देवपत्नीकृता श्रीगणेशस्तुतिः

|| देवपत्नीकृता श्रीगणेशस्तुतिः ||

देवपत्न्याः ऊचुः
नमस्ते सर्वरूपाय सर्वान्तर्यामिणे नमः ।
नमः सर्वकृते तुभ्यं सर्वदात्रे कृपालवे ॥ २॥

नमः सर्वविनाशाय नमस्तेऽनन्तशक्तये ।
नमः सर्वप्रबोधाय सर्वपात्रेऽखिलादये ॥ ३॥

परब्रह्मस्वरूपाय निर्गुणाय नमो नमः ।
चिदानन्दस्वरूपाय वेदानामप्यगोचर ॥ ४॥

मायाश्रयायामेयाय गुणातीताय ते नमः ।
सत्यायासत्यरूपाय गुणाविक्षोभकारिणे ॥ ५॥

शरणागतपालाय दैत्यदानवभेदिने ।
नमो नानावताराय विश्वरक्षणतत्पर ॥ ६॥

अनेकायुधहस्ताय सर्वशत्रुनिबर्हण ।
अनेकवरदात्रे ते भक्तानां हितकारक ॥ ७॥

क उवाच ।
एवं स्तुत्वा पुनर्नत्वा याचन्ति स्म वरान् बहून् ।
देवानां जलरूपाणां स्वरूपाणि प्रयच्छ भोः ॥ ८॥

नास्मृतिः सर्वदा ते स्यात्तथा कर्तुमिहार्हसि ।
फलश्रुतिः –
गणेश उवाच ।
ददामि वाञ्छितं वोऽहमनुष्ठानवशीकृतः ॥ ९॥

स्तुत्याऽनयाशु सन्तुष्टस्तथाऽस्तु वचनं तु वः ।
सावित्र्या वचनाज्जाता जलभूताः सुराः शुभाः ॥ १०॥

तद्वाक्यमन्यथा कर्तुं न हि शक्तः पितामहः ।
निजं स्वरूपं यास्यन्ति स्थित्वांऽशेन तथाविधान् ॥ ११॥

स्वाधिकारान् प्रपत्स्यन्ते नान्यथा भाषितं मम ।
शमीपत्रैः पूजयन्तू यूयं देवास्तु मामिह ॥ १२॥

येनर्पितं शमीपत्रं भुवनं तेन चार्पितम् ।
सुवर्णशतभाराणां फलं प्राप्तं न संशयः ॥ १३॥

इति देवपत्नीकृता श्रीगणेशस्तुतिः सम्पूर्णा ॥

• hindiवक्रतुंड स्तुति
• sanskritश्री विनायक स्तुतिः
• tamilஶ்ரீ விநாயக ஸ்துதி꞉
• kannadaಶ್ರೀ ವಿನಾಯಕ ಸ್ತುತಿಃ
• teluguశ్రీ వినాయక స్తుతిః
• sanskritश्री हेरम्ब स्तुति
• sanskritगोकर्ण गणाधिपस्तुती
• sanskritस्वायम्भुवकृता श्रीगणेशस्तुतिः
• sanskritससर्वस्वानन्दकृता श्रीगणेशस्तुतिः
• sanskritसर्वेकृता श्रीगणेशस्तुतिः
• sanskritश्र्योङ्काराकृता श्रीगणेशस्तुतिः
• sanskritशौनकौर्वौकृता श्रीगणेशस्तुतिः
• sanskritशेषकृता श्रीगणेशस्तुतिः
• sanskritशिवकृता श्रीगणेशस्तुतिः
• sanskritशनिश्चरकृता श्रीगणेशस्तुतिः

Found a Mistake or Error? Report it Now