિષ્યંતિ માનવાઃ ॥ 19 ॥

પ્રણમંતિ ચ યે ત્વાં હિ પ્રભાતે તુ નરા ભુવિ ।
ન તેષાં દુર્લભં કિંચિત્ પુત્રતો ધનતોઽપિ વા ॥ 20 ॥

દુર્ગાત્તારયસે દુર્ગે તત્વં દુર્ગા સ્મૃતા જનૈઃ ।
કાંતારેષ્વવપન્નાનાં મગ્નાનાં ચ મહાર્ણવે ॥ 21 ॥
(દસ્યુભિર્વા નિરુદ્ધાનાં ત્વં ગતિઃ પરમા નૃણામ)

જલપ્રતરણે ચૈવ કાંતારેષ્વટવીષુ ચ ।
યે સ્મરંતિ મહાદેવીં ન ચ સીદંતિ તે નરાઃ ॥ 22 ॥

ત્વં કીર્તિઃ શ્રીર્ધૃતિઃ સિદ્ધિઃ હ્રીર્વિદ્યા સંતતિર્મતિઃ ।
સંધ્યા રાત્રિઃ પ્રભા નિદ્રા જ્યોત્સ્ના કાંતિઃ ક્ષમા દયા ॥ 23 ॥

નૃણાં ચ બંધનં મોહં પુત્રનાશં ધનક્ષયમ્ ।
વ્યાધિં મૃત્યું ભયં ચૈવ પૂજિતા નાશયિષ્યસિ ॥ 24 ॥

સોઽહં રાજ્યાત્પરિભ્રષ્ટઃ શરણં ત્વાં પ્રપન્નવાન્ ।
પ્રણતશ્ચ યથા મૂર્ધ્ના તવ દેવિ સુરેશ્વરિ ॥ 25 ॥

ત્રાહિ માં પદ્મપત્રાક્ષિ સત્યે સત્યા ભવસ્વ નઃ ।
શરણં ભવ મે દુર્ગે શરણ્યે ભક્તવત્સલે ॥ 26 ॥

એવં સ્તુતા હિ સા દેવી દર્શયામાસ પાંડવમ્ ।
ઉપગમ્ય તુ રાજાનમિદં વચનમબ્રવીત્ ॥ 27 ॥

શૃણુ રાજન્ મહાબાહો મદીયં વચનં પ્રભો ।
ભવિષ્યત્યચિરાદેવ સંગ્રામે વિજયસ્તવ ॥ 28 ॥

મમ પ્રસાદાન્નિર્જિત્ય હત્વા કૌરવ વાહિનીમ્ ।
રાજ્યં નિષ્કંટકં કૃત્વા ભોક્ષ્યસે મેદિનીં પુનઃ ॥ 29 ॥

ભ્રાતૃભિઃ સહિતો રાજન્ પ્રીતિં પ્રાપ્સ્યસિ પુષ્કલામ્ ।
મત્પ્રસાદાચ્ચ તે સૌખ્યં આરોગ્યં ચ ભવિષ્યતિ ॥ 30 ॥

યે ચ સંકીર્તયિષ્યંતિ લોકે વિગતકલ્મષાઃ ।
તેષાં તુષ્ટા પ્રદાસ્યામિ રાજ્યમાયુર્વપુસ્સુતમ્ ॥ 31 ॥

પ્રવાસે નગરે ચાપિ સંગ્રામે શત્રુસંકટે ।
અટવ્યાં દુર્ગકાંતારે સાગરે ગહને ગિરૌ ॥ 32 ॥

યે સ્મરિષ્યંતિ માં રાજન્ યથાહં ભવતા સ્મૃતા ।
ન તેષાં દુર્લભં કિંચિદસ્મિન્ લોકે ભવિષ્યતિ ॥ 33 ॥

ય ઇદં પરમસ્તોત્રં ભક્ત્યા શૃણુયાદ્વા પઠેત વા ।
તસ્ય સર્વાણિ કાર્યાણિ સિધ્ધિં યાસ્યંતિ પાંડવાઃ ॥ 34 ॥

મત્પ્રસાદાચ્ચ વસ્સર્વાન્ વિરાટનગરે સ્થિતાન્ ।
ન પ્રજ્ઞાસ્યંતિ કુરવઃ નરા વા તન્નિવાસિનઃ ॥ 35 ॥

ઇત્યુક્ત્વા વરદા દેવી યુધિષ્ઠિરમરિંદમમ્ ।
રક્ષાં કૃત્વા ચ પાંડૂનાં તત્રૈવાંતરધીયત ॥ 38 ॥