Languages: संस्कृत

|| देवैः कृतं कपिलमुनिस्तोत्रम् || देवा ऊचुः । नमस्ते योगिने तुभ्यं साङ्ख्ययोगरताय च । नररूपप्रतिच्छन्नजिष्णवे विष्णवे नमः ॥ ८२॥ नमः परेशभक्ताय लोकानुग्रहहेतवे । संसारारण्यदावाग्ने धर्मपालनसेतवे ॥ ८३॥ महते वीतरागाय तुभ्यं भूयो नमो नमः । सागरैः पीडितानस्मांस्त्रायस्व शरणागतान् ॥ ८४॥ इति श्रीबृहन्नारदीयपुराणे पूर्वभागे अष्टाध्यायान्तर्गतं देवैः कृतं कपिलमुनिस्तोत्रं समाप्तम् ।

|| औदुम्बरपादुकास्तोत्रम् || वन्दे वाङ्मनसातीतं निर्गुणं सगुणं गुरुम् । दत्तमात्रेयमानन्दकन्दं भक्तेष्टपूरकम् ॥ १॥ नमामि सततं दत्तमौदुम्बरनिवासिनम् । यतीन्द्ररूपं च सदा निजानन्दप्रबोधनम् ॥ २॥ कृष्णा यदग्रे भुवनेशानी विद्यानिधिस्तथा । औदुम्बराः कल्पवृक्षाः सर्वतः सुखदाः सदा ॥ ३॥ भक्तवृन्दान्दर्शनतः पुरुषार्थचतुष्टयम् । ददाति भगवान् भूमा सच्चिदानन्दविग्रहः ॥ ४॥ जागर्ति गुप्तरूपेण गोप्ता ध्यानसमाधितः । ब्रह्मवृन्दं ब्रह्मसुखं ददाति समदृष्टितः ॥ ५॥…

|| अष्टदिक्पालकस्तोत्रम् || श्री इन्द्रस्तुतिः – पूर्व (East) ऐरावतगजारूढं स्वर्णवर्णं किरीटिनम् । सहस्रनयनं शक्रं वज्रपाणिं विभावयेत् ॥ १॥ श्री अग्निस्तुतिः – आग्नेय (Southeast) सप्तार्चिषं च बिभ्राणमक्षमालां कमण्डलुम् । ज्वालमालाकुलं रक्तं शक्तिहस्तं चकासतम् ॥ २॥ श्री यमस्तुतिः – दक्षिण (South) कृतान्तं महिषारूढं दण्डहस्तं भयानकम् । कालपाशधरं कृष्णं ध्यायेत् दक्षिणदिक्पतिम् ॥ ३॥ श्री निरृत्यस्तुतिः – नैरृत्य (Southwest)…

|| अश्विनीकुमारस्तोत्रम् || श्रीगणेशाय नमः । प्रपूर्वगौ पूर्वजौ चित्रभानू गिरा वां शंसामि तपसा ह्यनन्तौ । दिव्यौ सुपर्णौ विरजौ विमानावधिक्षिपन्तौ भुवनानि विश्वा ॥ १॥ हिरण्मयौ शकुनी साम्परायौ नासत्यदस्रौ सुनसौ वैजयन्ती । शुक्लं वयन्तौ तरसा सुवेमावधिव्ययन्तावसितं विवस्वतः ॥ २॥ ग्रस्तां सुपर्णस्य बलेन वर्तिकाममुञ्चतावश्विनौ सौभगाय । तावत्सुवृत्ता वनमन्तमाययावसत्तमा गा अरुणा उदावहत् ॥ ३॥ षष्टिश्च गावस्त्रिशताश्च धेनव एकं वत्सं…

|| अश्वत्थस्तोत्रम् || श्रीनारद उवाच अनायासेन लोकोऽयम् सर्वान् कामानवाप्नुयात् । सर्वदेवात्मकं चैकं तन्मे ब्रूहि पितामह ॥ १॥ ब्रह्मोवाच – श्रुणु देव मुनेऽश्वत्थं शुद्धं सर्वात्मकं तरुम् । यत्प्रदक्षिणतो लोकः सर्वान् कामान् समश्नुते ॥ २॥ अश्वत्थाद्दक्षिणे रुद्रः पश्चिमे विष्णुरास्थितः । ब्रह्मा चोत्तरदेशस्थः पूर्वेत्विन्द्रादिदेवताः ॥ ३॥ स्कन्धोपस्कन्धपत्रेषु गोविप्रमुनयस्तथा । मूलं वेदाः पयो यज्ञाः संस्थिता मुनिपुङ्गव ॥ ४॥ पूर्वादिदिक्षु…

