ऋषिपुत्राकृता श्रीगणेशस्तुतिः

|| ऋषिपुत्राकृता श्रीगणेशस्तुतिः ||

॥ श्रीगणेशाय नमः ॥

ऋषिपुत्रा ऊचुः ।
नमस्ते वक्रतुण्डाय भक्तरक्षकरूपिणे ।
ब्रह्माकाराय देवाय ब्रह्मभूताय ते नमः ॥ ५॥

मनोवागतिरूपाय मनोवारगम्यमूर्तये ।
योगाकाराय योगाय योगिने ते नमो नमः ॥ ६॥

निराकाराय विघ्नेश भक्तविघ्ननिवारक ।
शान्तिरूपाय सर्वत्र शान्तिदाय नमो नमः ॥ ७॥

सृष्टिरक्षणसंहारकारिणे ते नमो नमः ।
सर्वपूज्याय सर्वाय नमः सर्वादिमूर्तये ॥ ८॥

मायाविकारहीनाय मायिने मोहदायिने ।
मायाधाराय मायायाश्चालकाय नमो नमः ॥ ९॥

अनन्तविभयायैवानन्तोदारपराक्रम ।
अनन्ताननहस्ताय सर्वसाक्षिन्नमोऽस्तु ते ॥ १०॥

वेदान्तागम्यरूपस्त्वं दृष्टो वै भाग्यगौरवात् ।
स्तुतिं कर्तुं समर्था न वयं तव गजानन ॥ ११॥

धन्यो नो जनको देव वयं धन्यतमा विभो ।
विद्या व्रतं तपो मन्त्रोऽस्माकं गणपदर्शनात् ॥ १२॥

वरदश्चेदेकदन्त भक्तिं देहि दृढां त्वयि ।
यया मायामयो मोहो नश्येद्वै वरद प्रभो ॥ १३॥

स्वस्वकार्येषु सामर्थ्यं देहि देव गजानन ।
यद्यदिच्छामहे तत्तत् सफलं भवतु प्रभो ॥ १४॥

एवमुक्त्वा पूजयन्त उपचारैरनेकशः ।
प्रणेमुर्भक्तियुक्तास्तं सरोमाञ्चा बभूविरे ॥ १५॥

ततस्तानब्रवीद्देवो भवतां यच्चिकीर्षितम् ।
तदेव सफलं सर्वं भविष्यति न संशयः ॥ १६॥

(फलश्रुतिः)
भक्तिर्मदीयपादेषु भविष्यति सुखप्रदा ।
सामर्थ्यं स्वस्वकार्येषु दृढा ख्यातिर्भविष्यति ॥ १७॥

भवत्कृतमिदं स्तोत्रं सर्वसिद्धिकरं भवेत् ।
यः श‍ृणोति नरो भक्त्या पठेद्वै तस्य सिद्धिदम् ॥ १८॥

एकविंशतिवारं च पठेत्तावद्दिनानि यः ।
स सद्यः फलमाप्नोति चित्तेप्सितमसंशयम् ॥ १९॥

एवमुक्त्वा गणाधीशस्तत्रैवान्तरधीयत ।
ते च स्वस्वगृहे सर्वे ययुर्हर्षसमन्विताः ॥ २०॥

स्त्रियश्च पुरुषाः सर्वे दक्षकन्या समुद्भवाः ।
सुखिनः स्वस्वकार्येषु बभूवुर्ज्ञानसंयुताः ॥ २१॥

इति ऋषिपुत्राकृता श्रीगणेशस्तुतिः सम्पूर्णा ॥

• sanskritस्वायम्भुवकृता श्रीगणेशस्तुतिः
• sanskritससर्वस्वानन्दकृता श्रीगणेशस्तुतिः
• sanskritसर्वेकृता श्रीगणेशस्तुतिः
• sanskritश्र्योङ्काराकृता श्रीगणेशस्तुतिः
• sanskritशौनकौर्वौकृता श्रीगणेशस्तुतिः
• sanskritशेषकृता श्रीगणेशस्तुतिः
• sanskritशिवकृता श्रीगणेशस्तुतिः
• sanskritशनिश्चरकृता श्रीगणेशस्तुतिः
• sanskritशक्रकृता श्रीगणेशस्तुतिः
• sanskritशक्तिकृता श्रीगणेशस्तुतिः
• sanskritवृन्दाकृता श्रीगणेशस्तुतिः
• sanskritवामनकृता श्रीगणेशस्तुतिः
• sanskritवामदेवकृता श्रीगणेशस्तुतिः
• sanskritवसिष्ठकृता श्रीगणेशस्तुतिः
• sanskritरेणुकाजमदग्नीकृता श्रीगणेशस्तुतिः

Found a Mistake or Error? Report it Now