ಸಂಕಟಹರ ಚತುರ್ಥೀ ಪೂಜಾ ವಿಧಾನಂ

|| ಸಂಕಟಹರ ಚತುರ್ಥೀ ಪೂಜಾ ವಿಧಾನಂ ||

ಪುನಃ ಸಙ್ಕಲ್ಪಮ್ –
ಪೂರ್ವೋಕ್ತ ಏವಂ ಗುಣವಿಶೇಷಣ ವಿಶಿಷ್ಟಾಯಾಂ ಶುಭತಿಥೌ ಮಮ ಸರ್ವಸಙ್ಕಟನಿವೃತ್ತಿದ್ವಾರಾ ಸಕಲಕಾರ್ಯಸಿದ್ಧ್ಯರ್ಥಂ ___ ಮಾಸೇ ಕೃಷ್ಣಚತುರ್ಥ್ಯಾಂ ಶುಭತಿಥೌ ಶ್ರೀಗಣೇಶ ದೇವತಾ ಪ್ರೀತ್ಯರ್ಥಂ ಯಥಾ ಶಕ್ತಿ ಸಙ್ಕಟಹರಚತುರ್ಥೀ ಪುಜಾಂ ಕರಿಷ್ಯೇ ।

ಧ್ಯಾನಮ್ –
ಏಕದನ್ತಂ ಮಹಾಕಾಯಂ ತಪ್ತಕಾಞ್ಚನಸನ್ನಿಭಮ್ ।
ಲಮ್ಬೋದರಂ ವಿಶಾಲಾಕ್ಷಂ ವನ್ದೇಽಹಂ ಗಣನಾಯಕಮ್ ॥
ಆಖುಪೃಷ್ಠಸಮಾಸೀನಂ ಚಾಮರೈರ್ವೀಜಿತಂ ಗಣೈಃ ।
ಶೇಷಯಜ್ಞೋಪವೀತಂ ಚ ಚಿನ್ತಯಾಮಿ ಗಜಾನನಮ್ ॥
ಓಂ ಶ್ರೀವಿನಾಯಕಾಯ ನಮಃ ಧ್ಯಾಯಾಮಿ ।

ಆವಾಹನಮ್ –
ಆಗಚ್ಛ ದೇವ ದೇವೇಶ ಸಙ್ಕಟಂ ಮೇ ನಿವಾರಯ ।
ಯಾವತ್ಪೂಜಾ ಸಮಾಪ್ಯೇತ ತಾವತ್ತ್ವಂ ಸನ್ನಿಧೌ ಭವ ॥
ಓಂ ಗಜಾಸ್ಯಾಯ ನಮಃ ಆವಾಹಯಾಮಿ ।

ಆಸನಮ್ –
ಗಣಾಧೀಶ ನಮಸ್ತೇಽಸ್ತು ಸರ್ವಸಿದ್ಧಿಪ್ರದಾಯಕ ।
ಆಸನಂ ಗೃಹ್ಯತಾಂ ದೇವ ಸಙ್ಕಟಂ ಮೇ ನಿವಾರಯ ॥
ಓಂ ವಿಘ್ನರಾಜಾಯ ನಮಃ ಆಸನಂ ಸಮರ್ಪಯಾಮಿ ।

ಪಾದ್ಯಮ್ –
ಉಮಾಪುತ್ರ ನಮಸ್ತೇಽಸ್ತು ನಮಸ್ತೇ ಮೋದಕಪ್ರಿಯ ।
ಪಾದ್ಯಂ ಗೃಹಾಣ ದೇವೇಶ ಸಙ್ಕಟಂ ಮೇ ನಿವಾರಯ ॥
ಓಂ ಲಮ್ಬೋದರಾಯ ನಮಃ ಪಾದ್ಯಂ ಸಮರ್ಪಯಾಮಿ ।

ಅರ್ಘ್ಯಮ್ –
ಲಮ್ಬೋದರ ನಮಸ್ತೇಽಸ್ತು ರತ್ನಯುಕ್ತಂ ಫಲಾನ್ವಿತಮ್ ।
ಅರ್ಘ್ಯಂ ಗೃಹಾಣ ದೇವೇಶ ಸಙ್ಕಟಂ ಮೇ ನಿವಾರಯ ॥
ಓಂ ಶಙ್ಕರಸೂನವೇ ನಮಃ ಅರ್ಘ್ಯಂ ಸಮರ್ಪಯಾಮಿ ।