|| अवलोकितेश्वराष्टोत्तरशतनामस्तोत्रम् || ॐ नमोऽवलोकितेश्वराय । पद्मसत्त्व महापद्म लोकेश्वर महेश्वर । अवलोकितेश धीराग्र्य वज्रधर्म नमोऽस्तु ते ॥ १॥ धर्मराज महाशुद्ध सत्त्वराज महामते । पद्मात्मक महापद्म पद्मनाथ नमोऽस्तु ते ॥ २॥ पद्मोद्भव सुपद्माभ पद्मशुद्ध सुशोधक । वज्रपद्म सुपद्माङ्क पद्मपद्म नमोऽस्तु ते ॥ ३॥ महाविश्व महालोक महाकाय महोपम । महाधीर महावीर महाशौरे नमोऽस्तु ते ॥ ४॥ सत्त्वाशय…

|| अवलोकितेश्वराष्टकस्तोत्रम् || ॐ नमोऽवलोकितेश्वराय । स्तुत्वा गुणैरनुपमैरनुबिन्दुपात्रं स्तोत्रं मया कृतमिदं जडवालिशेन । लोकेश्वरं गुणनिधिं गुणसागरं च नित्यं नमामि शिरसाञ्जलिसम्पुटेन ॥ १॥ प्राणेषु यन् स्रवति येन रसाम्बुपारान् क्षुत्तृष्णदुःखपरिपीडितसर्वसत्त्वान् । एवंविधं जगदिदं परिपालनाय तस्मै नमोऽस्तु सततं हि यथार्थनाम्ने ॥ २॥ सत्कुङ्कुमात्तमरुणाङ्कसमानवर्णं द्वात्रिंशलक्षणविभूषितगात्रशोभम् । सर्वेषु यस्य करुणामयवत्सलत्वं तस्मै नमामि भवते करुणामयाय ॥ ३॥ संसारसागरमहालयनाशदक्ष एकस्त्वमेव शरणं भुवि…

|| श्री अणु राघवेन्द्रस्तोत्रम् || पूज्याय राघवेन्द्राय सत्यधर्मरताय च । भजतां कल्पवृक्षाय नमतां कामधेनवे ॥ १॥ दुर्वादिध्वान्तरवये वैष्णवेन्दीवरेन्दवे । श्रीराघवेन्द्रगुरवे नमोऽत्यन्तदयालवे ॥ २॥ श्रीसुधीन्द्राब्धिसम्भूतान् राघवेन्द्रकलानिधीन् । सेवे सज्ज्ञानसौख्यार्थं सन्तापत्रयशान्तये ॥ ३॥ (सत्ज्ञान) अघं द्रावयते यस्माद्वेङ्कारो वाञ्छितप्रदः । राघवेन्द्रयतिस्तस्माल्लोके ख्यातो भविष्यति ॥ ४॥ व्यासेन व्युप्तबीजः श्रुतिभुवि भगवत्पादलब्धाङ्कुरश्रीः ब्रध्नैरीषत्प्रभिन्नोऽजनि जयमुनिना सम्यगुद्भिन्नशाखः । मौनीशव्यासराजादुदितकिसलयःपुष्पितोऽयं जयीन्द्रा- दद्य श्रीराघवेन्द्राद्विलसति फलितो…

|| अग्नेः अष्टोत्तरशतनामस्तोत्रम् || ॐ श्रीगणेशाय नमः । अथ अग्नेः अष्टोत्तरशतनामस्तोत्रम् । अकारदिक्रमेण अजोऽजरोऽजिरोऽजुर्योऽतन्द्रोऽग्निरद्भुतक्रतुः । अङ्कूयन्नङ्गिरा अर्वन्नुञ्जानः सप्तहोतृभिः ॥ १॥ आश‍ृण्वन्नाशुहेमोऽप्य आसन्नासुर आहुतः । आदित्य आपिराबाध आकूतिराघृणीवसुः ॥ २॥ इधान इद्ध इन्धानो दधत्सहस्रिणीरिषः । ईड्य ईळेन्य ईशान ईषयन्निळ ईळितः ॥ ३॥ उक्थ्य उक्षन्नुक्षमाण उक्षान्नो दिवमुत्पतन् । ऊर्जःपुत्र ऊर्जसन ऊर्ध्व ऊर्जोनपादूशन् ॥ ४॥ ऋजूयमानः पृथिवीमुतद्यामृत ऋत्वियः…

