మురారి స్తుతి

|| మురారి స్తుతి ||

ఇందీవరాఖిల- సమానవిశాలనేత్రో
హేమాద్రిశీర్షముకుటః కలితైకదేవః.

ఆలేపితామల- మనోభవచందనాంగో
భూతిం కరోతు మమ భూమిభవో మురారిః.

సత్యప్రియః సురవరః కవితాప్రవీణః
శక్రాదివందితసురః కమనీయకాంతిః.

పుణ్యాకృతిః సువసుదేవసుతః కలిఘ్నో
భూతిం కరోతు మమ భూమిభవో మురారిః.

నానాప్రకారకృత- భూషణకంఠదేశో
లక్ష్మీపతిర్జన- మనోహరదానశీలః.

యజ్ఞస్వరూపపరమాక్షర- విగ్రహాఖ్యో
భూతిం కరోతు మమ భూమిభవో మురారిః.

భీష్మస్తుతో భవభయాపహకార్యకర్తా
ప్రహ్లాదభక్తవరదః సులభోఽప్రమేయః.

సద్విప్రభూమనుజ- వంద్యరమాకలత్రో
భూతిం కరోతు మమ భూమిభవో మురారిః.

నారాయణో మధురిపుర్జనచిత్తసంస్థః
సర్వాత్మగోచరబుధో జగదేకనాథః.

తృప్తిప్రదస్తరుణ- మూర్తిరుదారచిత్తో
భూతిం కరోతు మమ భూమిభవో మురారిః.

Found a Mistake or Error? Report it Now