ಆಚಮನೀಯಮ್ –
ಗಙ್ಗಾದಿಸರ್ವತೀರ್ಥೇಭ್ಯಃ ಆಹೃತಂ ಜಲಮುತ್ತಮಮ್ ।
ಗೃಹಾಣಾಚಮನೀಯಾರ್ಥಂ ಸಙ್ಕಟಂ ಮೇ ನಿವಾರಯ ॥
ಓಂ ಉಮಾಸುತಾಯ ನಮಃ ಆಚಮನೀಯಂ ಸಮರ್ಪಯಾಮಿ ।

ಪಞ್ಚಾಮೃತ ಸ್ನಾನಮ್ –
ಪಯೋದಧಿಘೃತಂ ಚೈವ ಶರ್ಕರಾಮಧುಸಮ್ಯುತಮ್ ।
ಪಞ್ಚಾಮೃತಂ ಗೃಹಾಣೇದಂ ಸಙ್ಕಟಂ ಮೇ ನಿವಾರಯ ॥
ಓಂ ವಕ್ರತುಣ್ಡಾಯ ನಮಃ ಪಞ್ಚಾಮೃತಸ್ನಾನಂ ಸಮರ್ಪಯಾಮಿ ।

ಶುದ್ಧೋದಕ ಸ್ನಾನಮ್ –
ಕವೇರಜಾಸಿನ್ಧುಗಙ್ಗಾ ಕೃಷ್ಣಾಗೋದೋದ್ಭವೈರ್ಜಲೈಃ ।
ಸ್ನಾಪಿತೋಽಸಿ ಮಯಾ ಭಕ್ತ್ಯಾ ಸಙ್ಕಟಂ ಮೇ ನಿವಾರಯ ॥
ಓಂ ಉಮಾಪುತ್ರಾಯ ನಮಃ ಶುದ್ಧೋದಕಸ್ನಾನಂ ಸಮರ್ಪಯಾಮಿ ।

ವಸ್ತ್ರಮ್ –
ಇಭವಕ್ತ್ರ ನಮಸ್ತುಭ್ಯಂ ಗೃಹಾಣ ಪರಮೇಶ್ವರ ।
ವಸ್ತ್ರಯುಗ್ಮಂ ಗಣಾಧ್ಯಕ್ಷ ಸಙ್ಕಟಂ ಮೇ ನಿವಾರಯ ॥
ಓಂ ಶೂರ್ಪಕರ್ಣಾಯ ನಮಃ ವಸ್ತ್ರಾಣಿ ಸಮರ್ಪಯಾಮಿ ।

ಉಪವೀತಮ್ –
ವಿನಾಯಕ ನಮಸ್ತುಭ್ಯಂ ನಮಃ ಪರಶುಧಾರಿಣೇ ।
ಉಪವೀತಂ ಗೃಹಾಣೇದಂ ಸಙ್ಕಟಂ ಮೇ ನಿವಾರಯ ॥
ಓಂ ಕುಬ್ಜಾಯ ನಮಃ ಯಜ್ಞೋಪವೀತಂ ಸಮರ್ಪಯಾಮಿ ।

ಗನ್ಧಮ್ –
ಈಶಪುತ್ರ ನಮಸ್ತುಭ್ಯಂ ನಮೋ ಮೂಷಿಕವಾಹನ ।
ಚನ್ದನಂ ಗೃಹ್ಯತಾಂ ದೇವ ಸಙ್ಕಟಂ ಮೇ ನಿವಾರಯ ॥
ಓಂ ಗಣೇಶ್ವರಾಯ ನಮಃ ಗನ್ಧಾನ್ ಧಾರಯಾಮಿ ।

ಅಕ್ಷತಾನ್ –
ಘೃತಕುಙ್ಕುಮ ಸಮ್ಯುಕ್ತಾಃ ತಣ್ಡುಲಾಃ ಸುಮನೋಹರಾಃ ।
ಅಕ್ಷತಾಸ್ತೇ ನಮಸ್ತುಭ್ಯಂ ಸಙ್ಕಟಂ ಮೇ ನಿವಾರಯ ॥
ಓಂ ವಿಘ್ನರಾಜಾಯ ನಮಃ ಅಕ್ಷತಾನ್ ಸಮರ್ಪಯಾಮಿ ।