|| श्री अगस्त्यमहर्षिस्तोत्रम् || (शार्दूलविक्रीडितवृत्तम्) जीवोद्धारपरायणा सुसरिता कावेरिनामाङिकता यच्छक्तिः सुमहोज्वला सुखघना राराजते क्ष्मातले । वातापील्वलराक्षसावृषिमुनिस्वाध्यायविध्वंसिनौध्वस्तौ येन तपोबलात्तमनघं तं नौम्यगस्त्यं गुरुम् ॥ १॥ सिद्धानामतिशायिशक्तिविभवं सामर्थ्यमूर्तिं गुरुं कन्दर्पोद्धतदुष्टदर्पकरिनुच्छार्दूलकीर्तिप्रभम् । दुष्टारण्यविनाशनैकबलभृद्दावानलं शोभनं वन्दे कुम्भजमद्गुतं भवभयभ्रान्त्यर्णवापोशनम् ॥ २॥ इति श्रीमत् परमहंसपरिव्राजकाचार्य सद्गुरू भगवान श्रीधरस्वामीमहाराजविरचितं श्री अगस्त्यमहर्षिस्तोत्रं सम्पूर्णम् ।

|| शालग्रामस्तोत्रम् || श्रीरामं सह लक्ष्मणं सकरुणं सीतान्वितं सात्त्विकं वैदेहीमुखपद्मलुब्धमधुपं पौलस्त्वसंहारिणम् । वन्दे वन्द्यपदांबुजं सुरवरं भक्तानुकंपाकरं शत्रुघेन हनूमता च भरतेनासेवितं राघवम् ॥ १॥ जयति जनकपुत्री लोकभर्त्री नितान्तं जयति जयति रामः पुण्यपुञ्जस्वरूपः । जयति शुभगराशिर्लक्ष्मणो ज्ञानरूपो जयति किल मनोज्ञा ब्रह्मजाता ह्ययोध्या ॥ २॥ श्री गणेशाय नमः । अस्य श्रीशालग्रामस्तोत्रमन्त्रस्य श्रीभगवान् ऋषिः, नारायणो देवता, अनुष्टुप् छन्दः, श्रीशालग्रामस्तोत्रमन्त्रजपे…

|| श्रीरङ्गस्तोत्रम् || पद्माधिराजे गरुडाधिराजे विरिञ्चराजे सुरराजराजे । त्रैलोक्यराजेऽखिलराजराजे श्रीरङ्गराजे रमतां मनो मे ॥ १॥ नीलाब्जवर्णे भुजपूर्णकर्णे कर्णान्तनेत्रे कमलाकलत्रे । श्रीमल्लरङ्गे जितमल्लरङ्गे श्रीरङ्गरङ्गे रमतां मनो मे ॥ २॥ लक्ष्मीनिवासे जगतां निवासे हृत्पद्मवासे रविबिम्बवासे । क्षीराब्धिवासे फणिभोगवासे श्रीरङ्गवासे रमतां मनो मे ॥ ३॥ कुबेरलीले जगदेकलीले मन्दारमालाङ्कितचारुफाले । दैत्यान्तकालेऽखिललोकमौले श्रीरङ्गलीले रमतां मनो मे ॥ ४॥ अमोघनिद्रे जगदेकनिद्रे…

|| सुमङ्गलस्तोत्रम् || सुमङ्गलं मङ्गलमीश्वराय ते सुमङ्गलं मङ्गलमच्युताय ते । सुमङ्गलं मङ्गलमन्तरात्मने सुमङ्गलं मङ्गलमब्जनाभ ते ॥ सुमङ्गलं श्रीनिलयोरुवक्षसे सुमङ्गलं पद्मभवादिसेविते । सुमङ्गलं पद्मजगन्निवासिने सुमङ्गलं चाश्रितमुक्तिदायिने ॥ चाणूरदर्पघ्नसुबाहुदण्डयोः सुमङ्गलं मङ्गलमादिपूरुष । बालार्ककोटिप्रतिमाय ते विभो चक्राय दैत्येन्द्रविनाशहेतवे ॥ शङ्खाय कोटिन्दुसमानतेजसे शार्ङ्गाय रत्नोज्ज्वलदिव्यरूपिणे । खड्गाय विद्यामयविग्रहाय ते सुमङ्गलं मङ्गलमस्तु ते विभो ॥ तदावयोस्तत्त्व विशिष्टशेषिणे शेषित्वसम्बन्धनिबोधनाय ते । यन्मङ्गलानां…

