दुर्गा शरणागति स्तोत्र PDF

Download PDF of Durga Sharanagati Stotram Hindi

Durga Ji ✦ Stotram (स्तोत्र निधि) ✦ हिन्दी

|| दुर्गा शरणागति स्तोत्र || दुर्ज्ञेयां वै दुष्टसम्मर्दिनीं तां दुष्कृत्यादिप्राप्तिनाशां परेशाम्। दुर्गात्त्राणां दुर्गुणानेकनाशां दुर्गां देवीं शरणमहं प्रपद्ये। गीर्वाणेशीं गोजयप्राप्तितत्त्वां वेदाधारां गीतसारां गिरिस्थाम्। लीलालोलां सर्वगोत्रप्रभूतां दुर्गां देवीं शरणमहं प्रपद्ये। देवीं दिव्यानन्ददानप्रधानां दिव्यां मूर्तिं धैर्यदां देविकां ताम्। देवैर्वन्द्यां दीनदारिद्र्यनाशां दुर्गां देवीं शरणमहं प्रपद्ये। वीणानादप्रेयसीं वाद्यमुख्यै- र्गीतां वाणीरूपिकां वाङ्मयाख्याम्। वेदादौ तां सर्वदा यां स्तुवन्ति दुर्गां देवीं शरणमहं प्रपद्ये।...