ಪುಷ್ಪಮ್ –
ಚಮ್ಪಕಂ ಮಲ್ಲಿಕಾಂ ದೂರ್ವಾಃ ಪುಷ್ಪಜಾತೀರನೇಕಶಃ ।
ಗೃಹಾಣ ತ್ವಂ ಗಣಾಧ್ಯಕ್ಷ ಸಙ್ಕಟಂ ಮೇ ನಿವಾರಯ ॥
ಓಂ ವಿಘ್ನವಿನಾಶಿನೇ ನಮಃ ಪುಷ್ಪೈಃ ಪೂಜಯಾಮಿ ।

ಪುಷ್ಪ ಪೂಜಾ –
ಓಂ ಸುಮುಖಾಯ ನಮಃ ।
ಓಂ ಏಕದನ್ತಾಯ ನಮಃ ।
ಓಂ ಕಪಿಲಾಯ ನಮಃ ।
ಓಂ ಗಜಕರ್ಣಕಾಯ ನಮಃ ।
ಓಂ ಲಮ್ಬೋದರಾಯ ನಮಃ ।
ಓಂ ವಿಕಟಾಯ ನಮಃ ।
ಓಂ ವಿಘ್ನರಾಜಾಯ ನಮಃ ।
ಓಂ ವಿನಾಯಕಾಯ ನಮಃ ।
ಓಂ ಧೂಮಕೇತವೇ ನಮಃ ।
ಓಂ ಗಣಾಧ್ಯಕ್ಷಾಯ ನಮಃ ।
ಓಂ ಫಾಲಚನ್ದ್ರಾಯ ನಮಃ ।
ಓಂ ಗಜಾನನಾಯ ನಮಃ ।
ಓಂ ವಕ್ರತುಣ್ಡಾಯ ನಮಃ ।
ಓಂ ಶೂರ್ಪಕರ್ಣಾಯ ನಮಃ ।
ಓಂ ಹೇರಮ್ಬಾಯ ನಮಃ ।
ಓಂ ಸ್ಕನ್ದಪೂರ್ವಜಾಯ ನಮಃ ।

ಏಕವಿಂಶತಿ ದೂರ್ವಾಯುಗ್ಮ ಪೂಜಾ –
ಗಣಾಧಿಪಾಯ ನಮಃ ದೂರ್ವಾಯುಗ್ಮಂ ಸಮರ್ಪಯಾಮಿ ।
ಉಮಾಪುತ್ರಾಯ ನಮಃ ದೂರ್ವಾಯುಗ್ಮಂ ಸಮರ್ಪಯಾಮಿ ।
ಅಘನಾಶನಾಯ ನಮಃ ದೂರ್ವಾಯುಗ್ಮಂ ಸಮರ್ಪಯಾಮಿ ।
ಏಕದನ್ತಾಯ ನಮಃ ದೂರ್ವಾಯುಗ್ಮಂ ಸಮರ್ಪಯಾಮಿ ।
ಇಭವಕ್ತ್ರಾಯ ನಮಃ ದೂರ್ವಾಯುಗ್ಮಂ ಸಮರ್ಪಯಾಮಿ ।
ಮೂಷಿಕವಾಹನಾಯ ನಮಃ ದೂರ್ವಾಯುಗ್ಮಂ ಸಮರ್ಪಯಾಮಿ ।
ವಿನಾಯಕಾಯ ನಮಃ ದೂರ್ವಾಯುಗ್ಮಂ ಸಮರ್ಪಯಾಮಿ ।
ಈಶಪುತ್ರಾಯ ನಮಃ ದೂರ್ವಾಯುಗ್ಮಂ ಸಮರ್ಪಯಾಮಿ ।
ಸರ್ವಸಿದ್ಧಿಪ್ರದಾಯ ನಮಃ ದೂರ್ವಾಯುಗ್ಮಂ ಸಮರ್ಪಯಾಮಿ ।
ಲಮ್ಬೋದರಾಯ ನಮಃ ದೂರ್ವಾಯುಗ್ಮಂ ಸಮರ್ಪಯಾಮಿ ।
ವಕ್ರತುಣ್ಡಾಯ ನಮಃ ದೂರ್ವಾಯುಗ್ಮಂ ಸಮರ್ಪಯಾಮಿ ।
ಮೋದಕಪ್ರಿಯಾಯ ನಮಃ ದೂರ್ವಾಯುಗ್ಮಂ ಸಮರ್ಪಯಾಮಿ ।
ವಿಘ್ನವಿಧ್ವಂಸಕರ್ತ್ರೇ ನಮಃ ದೂರ್ವಾಯುಗ್ಮಂ ಸಮರ್ಪಯಾಮಿ ।
ವಿಶ್ವವನ್ದ್ಯಾಯ ನಮಃ ದೂರ್ವಾಯುಗ್ಮಂ ಸಮರ್ಪಯಾಮಿ ।
ಅಮರೇಶಾಯ ನಮಃ ದೂರ್ವಾಯುಗ್ಮಂ ಸಮರ್ಪಯಾಮಿ ।
ಗಜಕರ್ಣಕಾಯ ನಮಃ ದೂರ್ವಾಯುಗ್ಮಂ ಸಮರ್ಪಯಾಮಿ ।
ನಾಗಯಜ್ಞೋಪವೀತಿನೇ ನಮಃ ದೂರ್ವಾಯುಗ್ಮಂ ಸಮರ್ಪಯಾಮಿ ।
ಫಾಲಚನ್ದ್ರಾಯ ನಮಃ ದೂರ್ವಾಯುಗ್ಮಂ ಸಮರ್ಪಯಾಮಿ ।
ಪರಶುಧಾರಿಣೇ ನಮಃ ದೂರ್ವಾಯುಗ್ಮಂ ಸಮರ್ಪಯಾಮಿ ।
ವಿಘ್ನಾಧಿಪಾಯ ನಮಃ ದೂರ್ವಾಯುಗ್ಮಂ ಸಮರ್ಪಯಾಮಿ ।
ವಿದ್ಯಾಪ್ರದಾಯ ನಮಃ ದೂರ್ವಾಯುಗ್ಮಂ ಸಮರ್ಪಯಾಮಿ ।

