श्रीगणेशपञ्चाशन्नामस्तोत्रम्

|| श्रीगणेशपञ्चाशन्नामस्तोत्रम् ||

श्री गणेशाय नमः ।

ऋषय ऊचुः ।
गणेशो गणनाथश्च हेरम्बो गिरिशात्मजः ।
पार्वतीनन्दनो वीरो देवराजो गजाननः ॥ १॥

लम्बोदरो विघ्नराजो योगी सद्योगलक्षणः ।
अग्रपूज्यश्चतुर्बाहुरेकदन्तो लिपीश्वरः ॥ २॥

व्याघ्रचर्माम्बरो धीरः सदामङ्गलरूपवान् ।
शुक्लास्यो मूषिकारोही केवलो मोक्षदायकः ॥ ३॥

पद्मी दन्तकरो दन्ती वैष्णवः परमार्थदृक् ।
पञ्चपाणिः पञ्चवक्त्रः शिवः शङ्कर ईश्वरः ॥ ४॥

हरिगाता नृत्यकारी शिवपुत्रः स्रवन्मदः ।
आनन्दान्दोलितमनाः शैवो धर्मो धनेश्वरः ॥ ५॥

अनन्तो जगदाधारः शशिसूर्यविलोचनः ।
समुद्रपाता सामुद्रः समुद्रजठरो यमः ॥ ६॥

दिव्यरूपो वारिनाथो जयश्च विजयस्तथा ।
नामान्येतानि पञ्चाशद्गणेशस्य पठेन्नरः ॥ ७॥

यात्रायां पूजने दाने श्राद्धे गङ्गावगाहने ।
पुत्रादिमङ्गले कार्ये प्रत्यहञ्च त्रिसन्ध्यकम् ॥ ८॥

श‍ृणुयाद्यः भक्तियुक्तो विघ्नास्तस्य विमूर्छिताः ।
प्रत्यहं मङ्गलं तस्य धनपुत्रादिसम्भवम् ।
इष्टदेवमहाभक्तिदायकं वाञ्छितार्थदम् ॥ ९॥

इति श्रीगणेशपञ्चाशन्नामस्तोत्रं सम्पूर्णम् ।

• englishShri Mahaganesh Panchratna Stotra
• englishShatru Sanharakam Shri Aik Dant Stotram
• englishShri Santan Ganpati Stotra
• englishShri Pancharatna Ganpati Stotram
• hindiश्री पंचरत्न गणपति स्तोत्र 
• hindiश्री पंचरत्न गणपति स्तोत्रम् अर्थ सहित
• hindiश्री संतानगणपति स्तोत्रम् अर्थ सहित
• hindiश्री गणाधिपत स्तोत्रम्
• sanskritशत्रु संहारकम श्री ऐक दन्त स्तोत्रम्
• sanskritश्रीगणेशापराधक्षमापण स्तोत्रम्
• sanskritगणेश्वरस्तोत्रम् अथवा गाणेशतेजोवर्धनस्तोत्रम्
• sanskritश्रीगणेशावतारस्तोत्रम्
• sanskritश्रीगणेशापराधक्षमापणस्तोत्रम्
• sanskritसाधुकृतं श्रीगणेशस्तोत्रम्
• sanskritसदेवर्षिर्दक्षकृतं श्रीगणेशस्तोत्रम्

Found a Mistake or Error? Report it Now