Languages: संस्कृत

|| उज्ज्वलवेङ्कटनाथस्तोत्रम् || रङ्गे तुङ्गे कवेराचलजकनकनद्यन्तरङ्गे भुजङ्गे शेषे शेषे विचिन्वन् जगदवननयं भात्यशेषेऽपि दोषे । निद्रामुद्रां दधानो निखिलजनगुणध्यानसान्द्रामतन्द्रां चिन्तां यां तां वृषाद्रौ विरचयसि रमाकान्त कान्तां शुभान्ताम् ॥ १॥ तां चिन्तां रङ्गक्लृप्तां वृषगिरिशिखरे सार्थयन् रङ्गनाथ श्रीवत्सं वा विभूषां व्रणकिणमहिराट्सूरिक्लृप्तापराधम् । धृत्वा वात्सल्यमत्युज्ज्वलयितुमवने सत्क्रतौ बद्धदीक्षो बध्नन्स्वीयाङ्घ्रियूपे निखिलनरपशून् गौणरज्ज्वाऽसि यज्वा ॥ २॥ ज्वालारावप्रनष्टासुरनिवहमहाश्रीरथाङ्गाब्जहस्तं श्रीरङ्गे चिन्तितार्थान्निजजनविषये योक्तुकामं तदर्हान् । द्रष्टुं…

|| अञ्जनशैलनाथस्तोत्रम् || पुलकिनि भुजमध्ये पूजयन्तं पुरन्ध्रीं भुवननयनपुण्यं पूरिताशेषकामम् । पुनरपि वृषशैले फुल्लनीलोत्पलाभं पुरुषमनुभवेयं पुण्डरीकायताक्षम् ॥ १॥ आजानसौहृदमपारकृपामृताब्धिं अव्याजवत्सलमवेलसुशीलमाद्यम् । आनन्दराशिमनुरागमयावरोधं आराधयामि हरिमञ्जनशैलनाथम् ॥ २॥ आताम्रपादमवदातसुवर्णचेलं आपीनबाहुशिखरोज्ज्वलशङ्खचक्रम् । आविस्स्मिताननममन्ददयाकटाक्षं आराधयामि हरिमञ्जनशैलनाथम् ॥ ३॥ अप्राकृतावयवसंहितसंनिवेशं आरूढयौवनमहीनकुमारभावम् । अम्लानकान्तिमतिवाङ्मनसानुभावं आराधयामि हरिमञ्जनशैलनाथम् ॥ ४॥ आशावकाशसमुदित्वरसर्वगन्धं आस्वादयत्सुगमसर्वरसस्वभावम् । आश्लेषगम्यसुखसंस्पृशनातिरेकं आराधयामि हरिमञ्जनशैलनाथम् ॥ ५॥ आदर्शयन्तमतिसंकुचिताक्षिशक्तिं आश्रावयन्तमखिलान् बधिरान् प्रकृत्या । आभाषयन्तमभितो…

|| वरदवल्लभसतोत्रम् अथवा चतुःश्लोकी || यत्पदाम्भोरुहध्यानविध्वस्ताशेषकल्मषः । वस्तुतामुपयातोऽहं यामुनेयं नमामि तम् ॥ कान्तस्ते पुरुषोत्तमः फणिपतिः शय्याऽऽसनं वाहनं वेदात्मा विहगेश्वरो जवनिका माया जगन्मोहिनी । ब्रह्मेशादिसुरव्रजस्सदयितः त्वद्दासदासीगणः श्रीरित्येव च नाम ते भगवति ब्रूमः कथं त्वां वयम् ॥ १॥ यस्यास्ते महिमानमात्मन इव त्वद्वल्लभोऽपिप्रभु- र्नालं मातुमियत्तया निरवधिं नित्यानुकूलं स्वतः । तां त्वां दास इति प्रपन्न इति च स्तोष्याम्यहं निर्भयो…

|| नित्यानन्दस्वामिविरचितं रुचिरस्तोत्रम् || (तोटकवृत्तम्) परमाद्भुत-दिव्यवपू रुचिरं रुचिरेङ्घ्रितलेङ्गुलयो रुचिराः । नखमण्डलमिन्दुनिभं रुचिरं रुचिराधिपते रखिलं रुचिरम् ॥ १॥ प्रपदे रुचिरे प्रसृते रुचिरे मृदु जानुयुगं रुचिरं रुचिरम् । करिहस्त-निभोरुयुगं रुचिरं रुचिराधिपते रखिलं रुचिरम् ॥ २॥ कटिपुष्ट-नितम्बयुगं रुचिरं नतनाभिकजं जठरं रुचिरम् । मृदुलौ स्तननीलमणी रुचिरौ रुचिराधिपते रखिलं रुचिरम् ॥ ३॥ हृदयं रुचिरं पृथुतुङ्गमुरः- स्थलमंसयुगं रुचिरं रुचिरौ । करभौ…