ಧೂಪಮ್ –
ಲಮ್ಬೋದರ ಮಹಾಕಾಯ ಧೂಮ್ರಕೇತೋ ಸುವಾಸಿತಮ್ ।
ಧೂಪಂ ಗೃಹಾಣ ದೇವೇಶ ಸಙ್ಕಟಂ ಮೇ ನಿವಾರಯ ॥
ಓಂ ವಿಕಟಾಯ ನಮಃ ಧೂಪಂ ಆಘ್ರಾಪಯಾಮಿ ।

ದೀಪಮ್ –
ವಿಘ್ನಾನ್ಧಕಾರ ಸಂಹಾರ ಕಾರಕ ತ್ರಿದಶಾಧಿಪ ।
ದೀಪಂ ಗೃಹಾಣ ದೇವೇಶ ಸಙ್ಕಟಂ ಮೇ ನಿವಾರಯ ॥
ಓಂ ವಾಮನಾಯ ನಮಃ ದೀಪಂ ದರ್ಶಯಾಮಿ ।

ನೈವೇದ್ಯಮ್ –
ಮೋದಕಾಪೂಪಲಡ್ಡುಕ ಪಾಯಸಂ ಶರ್ಕರಾನ್ವಿತಮ್ ।
ಪಕ್ವಾನ್ನಂ ಸಘೃತಂ ದೇವ ನೈವೇದ್ಯಂ ಪ್ರತಿಗೃಹ್ಯತಾಮ್ ॥
ಓಂ ಸರ್ವದೇವಾಯ ನಮಃ ಅಮೃತೋಪಹಾರಂ ಸಮರ್ಪಯಾಮಿ ।

ಫಲಮ್ –
ನಾರಿಕೇಲ ಫಲಂ ದ್ರಾಕ್ಷಾ ರಸಾಲಂ ದಾಡಿಮಂ ಶುಭಮ್ ।
ಫಲಂ ಗೃಹಾಣ ದೇವೇಶ ಸಙ್ಕಟಂ ಮೇ ನಿವಾರಯ ॥
ಓಂ ಸರ್ವಾರ್ತಿನಾಶಿನೇ ನಮಃ ಫಲಂ ಸಮರ್ಪಯಾಮಿ ।

