चन्द्रकृता श्रीगणेशस्तुतिः

|| चन्द्रकृता श्रीगणेशस्तुतिः ||

चन्द्र उवाच ।
नमामि देवं द्विरदाननं तं यः सर्वविघ्नं हरते जनानाम् ।
धर्मार्थकामाँस्तनुतेऽखिलानां तस्मै नमो विघ्नविनाशनाय ॥ ४१॥

कृपानिधे ब्रह्ममयाय देव ! विश्वात्मने विश्वविधानदक्ष ! ।
विश्वस्य बीजाय जगन्मयाय त्रैलोक्यसंहारकृते नमस्ते ॥ ४२॥

त्रयीमयाऽखिलबुद्धिदात्रे बुद्धिप्रदीपाय सुराधिपाय ।
नित्याय सत्याय च नित्यबुद्धे ! नित्यं निरीहाय नमोऽस्तु नित्यम् ॥ ४३॥

अज्ञानदोषेण कृतोऽपराधस्तं क्षन्तुमर्होऽसि दयाकर ! त्वम् ।
तवापि दोषः शरणागतस्य त्यागे महात्मन् ! कुरु मेऽनुकम्पाम् ॥ ४४॥

ब्रह्मोवाच ।
इति तद्वचनं श्रुत्वा सुप्रसन्नो गजाननः ।
तस्मै वरान् ददौ देवः स्तुत्या नत्या सुतोषितः ॥ ४५॥

यथापूर्वं स्थितं रूपं तथा तत् ते भविष्यति ।
भाद्रशुक्लचतुर्थ्यां त्वां यो नरः सम्प्रपश्यति ॥ ४६॥

तस्याभिशापो नूनं स्यात् पापं हानिश्च मूर्खता ।
तस्यामदर्शनीयोऽसि यदुक्तं मे सुरैः सह ॥ ४७॥

कृष्णपक्षे चतुर्थ्यां तु व्रतं यत् क्रियते नरैः ।
तवोदयेऽहं पूज्यस्त्वं पूजनीयः प्रयत्नतः ॥ ४८॥

दर्शनीयः प्रयत्नेन विपरीते व्रतं वृथा ।
ललाटे कलया तिष्ठ मम प्रीतिकरः शशिन् ॥ ४९॥

प्रतिमासं दिद्वतीयायां नमस्यश्च भविष्यसि ।
एवं लब्धवरश्चन्द्रो यथापूर्वोऽभवत् तदा ॥ ५०॥

इति चन्द्रकृता श्रीगणेशस्तुतिः सम्पूर्णा ॥

• hindiवक्रतुंड स्तुति
• sanskritश्री विनायक स्तुतिः
• tamilஶ்ரீ விநாயக ஸ்துதி꞉
• kannadaಶ್ರೀ ವಿನಾಯಕ ಸ್ತುತಿಃ
• teluguశ్రీ వినాయక స్తుతిః
• sanskritश्री हेरम्ब स्तुति
• sanskritगोकर्ण गणाधिपस्तुती
• sanskritस्वायम्भुवकृता श्रीगणेशस्तुतिः
• sanskritससर्वस्वानन्दकृता श्रीगणेशस्तुतिः
• sanskritसर्वेकृता श्रीगणेशस्तुतिः
• sanskritश्र्योङ्काराकृता श्रीगणेशस्तुतिः
• sanskritशौनकौर्वौकृता श्रीगणेशस्तुतिः
• sanskritशेषकृता श्रीगणेशस्तुतिः
• sanskritशिवकृता श्रीगणेशस्तुतिः
• sanskritशनिश्चरकृता श्रीगणेशस्तुतिः

Found a Mistake or Error? Report it Now