|| मुरलीनादधारास्तोत्रम् || सान्द्राम्भोधरनीलबालवपुषा गोगोपगोपीमनः- कान्तः कान्तकरारविन्दविलसद्वंशीविनोदप्रियः । गोविन्दः कमनीयपीतवसनः गोपालबालावृतः कालिन्दीतटचारिदिव्यचरणः पायाद्यशोदाशिशुः ॥ १॥ देयाच्छ्रेयांसि भूयांस्यखिलजनमनोमोहनानन्दनादः मुग्धस्मेरास्यपद्मारुणशुभकलिकोपात्तमैत्रीविनोदः । नानारत्नप्रदीप्तो मणिमयवलयावीतहस्ताब्जमध्ये भ्राजन्नालोलताम्राङ्गुलिमिलितवपुर्वेणुखण्डो मुरारेः ॥ २॥ पीतं वासो वसानः मणिमयमकुटाबद्धपिञ्छावचूडः वृन्दारण्ये कदम्बद्रुमगहनगतस्सान्द्रनीलाम्बुदाभः । नानारत्नांशुचित्रीकृतधृततपनीयाङ्गभूषासहस्रः स्मेरास्ये संयुयुक्षुर्मधुरसमुरलीं पातु देवो मुकुन्दः ॥ ३॥ आलोलारुणपल्लवाङ्गुलिमिलद्रन्ध्रो मणिप्रोज्ज्वलो मर्त्यामर्त्यसमाजकर्षणकरस्सम्मोहनो देहिनाम् । मन्दं मन्दममन्दमोदसरसप्रेक्षाक्षणोद्भावितो/त्थावितो भूयादस्मदभीष्टपूरणविधौ वेणुर्यदूनां पतेः ॥ ४॥ सम्मूर्छद्वेणुनादामृतसरसि सुखं मज्जता…

|| श्रीमधुसूदनस्तोत्रम् || श्रीगणेशाय नमः ॥ ओमिति ज्ञानमात्रेण रोगाजीर्णेन निर्जिता । कालनिद्रां प्रपन्नोऽस्मि त्राहि मां मधुसूदन ॥ १॥ न गतिर्विद्यते चान्या त्वमेव शरणं मम । पापपङ्के निमग्नोऽस्मि त्राहि मां मधुसूदन ॥ २॥ मोहितो मोहजालेन पुत्रदारगृहादिषु । तृष्णया पीड्यमानोऽस्मि त्राहि मां मधुसूदन ॥ ३॥ भक्तिहीनं च दीनं च दुःखशोकातुरं प्रभो । अनाश्रयमनाथं च त्राहि मां मधुसूदन…

|| मालावतिकृतं श्रीकृष्णस्तोत्रम् || मालावत्युवाच । वन्दे तं परमात्मानं सर्वकारणकारणम् । विना येन शवाः सर्वे प्राणिनो जगतीतले ॥ ९॥ निर्लिप्तं साक्षिरूपं च सर्वेषां सर्वकर्मसु । विद्यमानं न दृष्टं च सर्वैः सर्वत्र सर्वदा ॥ १०॥ येन सृष्टा च प्रकृतिः सर्वाधारा परात्परा । ब्रह्मविष्णुशिवादीनां प्रसूर्या त्रिगुणात्मिका ॥ ११॥ जगत्स्रष्टा स्वयं ब्रह्मा नियतो यस्य सेवया । पाता विष्णुश्च…

|| सन्नामभूषणस्तोत्रम् || गोपालाय धराधरेन्द्रपतये स्वीयार्तिहत्रे सुर त्रासाम्भोधिनिमग्नदेवनिचयोद्धर्त्रे यशोदात्मने । श्रीमन्नन्दसुताय गोपवनितासंलालिताय ध्रुवं कण्ठस्थापितकौस्तुभाय जलदश्यामाय तुभ्यं नमः ॥ १॥ यन्नामलवसंस्पर्शान्न तिष्ठति पराश्रयः । तं गोपीहृदयानन्ददायकं प्रभुमाश्रये ॥ २॥ यन्नामसम्भावनया गजेन्द्रो ग्राहाद्विमुक्तः परमं पदं च । जगाम तन्नामशतं च साष्टकं वदाम्यहं भक्तियुतो यथामति ॥ ३॥ पूर्वं श्रीवासुदेवेन नाम्नामष्टोत्तरं शतम् । कृतं यस्य क्रमात्तस्य तत्तन्नामानुसारतः ॥ ४॥…