ತಾಮ್ಬೂಲಮ್ –
ಕ್ರಮುಕೈಲಾಲವಙ್ಗಾನಿ ನಾಗವಲ್ಲೀದಲಾನಿ ಚ ।
ತಾಮ್ಬೂಲಂ ಗೃಹ್ಯತಾಂ ದೇವ ಸಙ್ಕಟಂ ಮೇ ನಿವಾರಯ ॥
ಓಂ ವಿಘ್ನಹರ್ತ್ರೇ ನಮಃ ತಾಮ್ಬೂಲಂ ಸಮರ್ಪಯಾಮಿ ।

ನೀರಾಜನಮ್ –
ಕರ್ಪೂರಾನಲಸಮ್ಯುಕ್ತಂ ಅಶೇಷಾಘೌಘನಾಶನಮ್ ।
ನೀರಾಜನಂ ಗೃಹಾಣೇಶ ಸಙ್ಕಟಾನ್ಮಾಂ ವಿಮೋಚಯ ॥
ಓಂ ಶ್ರೀವಿನಾಯಕಾಯ ನಮಃ ಕರ್ಪೂರನೀರಾಜನಂ ಸಮರ್ಪಯಾಮಿ ।

ಪುಷ್ಪಾಞ್ಜಲಿಃ –
ಚಮ್ಪಕಾಶೋಕವಕುಲ ಪಾರಿಜಾತ ಭವೈಃ ಸುಮೈಃ ।
ಪುಷ್ಪಾಞ್ಜಲಿಂ ಗೃಹಾಣೇಮಂ ಸಙ್ಕಟಾನ್ಮಾಂ ವಿಮೋಚಯ ॥
ಓಂ ದೇವೋತ್ತಮಾಯ ನಮಃ ಸುವರ್ಣಪುಷ್ಪಂ ಸಮರ್ಪಯಾಮಿ ।

ನಮಸ್ಕಾರಮ್ –
ತ್ವಮೇವ ವಿಶ್ವಂ ಸೃಜಸೀಭವಕ್ತ್ರ
ತ್ವಮೇವ ವಿಶ್ವಂ ಪರಿಪಾಸಿ ದೇವ ।
ತ್ವಮೇವ ವಿಶ್ವಂ ಹರಸೇಽಖಿಲೇಶ
ತ್ವಮೇವ ವಿಶ್ವಾತ್ಮಕ ಆವಿಭಾಸಿ ॥

ನಮಾಮಿ ದೇವಂ ಗಣನಾಥಮೀಶಂ
ವಿಘ್ನೇಶ್ವರಂ ವಿಘ್ನವಿನಾಶದಕ್ಷಮ್ ।
ಭಕ್ತಾರ್ತಿಹಂ ಭಕ್ತವಿಮೋಕ್ಷದಕ್ಷಂ
ವಿದ್ಯಾಪ್ರದಂ ವೇದನಿದಾನಮಾದ್ಯಮ್ ॥

ಯೇ ತ್ವಾಮಸಮ್ಪೂಜ್ಯ ಗಣೇಶ ನೂನಂ
ವಾಞ್ಛನ್ತಿ ಮೂಢಾಃ ವಿಹಿತಾರ್ಥಸಿದ್ಧಿಮ್ ।
ತ ಏವ ನಷ್ಟಾ ನಿಯತಂ ಹಿ ಲೋಕೇ
ಜ್ಞಾತೋ ಮಯಾ ತೇ ಸಕಲಃ ಪ್ರಭಾವಃ ॥

ಓಂ ಧೂಮ್ರಾಯ ನಮಃ ಪ್ರಾರ್ಥನಾ ನಮಸ್ಕಾರಾನ್ ಸಮರ್ಪಯಾಮಿ ।

ಅರ್ಘ್ಯಮ್ –
ತಿಥೀನಾಮುತ್ತಮೇ ದೇವಿ ಗಣೇಶಪ್ರಿಯವಲ್ಲಭೇ ।
ಸಙ್ಕಟಂ ಹರ ಮೇ ದೇವಿ ಗೃಹಾಣಾರ್ಘ್ಯಂ ನಮೋಽಸ್ತು ತೇ ॥
ಚತುರ್ಥೀತಿಥಿದೇವತಾಯೈ ನಮಃ ಇದಮರ್ಘ್ಯಮ್ । (ಇತಿ ಸಪ್ತವಾರಂ)