|| हृदयबोधनस्तोत्रम् || श्रीगणेशाय नमः ॥ हृदय सदा स्मर परमवितारं हैमवतीकमितारम् । विषयभ्रमणं विश्रमविधुरं व्यर्थं मास्म कृथास्त्वम् । आधिव्याधिशताकुलमनिभृतसुखलोभाहितविविधक्लेशम् । आयुश्चञ्चलकमलदलाञ्चलगतजलबिन्दुसदृशक्षेमम् । अशुचिनिकायेऽवश्यविनाशिनि काये बालिशममता काऽये नियतापायी न चिरस्थायी भोगोऽप्यसुभगपर्यवसायी ॥ १॥ आन्तररिपुवशमशिवोदर्कं पीतवितर्कं विशसि वृथा त्वं किं तव लब्धं तत्प्रेरणया सन्ततविषयभ्रान्त्येयत्या । सङ्कटसङ्घविदारणनिपुणे शङ्करचरणे किङ्करशरणे सङ्घटय रतिं सङ्कलय धृतिं सफलय निभृतं जनिलाभं च ॥…

|| विश्वमूर्तिस्तोत्रम् अथवा विश्वमूर्त्यष्टकस्तोत्रम् || श्रीगणेशाय नमः ॥ अकारणायाखिलकारणाय नमो महाकारणकारणाय । नमोऽस्तु कालानललोचनाय कृतागसं मामव विश्वमूर्ते ॥ १॥ नमोऽस्त्वहीनाभरणाय नित्यं नमः पशूनां पतये मृडाय । वेदान्तवेद्याय नमो नमस्ते कृतागसं मामव विश्वमूर्ते ॥ २॥ नमोऽस्तु भक्तेहितदानदात्रे सर्वौषधीनां पतये नमोऽस्तु । ब्रह्मण्यदेवाय नमो नमस्ते कृतागसं मामव विश्वमूर्ते ॥ ३॥ कालाय कालानलसन्निभाय हिरण्यगर्भाय नमो नमस्ते । हालाहलादाय…

|| विश्वनाथनगरीस्तोत्रम् अथवा काश्यष्टकम् || श्रीगणेशाय नमः ॥ स्वर्गतः सुखकरी दिवौकसां शैलराजतनयाऽतिवल्लभा । ढुण्ढिभैरवविदारितविघ्ना विश्वनाथनगरी गरीयसी ॥ १॥ यत्र देहपतनेन देहिनां मुक्तिरेव भवतीति निश्चितम् । पूर्वपुण्यनिचयेन लभ्यते विश्वनाथनगरी गरीयसी ॥ २॥ सर्वदाऽमरगणैश्च वन्दिता या गजेन्द्रमुखवारितविघ्ना । (सर्वदा ह्यमरवृन्दवन्दिता) कालभैरवकृतैकशासना विश्वनाथनगरी गरीयसी ॥ ३॥ यत्र तीर्थममलां मणिकर्णिका सा सदाशिवसुखप्रदायिनी । या शिवेन रचिता निजायुधैर्विश्वनाथनगरी गरीयसी ॥…

|| श्रीलिङ्गपञ्चविंशतिस्तोत्रम् || श्रीमत्परमशिवामृतलिङ्गं श्रीपतिदीन(द्रुहिण)विलोकनलिङ्गम् । सृष्टिस्थितिलयकारणलिङ्गं तं प्रणतोऽस्मि शमीवनलिङ्गम् ॥ १॥ श्रीगिरिजापरमाद्भुतलिङ्गं श्रितजनतासंरक्षणलिङ्गम् । श‍ृङ्गाराङ्गमखान्तकलिङ्गं तं प्रणतोऽस्मि शमीवनलिङ्गम् ॥ २॥ अखिलजगद्धितमनुपमलिङ्गं सकलसुरासुरसेवितलिङ्गम् । अकलङ्कमल (अकलङ्कं च) जटाधरलिङ्गं तं प्रणतोऽस्मि शमीवनलिङ्गम् ॥ ३॥ रविशशिबाडबलोचनलिङ्गं रमणीयाण्डजकुण्डललिङ्गम् । रतिपत्यङ्गविभङ्गसुलिङ्गं तं प्रणतोऽस्मि शमीवनलिङ्गम् ॥ ४॥ हरिहयमणिनिभकन्धरलिङ्गं हरिनन्दनगर्वान्तकलिङ्गम् । हरमद्भुतमतिनिर्मललिङ्गं तं प्रणतोऽस्मि शमीवनलिङ्गम् ॥ ५॥ अधिकसमानविवर्जितलिङ्गं मधुरमनोज्ञसुभाषणलिङ्गम् । विधिचापापविवर्जितलिङ्गं(?)…