|| श्रीसर्वेश्वरप्रपत्तिस्तोत्रम् || कृष्णं सर्वेश्वरं देवमस्माकं कुलदैवतम् । मनसा शिरसा वाचा प्रणमामि मुहुर्मुहुः ॥ १॥ कारुण्यसिन्धुं स्वजनैकबन्धुं कैशोरवेषं कमनीयकेशम् । कालिन्दिकूले कृतरासगोष्ठिं सर्वेश्वरं तं शरणं प्रपद्ये ॥ २॥ वेदैकगम्यं भुवनैकरम्यं विश्वस्य जन्मस्थितिभङ्गहेतुम् । सर्वाधिवासं न परप्रकाशं सर्वेश्वरं तं शरणं प्रपद्ये ॥ ३॥ राधाकलत्रं मनसापरत्रं हेयास्पृशं दिव्यगुणैकभूमिं पद्माकरालालितपादपद्मं सर्वेश्वरं तं शरणं प्रपद्ये ॥ ४॥ आभीरदारानयनाब्जकोषैः संवर्चितास्यं…

|| श्रीसर्वोत्तमस्तोत्रम् || प्राकृतधर्मानाश्रयमप्राकृतनिखिलधर्मरूपमिति । निगमप्रतिपाद्यं यतच्छुद्धं साकृति स्तौमि ॥ १॥ कलिकालतमश्छन्नदृष्टित्वाद्विदुषामपि । सम्प्रत्यविषयस्तस्य माहात्म्यं समभूद्भुवि ॥ २॥ दयया निजमाहात्म्यं करिष्यन् प्रकटं हरिः । वाण्या यदा तदा स्वास्यं प्रादुर्भूतं चकार हि ॥ ३॥ तदुक्तमपि दुर्बोधं सुबोधं स्याद्यथा तथा । तन्नामाष्टोत्तरशतं प्रवक्ष्याम्यखिलाघहृत् ॥ ४॥ ऋषिरग्निकुमारस्तु नाम्ना छन्दो जगत्यसौ । श्रीकृष्णाऽस्यं देवता च बीजं कारुणिकः प्रभुः ॥…

|| स्फुरत्कृष्णप्रेमामृतस्तोत्रम् || स्फुरत्कृष्णप्रेमामृतरसभरेणातिभरिता विहारात्कुर्वाणा व्रजपतिविहाराब्धिषु सदा । प्रिया गोपीभर्तुः स्फुरतु सततं वल्लभ इति प्रधावत्यस्माकं हृदि सुभगमूर्तिः सकरुणा ॥ १॥ श्रीभागवतप्रतिपदमणिवरभावांशुभूषिता मूर्तिः । श्रीवल्लभाभिधानस्तनोति निजदास्यसौभाग्यम् ॥ २॥ मायावादतमो निरस्य मधुभित्सेवाख्यवर्त्माद्भुतं श्रीमद्गोकुलनाथसङ्गमसुधासम्प्रापकं तत्क्षणात् । दुष्प्रापं प्रकटीचकार करुणारागादिसम्मोहनः स श्रीवल्लभभानुरुल्लसति यः श्रीवल्लवीशान्तरः ॥ ३॥ क्वचित्पाण्डित्यं चेन्न निगमगतिः सापि यदि न क्रिया सा सापि स्याद्यदि न हरिमार्गे परिचयः…

|| श्रीस्वामिनारायणध्यानस्तोत्रम् || आदौ प्रेमवतीवृषाङ्गजननं सन्नैकतीर्थाटनं दुष्कर्मोपशमं च साधुशरणं सद्धर्मसंस्थापनम् । हिंसावर्जितभूरियज्ञकरणं मूर्तिप्रतिष्ठापनं आर्यस्थापनमक्षराख्यगमनं सत्सङ्गिसज्जीवनम् ॥ १॥ श्रीमच्छारदपूर्णचन्द्रविलसत्स्मेराननं श्रीहरिं तुङ्गे पीठवरे स्थितं परिवृतं सद्भक्तवृन्दैर्यथा । ताराभिर्विधुमर्च्यमानमुरुधा तैश्चन्दनैः कौसुमै- हरैः शेखरपङ्किभिश्च हृदये शुक्लाम्बरं चिन्तये ॥ २॥ पातुं धर्ममधर्ममुत्खनयितुं श्रीभक्तिधर्माङ्गतो जातायोत्तरकोशलेषु दयया सर्वेश्वरेशाय च । तृप्तिं वाक्यसुधारसैर्विदधते नैजैर्निजानां मुहु- तस्मै श्री हरये नमोऽस्तु सहजानन्दाय सद्वर्णिने ॥ ३॥…