ಲಮ್ಬೋದರ ನಮಸ್ತುಭ್ಯಂ ಸತತಂ ಮೋದಕಪ್ರಿಯ ।
ಸಙ್ಕಟಂ ಹರ ಮೇ ದೇವ ಗೃಹಾಣಾರ್ಘ್ಯಂ ನಮೋಽಸ್ತು ತೇ ॥
ಸಙ್ಕಟಹರ ವಿಘ್ನೇಶಾಯ ನಮಃ ಇದಮರ್ಘ್ಯಮ್ । (ಇತಿ ಸಪ್ತವಾರಂ)

ಕ್ಷೀರೋದಾರ್ಣವ ಸಮ್ಭೂತ ಅತ್ರಿಗೋತ್ರಸಮುದ್ಭವ ।
ಗೃಹಾಣಾರ್ಘ್ಯಂ ಮಯಾ ದತ್ತಂ ರೋಹಿಣೀಸಹಿತಃ ಶಶಿನ್ ॥
ಚನ್ದ್ರಾಯ ನಮಃ ಇದಮರ್ಘ್ಯಮ್ । (ಇತಿ ಸಪ್ತವಾರಂ)

ಕ್ಷಮಾಪ್ರಾರ್ಥನ –
ಯಸ್ಯ ಸ್ಮೃತ್ಯಾ ಚ ನಾಮೋಕ್ತ್ಯಾ ತಪಃ ಪೂಜಾ ಕ್ರಿಯಾದಿಷು ।
ನ್ಯೂನಂ ಸಮ್ಪೂರ್ಣತಾಂ ಯಾತಿ ಸದ್ಯೋ ವನ್ದೇ ಗಜಾನನಮ್ ॥
ಮನ್ತ್ರಹೀನಂ ಕ್ರಿಯಾಹೀನಂ ಭಕ್ತಿಹೀನಂ ಗಣಾಧಿಪ ।
ಯತ್ಪೂಜಿತಂ ಮಯಾ ದೇವ ಪರಿಪೂರ್ಣಂ ತದಸ್ತು ತೇ ॥

ಸಮರ್ಪಣಮ್ –
ಅನಯಾ ಧ್ಯಾನ ಆವಾಹನಾದಿ ಷೋಡಶೋಪಚಾರ ಪೂಜಯಾ ಭಗವಾನ್ ಸರ್ವಾತ್ಮಿಕಃ ಶ್ರೀ ಗಣೇಶಃ ಸುಪ್ರೀತೋ ಸುಪ್ರಸನ್ನೋ ವರದೋ ಭವನ್ತು । ಇದಂ ಸಙ್ಕಟಹರಚತುರ್ಥೀ ಪೂಜಾ ಗಣೇಶಾರ್ಪಣಮಸ್ತು ।

ತೀರ್ಥಪ್ರಸಾದ ಸ್ವೀಕರಣ –
ಅಕಾಲಮೃತ್ಯುಹರಣಂ ಸರ್ವವ್ಯಾಧಿನಿವಾರಣಮ್ ।
ಸಮಸ್ತಪಾಪಕ್ಷಯಕರಂ ಶ್ರೀ ಮಹಾಗಣಾಧಿಪತಿ ಪಾದೋದಕಂ ಪಾವನಂ ಶುಭಮ್ ॥
ಶ್ರೀ ಮಹಾಗಣಪತಿ ಪ್ರಸಾದಂ ಶಿರಸಾ ಗೃಹ್ಣಾಮಿ ॥

ಉದ್ವಾಸನಮ್ –
ಗಚ್ಛ ಸತ್ತ್ವಮುಮಾಪುತ್ರ ಮಮಾನುಗ್ರಹಕಾರಣಾತ್ ।
ಪೂಜಿತೋಽಸಿ ಮಯಾ ಭಕ್ತ್ಯಾ ಗಚ್ಛ ಸ್ವಸ್ಥಾನಕಂ ಪ್ರಭೋ ॥
ಗಣಪತಯೇ ನಮಃ ಯಥಾಸ್ಥಾನಂ ಉದ್ವಾಸಯಾಮಿ ।
ಶೋಭನಾರ್ಥೇ ಕ್ಷೇಮಾಯ ಪುನರಾಗಮನಾಯ ಚ ।

ಓಂ ಶಾನ್ತಿಃ ಶಾನ್ತಿಃ ಶಾನ್ತಿಃ ।

Found a Mistake or Error? Report it Now