जाजलिर्कृतं श्रीगणेशस्तोत्रम्

|| जाजलिर्कृतं श्रीगणेशस्तोत्रम् ||

॥ श्रीगणेशाय नमः ॥

जाजलिरुवाच ।
नमस्ते ब्रह्मनाथाय बल्लालेशस्वरूपिणे ।
बल्लालवरदात्रे ते गणेशाय नमो नमः ॥ ११०॥

विघ्नेशाय महाविघ्ननाशनाय परात्मने ।
भक्तानां भक्तनाथायाभक्तानां विघ्नकारिणे ॥ १११॥

परात्परतरायैव सगुणाय चतुर्भुज ।
निर्गुणाय तयोर्योगे हेरम्बाय नमो नमः ॥ ११२॥

वक्रतुण्डाय देवायैकदन्ताय महोदर ।
लम्बोदराय सर्वेषां मात्रे पित्रे नमो नमः ॥ ११३॥

स्वानन्दवासिने तुभ्यं सदा स्वानन्दभोगिने ।
नानामायाप्रचालाय मायिकाय नमो नमः ॥ ११४॥

सिद्धिबुद्धिपते तुभ्यं सिद्धिबुद्धिमयाय ते ।
अमेयशक्तये चैव शक्तिहीनाय ते नमः ॥ ११५॥

देवाय दानवायैव देवदानवमर्दिने ।
सर्वाकाराय सर्वेभ्यो हीनाय ते नमो नमः ॥ ११६॥

योगानां योगनाथाय शान्तीनां शान्तिरूपिणे ।
ब्रह्मणां पतये तुभ्यं चिन्तामणे नमो नमः ॥ ११७॥

किं स्तौमि त्वां गणाध्यक्ष यत्र वेदा विसिस्मिरे ।
धन्योऽहं सर्वभावैः पश्यामि त्वां योगरूपिणम् ॥ ११८॥

एवमुक्त्वा गणेशानं ननाम भक्तिभावतः ।
तमुत्थाप्य गणेशानो जगाद भक्तवत्सलः ॥ ११९॥

(फलश्रुतिः)
श्रीगणेश उवाच ।
त्वया कृतमिदं स्तोत्रं सर्वसिद्धिकरं भवेत् ।
पठतां श‍ृण्वतां विप्र मयि भक्तिविवर्धनम् ॥ १२०॥

वरान् ब्रूहि महाभाग दास्यामि मनसीप्सितान् ।
तपसा भक्तिभावेन तुष्टो व्रतेन निश्चितम् ॥ १२१॥

इति जाजलिर्कृतं श्रीगणेशस्तोत्रं सम्पूर्णम् ॥

• hindiऋणहर्ता श्री गणेश स्तोत्रम्
• marathiश्री गणपति अथर्वशीर्ष स्तोत्रम
• gujaratiશ્રી ગણપતિ અથર્વશીર્ષ સ્તોત્રમ
• hindiश्री गणपति अथर्वशीर्ष स्तोत्रम हिन्दी पाठ अर्थ सहित (विधि – लाभ)
• sanskritश्री भानुविनायक स्तोत्रम्
• hindiसिद्धि विनायक स्तोत्र
• tamilஶ்ரீ பா⁴நுவிநாயக ஸ்தோத்ரம்
• kannadaಶ್ರೀ ಭಾನುವಿನಾಯಕ ಸ್ತೋತ್ರಂ
• teluguశ్రీ భానువినాయక స్తోత్రం
• sanskritश्री अष्टविनायकस्तोत्रम्
• hindiएकदन्त शरणागति स्तोत्रम्
• englishShri Gajanana Stotram
• englishShri Ganeshashtak Stotram
• englishShri Ganadhipat Stotram
• hindiश्री गणाधिपत स्तोत्रम् अर्थ सहित

Found a Mistake or Error? Report it Now