|| श्रीस्वामिनारायणस्तोत्रम् || ऊर्ध्व तथाधो नहि यस्य मानं तस्मिन् महोधामनि राजमानम् । मुक्तव्रजानामधिराजमानं श्रीस्वामिनारायणमानमामि ॥ १॥ ब्रह्माण्डसन्दोहविभासिकान्तिं नैकात्मकल्याणनिगूढकान्तिम् । मनुष्यरूपार्पितदिव्यशान्तिं श्रीस्वामिनारायणमानमामि ॥ २॥ मनुष्यरूपं प्रतिमास्वरूपं तथाक्षरे धामनि दिव्यरूपम् । यस्यास्त्यभिन्नं कमनीयरूपं श्रीस्वामिनारायणमानमामि ॥ ३॥ दिव्याम्बराभूषणभूषिताङ्गं दिव्याद्वितीयाकृतिमञ्जुलाङ्गम् । दिव्यत्वसम्पादकसङ्गिसङ्गं श्रीस्वामिनारायणमानमामि ॥ ४॥ स्वस्वामिनारायणनाममन्त्रं स्वयं दिशन्तं भवपारयन्त्रम् । प्रौढप्रतापाश्रितलोकतन्त्रं श्रीस्वामिनारायणमानमामि ॥ ५॥ योगाद्विना कारितसत्समाधिं सद्भक्तसङ्घातविनाशिताधिम् । सम्प्रापयन्तं…

|| श्रीहंसाष्टकस्तोत्रम् || श्रीहंसं कृष्णरूपञ्च शुभ्रं शान्तस्वरूपकम् । भगवन्तं परब्रह्म नमामि करुणाकरम् ॥ १॥ परम दिव्य धवल श्रीहंस भगवान् जो अतीव शान्तमय, करुणार्णव और परब्रह्म श्रीकृष्णस्वरूप उनको समग्र विधा नमन करते हैं ॥ १॥ दिव्यं रूपधरं कृष्णं सर्वदेव प्रपूजितम् । श्रीहंस परमाधारं प्रणमामि प्रभाकरम् ॥ २॥ जो समस्त देववृन्दों के द्वारा परिपूजित हैं और परम…

|| श्री श्रीशगुणदर्पणस्तोत्रम् || या सुगन्धास्यनासादिनवद्वाराऽखिलेन या । दुराधर्षा सर्वसस्योदयार्थं या करीषिणी ॥ १॥ या नित्यपुष्टा सर्वाङ्गैः सौन्दर्यादिगुणैरपि । ई॒श्वरी॑ꣳ सर्व॑भूता॒नां॒ तामि॒होप॑ह्वये॒ श्रियम् ॥ २॥ (श्रीसूक्तम् ९) मातर्लक्ष्मि नमस्तुभयं माधवप्रियमानिनि । युवां विश्वस्य पितरावितरेतरयोगिनौ ॥ ३॥ “समना” किल मातस्त्वममुना ततयोगिनी । मम नाथेन देवश्च विमनाश्च न स त्वयि ॥ ४॥ त्वं वेदमानिनी वेदवेद्यः किल स…

|| श्रीस्तोत्रम् || अथाग्नेये षट्त्रिंशदधिकद्विशततमोऽध्यायः । पुष्कर उवाच – राज्यलक्ष्मीस्थिरत्वाय यथेन्द्रेण पुरा श्रियः । स्तुतिः कृता तथा राजा जयार्थं स्तुतिमाचरेत् ॥ १॥ इन्द्र उवाच – नमस्ते सर्वलोकानां जननीमब्धिसम्भवाम् । varसर्वभूतानां जीवनमम्बुसम्भवाम् श्रियमुन्निन्द्रपद्माक्षीं विष्णुवक्षःस्थलस्थिताम् ॥ २॥ त्वं सिद्धिस्त्वं स्वधा स्वाहा सुधा त्वं लोकपावनि । सन्ध्या रात्रिः प्रभा भूतिर्मेधा श्रद्धा सरस्वती ॥ ३॥ यज्ञविद्या महाविद्या गुह्यविद्या च…