ஶ்ரீ ந்ருஸிம்ஹ ஸ்துதி꞉ (ப்ரஹ்லாத க்ருதம்) 2

ப⁴க³வத் ஸ்துதி꞉ (ப்ரஹ்லாத³ க்ருதம்)

ப்ரஹ்லாத³ உவாச ।
நமஸ்தே புண்ட³ரீகாக்ஷ நமஸ்தே புருஷோத்தம ।
நமஸ்தே ஸர்வலோகாத்மந் நமஸ்தே திக்³மசக்ரிணே ॥ 1 ॥

நமோ ப்³ரஹ்மண்யதே³வாய கோ³ப்³ராஹ்மணஹிதாய ச ।
ஜக³த்³தி⁴தாய க்ருஷ்ணாய கோ³விந்தா³ய நமோ நம꞉ ॥ 2 ॥

ப்³ரஹ்மத்வே ஸ்ருஜதே விஶ்வம் ஸ்தி²தௌ பாலயதே புந꞉ ।
ருத்³ரரூபாய கல்பாந்தே நமஸ்துப்⁴யம் த்ரிமூர்தயே ॥ 3 ॥

தே³வா யக்ஷாஸுரா꞉ ஸித்³தா⁴ நாகா³ க³ந்த⁴ர்வகிந்நரா꞉ ।
பிஶாசா ராக்ஷஸாஶ்சைவ மநுஷ்யா꞉ பஶவஸ்ததா² ॥ 4 ॥

பக்ஷிண꞉ ஸ்தா²வராஶ்சைவ பிபீலிகஸரீஸ்ருபா꞉ ।
பூ⁴ம்யாபோ(அ)க்³நிர்நபோ⁴ வாயு꞉ ஶப்³த³꞉ ஸ்பர்ஶஸ்ததா² ரஸ꞉ ॥ 5 ॥

ரூபம் க³ந்தோ⁴ மநோ பு³த்³தி⁴ராத்மா காலஸ்ததா² கு³ணா꞉ ।
ஏதேஷாம் பரமார்த²ஶ்ச ஸர்வமேதத்த்வமச்யுத ॥ 6 ॥

வித்³யாவித்³யே ப⁴வாந் ஸத்யமஸத்யம் த்வம் விஷாம்ருதே ।
ப்ரவ்ருத்தம் ச நிவ்ருத்தம் ச கர்ம வேதோ³தி³தம் ப⁴வாந் ॥ 7 ॥

ஸமஸ்தகர்மபோ⁴க்தா ச கர்மோபகரணாநி ச ।
த்வமேவ விஷ்ணோ ஸர்வாணி ஸர்வகர்மப²லம் ச யத் ॥ 8 ॥

மய்யந்யத்ர ததா²(அ)ஶேஷபூ⁴தேஷு பு⁴வநேஷு ச ।
தவைவ வ்யாப்திரைஶ்வர்யகு³ணஸம்ஸூசிகீ ப்ரபோ⁴ ॥ 9 ॥

த்வாம் யோகி³நஶ்சிந்தயந்தி த்வாம் யஜந்தி ச யாஜகா꞉ ।
ஹவ்யகவ்யபு⁴கே³கஸ்த்வம் பித்ருதே³வஸ்வரூபத்⁴ருக் ॥ 10 ॥

ரூபம் மஹத்தே ஸ்தி²தமத்ர விஶ்வம்
ததஶ்ச ஸூக்ஷ்மம் ஜக³தே³ததீ³ஶ ।
ரூபாணி ஸர்வாணி ச பூ⁴தபே⁴தா³-
-ஸ்தேஷ்வந்தராத்மாக்²யமதீவ ஸூக்ஷ்மம் ॥ 11 ॥

தஸ்மாச்ச ஸூக்ஷ்மாதி³விஶேஷணாநா-
-மகோ³சரே யத்பரமாத்மரூபம் ।
கிமப்யசிந்த்யம் தவ ரூபமஸ்தி
தஸ்மை நமஸ்தே புருஷோத்தமாய ॥ 12 ॥

ஸர்வபூ⁴தேஷு ஸர்வாத்மந் யா ஶக்திரபரா தவ ।
கு³ணாஶ்ரயா நமஸ்தஸ்யை ஶாஶ்வதாயை ஸுரேஶ்வர ॥ 13 ॥

யாதீதகோ³சரா வாசாம் மநஸாம் சாவிஶேஷணா ।
ஜ்ஞாநிஜ்ஞாநபரிச்சே²த்³யா தாம் வந்தே³ சேஶ்வரீம் பராம் ॥ 14 ॥

ஓம் நமோ வாஸுதே³வாய தஸ்மை ப⁴க³வதே ஸதா³ ।
வ்யதிரிக்தம் ந யஸ்யாஸ்தி வ்யதிரிக்தோ(அ)கி²லஸ்ய ய꞉ ॥ 15 ॥

நமஸ்தஸ்மை நமஸ்தஸ்மை நமஸ்தஸ்மை மஹாத்மநே ।
நாம ரூபம் ந யஸ்யைகோ யோ(அ)ஸ்தித்வேநோபலப்⁴யதே ॥ 16 ॥

யஸ்யாவதாரரூபாணி ஸமர்சந்தி தி³வௌகஸ꞉ ।
அபஶ்யந்த꞉ பரம் ரூபம் நமஸ்தஸ்மை மஹாத்மநே ॥ 17 ॥

யோ(அ)ந்தஸ்திஷ்ட²ந்நஶேஷஸ்ய பஶ்யதீஶ꞉ ஶுபா⁴ஶுப⁴ம் ।
தம் ஸர்வஸாக்ஷிணம் விஶ்வம் நமஸ்யே பரமேஶ்வரம் ॥ 18 ॥

நமோ(அ)ஸ்து விஷ்ணவே தஸ்மை யஸ்யாபி⁴ந்நமித³ம் ஜக³த் ।
த்⁴யேய꞉ ஸ ஜக³தாமாத்³ய꞉ ஸ ப்ரஸீத³து மே(அ)வ்யய꞉ ॥ 19 ॥

யத்ரோதமேதத் ப்ரோதம் ச விஶ்வமக்ஷரமவ்யயம் ।
ஆதா⁴ரபூ⁴த꞉ ஸர்வஸ்ய ஸ ப்ரஸீத³து மே ஹரி꞉ ॥ 20 ॥

ஓம் நமோ விஷ்ணவே தஸ்மை நமஸ்தஸ்மை புந꞉ புந꞉ ।
யத்ர ஸர்வம் யத꞉ ஸர்வம் ய꞉ ஸர்வம் ஸர்வஸம்ஶ்ரய꞉ ॥ 21 ॥

ஸர்வக³த்வாத³நந்தஸ்ய ஸ ஏவாஹமவஸ்தி²த꞉ ।
மத்த꞉ ஸர்வமஹம் ஸர்வம் மயி ஸர்வம் ஸநாதநே ॥ 22 ॥

அஹமேவாக்ஷயோ நித்ய꞉ பரமாத்மா(ஆ)த்மஸம்ஶ்ரய꞉ ।
ப்³ரஹ்மஸஞ்ஜ்ஞோ(அ)ஹமேவாக்³ரே ததா²(அ)ந்தே ச பர꞉ புமாந் ॥ 23 ॥

இதி ஶ்ரீவிஷ்ணுபுராணே ப்ரத²மாம்ஶே ஏகோநவிம்ஶோ(அ)த்⁴யாயே ப்ரஹ்லாத³ க்ருத ப⁴க³வத் ஸ்துதி꞉ ।

Found a Mistake or Error? Report it Now