|| रुद्रविभूतिस्तोत्रम् || नमः शिवाय रुद्राय कद्रुद्राय प्रचेतसे । मीढुष्टमाय सर्वाय शिपिविष्टायरंहसे ॥ १॥ नमस्ते कालकालाय नमस्ते रुद्र मन्यवे । नमः शिवाय रुद्राय शङ्कराय शिवाय ते ॥ २॥ उग्रोऽसि सर्वभूतानां नियन्तासि शिवोऽसि नः । नमः शिवाय शर्वाय शङ्करायार्तिहारिणे ॥ ३॥ ग्रहाधिपत्ये भगवानभ्यषिञ्चद्दिवाकरम् । वृक्षाणां ओषधीनां च सोमं ब्रह्मा प्रजापतिः ॥ ४॥ अपां च वरुणं देवं…

|| रुद्रमृत्युञ्जयस्तोत्रम् || अथाष्टचत्त्वारिंशः पटलः आनन्दभैरव उवाच । श्रुतं च साधनं पुण्यं महारुद्रस्य सुन्दरि । मणिपूरे प्रकाशञ्च कथितं ज्ञाननिर्णयम् ॥ १॥ अकस्मात् सिद्धिसम्पत्तिं नुतिं वद महाप्रियाम् । यस्य श्रवणमात्रेण पाठेन योगिनीवशम् ॥ २॥ श्रीआनन्दभैरवी उवाच । परमानन्ददेवेश योगानामधिप प्रभो । स्तोत्रं रुद्रस्य वक्ष्यामि सारात्सारं परात्परम् ॥ ३॥ यज्ज्ञात्वा योगिनः सर्वे षट्चक्रपरिभेदकाः । आकाशगामिनः सर्वेर्स्वगमोक्षाभिलाषुकाः ॥…

|| श्रीमहेश्वरप्रातःस्मरणं एवं पञ्चरत्नस्तोत्रम् || प्रातः स्मरामि परमेश्वरवक्त्रपद्मं फालाक्षलोलपरिशोषितपञ्चबाणम् । (फालाक्षि कील) भस्मत्रिपुण्ड्ररचितं फणिकुण्डलाढ्यं कुन्देन्दुचन्दनसुधारसमन्दहासम् ॥ १॥ प्रातर्भजामि परमेश्वरबाहुदण्डान् खट्वाङगशूलहरिणाहिपिनाकयुक्तान् । (हरिणाः पिनाकरुक्तान्) गौरीकपोलकुचरञ्जितपुत्ररेखान् (पत्ररेखान्) सौवर्णकङ्कणमणिद्युतिभासमानान् ॥ २॥ (भासमानाम्) प्रातर्नमामि परमेश्वरपादपद्मं पद्मोद्भवामरमुनीन्द्रमनोनिवासम् । पद्माक्षनेत्रसरसीरुहपूजनीयं पद्माङ्कुशध्वजविसेवित लाञ्छनाढ्यम् ॥ ३॥ (पद्माङ्कुशध्वज सरोरुह) प्रातः स्मरामि परमेश्वरपुण्यमूर्तिं कर्पूरकुन्दधवलं गजचर्मचेलम् । गङ्गाधरं कनकमर्दविभासमानं (घनकपर्दि) कात्यायनीतनुविभूषितवामभागम् ॥ ४॥ प्रातः स्मरामि परमेश्वरपुण्यनाम…

|| महारुद्रस्तोत्रम् || श्रीगणेशाय नमः । वाण्या ॐङ्काररूपिण्या अन्त उक्तोऽस्य नान्यथा । सुरस्त्रिभुवनेशः स नः सर्वान्तःस्थितोऽवतु ॥ १॥ देवोऽयं सर्वदेवाद्यः सूरिरुन्मत्तवत्स्थितः । वाहो बलीवर्दकोऽस्य याञ्चकस्येष्टदः स तु ॥ २॥ नन्दिस्कन्धाधिरूढोऽपि त्रिप्रमित्यतिगः स्वभूः । दशा यस्य न शम्भुं तं सन्तं वन्देऽखिलात्मकम् ॥ ३॥ सद्योजातोऽष्टमूर्तिः स भूतवन्दिस्तुतो जितः । रक्ष मन्मथहन्नाथ तोकधर्माणमद्य माम् ॥ ४॥ स्वतो हेतोर्जगद्धेतो…