કૂર્મ સ્તોત્રમ્

|| કૂર્મ સ્તોત્રમ્ ||

શ્રી ગણેશાય નમઃ ..

નમામ તે દેવ પદારવિન્દં પ્રપન્નતાપોપશમાતપત્રમ્ .
યન્મૂલકેતા યતયોઽઞ્જસોરુસંસારદુઃખં બહિરુત્ક્ષિપન્તિ ..

ધાતર્યદસ્મિન્ભવ ઈશ જીવાસ્તાપત્રયેણોપહતા ન શર્મ .
આત્મઁલભન્તે ભગવંસ્તવાઙ્ઘ્રિચ્છાયાં સવિદ્યામત આશ્રયેમ ..

માર્ગન્તિ યત્તે મુખપદ્મનીડૈશ્છન્દઃસુપર્ણૈરૃષયો વિવિક્તે .
યસ્યાઘમર્ષોદસરિદ્વરાયાઃ પદં પદં તીર્થપદઃ પ્રપન્નાઃ ..

યચ્છ્રદ્ધયા શ્રુતવત્યાં ચ ભક્ત્યા સંમૃજ્યમાને હૃદયેઽવધાય .
જ્ઞાનેન વૈરાગ્યબલેન ધીરા વ્રજેમ તત્તેઽઙ્ઘ્રિસરોજપીઠમ્ ..

વિશ્વસ્ય જન્મસ્થિતિસંયમાર્થે કૃતાવતારસ્ય પદામ્બુજં તે .
વ્રજેમ સર્વે શરણં યદીશ સ્મૃતં પ્રયચ્છત્યભયં સ્વપુંસામ્ ..

યત્સાનુબન્ધેઽસતિ દેહગેહે મમાહમિત્યૂઢદુરાગ્રહાણામ્ .
પુંસાં સુદૂરં વસતોઽપિ પુર્યાં ભજેમ તત્તે ભગવન્પદાબ્જમ્ ..

તાન્વા અસદ્વૃત્તિભિરક્ષિભિર્યે પરાહૃતાન્તર્મનસઃ પરેશ .
અથો ન પશ્યન્ત્યુરુગાય નૂનં યે તે પદન્યાસવિલાસલક્ષ્મ્યાઃ ..

પાનેન તે દેવ કથાસુધાયાઃ પ્રવૃદ્ધભક્ત્યા વિશદાશયા યે .
વૈરાગ્યસારં પ્રતિલભ્ય બોધં યથાઞ્જસાન્વીયુરકુણ્ઠધિષ્ણ્યમ્ ..

તથાપરે ચાત્મસમાધિયોગબલેન જિત્વા પ્રકૃતિં બલિષ્ઠામ્ .
ત્વામેવ ધીરાઃ પુરુષં વિશન્તિ તેષાં શ્રમઃ સ્યાન્ન તુ સેવયા તે ..

તત્તે વયં લોકસિસૃક્ષયાદ્ય ત્વયાનુસૃષ્ટાસ્ત્રિભિરાત્મભિઃ સ્મ .
સર્વે વિયુક્તાઃ સ્વવિહારતન્ત્રં ન શક્નુમસ્તત્પ્રતિહર્તવે તે ..

યાવદ્બલિં તેઽજ હરામ કાલે યથા વયં ચાન્નમદામ યત્ર .
યથોભયેષાં ત ઇમે હિ લોકા બલિં હરન્તોઽન્નમદન્ત્યનૂહાઃ ..

ત્વં નઃ સુરાણામસિ સાન્વયાનાં કૂટસ્થ આદ્યઃ પુરુષઃ પુરાણઃ .
ત્વં દેવશક્ત્યાં ગુણકર્મયોનૌ રેતસ્ત્વજાયાં કવિમાદધેઽજઃ ..

તતો વયં સત્પ્રમુખા યદર્થે બભૂવિમાત્મન્કરવામ કિં તે .
ત્વં નઃ સ્વચક્ષુઃ પરિદેહિ શક્ત્યા દેવક્રિયાર્થે યદનુગ્રહાણામ્ ..

ઇતિ શ્રીમદ્ભાગવતપુરાણાન્તર્ગતં કૂર્મસ્તોત્રં સમાપ્તમ્ ..

Found a Mistake or Error? Report it Now